Proverbios 12:1 - Biblia Mixe de Quetzaltepec

¹ Ko yaj'oyjyawë yë nätyu'uwinwow nätyu'uwinwitsë, wijyajtën ënäty yajtsojkën'ajtp; e ko yaj'ëxëëkjawë yë nätyu'uwinwow nätyu'uwinwitsë, tsuu'at ënäty nikëxë'kp.

Biblia Dc en Mixe de Quetzaltepec

¹ Ko yaj'oyjyawë yë nätyu'uwinwow nätyu'uwinwitsë, wijyajtën ënety yajtsojkën'ajtp; e ko yaj'ëxëëkjawë yë nätyu'uwinwow nätyu'uwinwitsë, tsuu'at ënety nikëxë'kp.

Proverbios 12:1 ပူးပေါင်းရင်းမြစ်များ

Proverbios 15:10

Mëti'ipë ja'ay oynyë'ë oytyu'u y'ëxmajtsypyën, yë'ë mëët wyimpity näywyop näkya'atsë. Pën y'ëxëëkja'ap ko tii yajtukumëtoy, kë'ëm nyäyaj'ooky nyäyajtëkoyë.

Proverbios 18:1

Ja'ay mëti'ipë atsojkpën, yi'iyë y'ixtääpy mëti'ipë tyuk'oy'atëpën, ka'ap jyä'äkyukë ko pën y'ëëwtë'ëy kyajpxtë'ëyë.

Salmos 92:6

Yi'iyë yë tsuuja'aytyëjkëty ka'ap jëtu'unpë tja'akyukëtë.

Salmos 32:9

Këtii jëtu'un mja'ay'atëty ijxtëm yë mëkjëyujkën ëkë kwaayën, ka'apë jyä'äkyukëtën. Koonëm yë tejpxy yajtuk'ajäänë'ëky täänëm wya'ak'oyë, ko jeexyë tii kyayajtuk'apëkë ka'ap jeexyë niwi'ixtsow wya'ak'oyë.

2 Tesalonicenses 2:10

Ya'atë mëjku'u tu'kë'ëyë tyajtuunta'aja'any mëti'ipë poky'ajtpën ets twin'ëëna'any mëti'ipëty ënäty nëjkxantëpën ëyoowtakntum, jä'ä ko ënäty ka'ap të tkupëktë ni të tkatsoktë ja mëtëypyë ets jeexyë tpaatë ja nitsokën.

Proverbios 8:17

Ëjts ntsojkpyës mëti'ipës näjyëtu'un xytsyojkpën, mëti'ipës xy'ixtääpyën xypyatpës.

Proverbios 8:32

E tyam, u'unkëty maayëty, mëtoow'ijtëkës. Jëtu'un winë xytyuntëty ijxtëm ëjts winë ntunyën, ënät jotkujk myajpaatëty.

Isaías 1:3

Yë tsajpkaa y'ixyp pën wyintsën'ajtypyën, ets krukts nyija'ap ma jyë'kxtakn yë wyintsën të myo'oyën; e yë Israel ja'ayëty mëti'ipës nnaax'ajtyp nkajpn'ajtypyën ka'ap y'ijxkäpy ets ka'ap jyä'äkyukë.

Salmos 119:27

Mooykyës yë ijxkujk ja'aykyujkën etsës yajxon npatunëty yë m'aaw m'ayuk, ëjts yi'iyës nmëmayäämpy nmëtajäämpy wi'ix mijts mëj këjää winë xytyunyën.

Salmos 50:17

Mijts ka'ap xy'oyjawë ko tii ntuk'ënëëmë, ets ka'ap xytyunyë këwentë yë n'ayukës.

Proverbios 8:36

e koos pën xy'ëxmatsy, jëtu'un tä jeexyë atsë'ëkëtuuy nyäpyëjktä'äkyën; pënës xy'ëxëëk'ijxp, o'kën tsyojkën'ajtyp.

Proverbios 11:31

Pën wa'ats ja'ay y'ëxajëp yë myëju'uny yaa naaxwiiny naaxkëjxy, näjyëtu'un yë ëxëëkja'aytyëjk kopkpëky ko tkumëtowtë yë pyoky.

Proverbios 12:2

Yë oyjyä'äy, tsojkëp yë Tios, e yë ëxëëk ja'ay pokytyum yajpëjktä'äky.

Proverbios 30:2

Ëjts jëtu'un yajxon kujuun ma ja nmëye'etyëjktëjkënës, ëjts ninu'unës tii nkaja'akyukë.

Levitico 13:10

Yë teety yë'ë nëjkx y'ixyë, ko ja pu'uts kyëxë'ëkëty poop ets jëtu'un näjyëtu'un kyëxë'ëkëty ja nyi'u'kxy poop ets kyëxë'ëkëty ja xixy'u'unk mëti'ipë jap këk yajpatpën,

Salmos 141:5

Mëyajtën ënäty tu'uk yë oyjyä'äy tyuunpy koos xytyukkumëtowëty maas tii oy nkatunyën, jëtu'unës njawëty tä tu'uk yë on pya'akxuukyën koos xy'ojëty ka'apës jëtu'unpë nwiinkjawëja'any oy mëk njamëtowëtyës ëjts je'eyëmës Tios nmëkajpxa'any.

Proverbios 10:8

Yë ja'ay mëti'ipë wijyën, käjpxykyupëjkp nyäpyëjktä'äkyë; e mëti'ipë wiinkjaty ëtsoopën, ëxëëk jyäty kyëpety.