Proverbios 12:5 - Biblia Mixe de Quetzaltepec

⁵ Yë wa'ats ja'aytyëjk yë'ë myëmaay myëtajtëp yë tëyajtën jaanty'ajtën; e yë ëxëëkja'aytyëjk yi'iyë myëmaay myëtajtëp wi'ix wyin'ëën wyinxajtëtyën.

Biblia Dc en Mixe de Quetzaltepec

⁵ Yë wa'ats ja'aytyëjk yë'ë myëmaay myëtajtëp yë tëyajtën jaanty'ajtën; e yë ëxëëkja'aytyëjk yi'iyë myëmaay myëtajtëp wi'ix wyin'ëën wyinxajtëtyën.

Proverbios 12:5 ပူးပေါင်းရင်းမြစ်များ

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Salmos 139:23

Mijts Tios, ijxkës ets xynyijawëty yë njot nwinma'anyës. Ëkwinma'any'ijxkës ets xynyijawëty wi'ixës nmay ntajyën.

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

2 Corintios 4:2

Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Tios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Tios wyintum.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Tios myo'ojëtëty ja oyajtën wi'ix nitu'ukjaty pyaat'atyën.

Mateo 26:4

Jamts ojts tnimay tnitajëtë wi'ix ja Jesús tmatsa'antë awin'ëënë ets tyaj'ooka'antë.

Mateo 2:16

Ko ja Herodes tnija'awëy ko ja matsa'a ixtääpyë ënäty tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënäty tpamay ja xëëw po'o jëna'a ja matsa'a ixtääpyë të tnikajpxtën.

Proverbios 24:9

Yë tsuuja'ay yi'iyë myääpy tyäjpy wi'ix pyokytyunëtyën. Ka'ap pën mëët oy nyäjyawëty yë ja'ay mëti'ipë ëxëëk ëtëtsp ënaanpën.

Proverbios 11:23

Mëti'ipë wa'ats ja'aytyëjk tsyojkën'ajtëpën oy wyimpëtsëmy, mëti'ipë yë ëxëëkja'aytyëjk tsyojkën'ajtëpën, je'eyë yajoot'anpëky.

Salmos 119:15

Yë'ëjës nmëmayäämpy nmëtajäämpy yë m'ënä'ämën mtëyajtën, etsës yë nwinma'any jam npëjktaka'any ma mnë'ë mtu'ujën.

Proverbios 12:4

Yë to'oxytyëjk mëti'ipë wijyën, mëj'äämpy yë nyiye'etyëjk tyajnaxy; e yë to'oxytyëjk mëti'ipë tsuujën, ëxëëk yë nyiye'etyëjk tyajjaty.

Proverbios 12:6

Ko yë ëxëëk ja'ay kyäjpxy kutsë'ëkë yë'ë, e ko yë wa'ats ja'ay kyäjpxy yë'ë yäjkpy yë nitsokën.

Proverbios 14:8

Yë wijyajtën yë'ë wijyjyä'äy tyukja'akyujkëp ma tii tunyën; e yë tsuuja'ay yë'ë nätyukwin'ë'ënëp ko tsyuujëty.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Jeremias 9:5

Aak nätyukxikëtëp yë ja'ay; ni pën tii mëtëy tkanimëtyä'äky. Je'eyë të tjajtnëtë wi'ix wyin'ëëntëtyën, tëë yë jyot wyinma'any mya'taaynyëtë, tsip ets y'oyëtëty.