Proverbios 11:9 - Biblia Mixe de Quetzaltepec

⁹ Ko yë ëxëëk ja'ay kyäjpxy yajtëkooytyääpy yë jyiiky myëku'uk; e yë wa'ats ja'ay yë wijyajtën yë'ë jatëkok yajtsokëp.

Biblia Dc en Mixe de Quetzaltepec

⁹ Ko yë ëxëëk ja'ay kyäjpxy yajtëkooytyääpy yë jyiiky myëku'uk; e yë wa'ats ja'ay yë wijyajtën yë'ë jatëkok yajtsokëp.

Proverbios 11:9 ပူးပေါင်းရင်းမြစ်များ

1 Juan 2:27

Mmëët'ajtëp ja Kënu'kxymyëkajtën, mëti'ipë ja Wintsën Jesukristë mëët të mkënu'kxëtën, ets ka'ap xyajmëyatë ets pën myaj'ijxpëkëtëty, jä'ä ko ja Kënu'kxymyëkajtën mëti'ipë të mmo'ojëtën yë'ë mtuk'ijxpëjkëtëp winë, ets aakjä'ä yaj'ijxpëjkpy mëti'ipë mëtëyën, yë'ë ka'ap wyin'ëëny. Tu'ukyë mëët ja Kristë yajpaatë, jëtu'un tä ja Kënu'kxymyëk'ajtën të mtukni''ixëtën.

1 Juan 2:21

Ka'ap yë'ëkyëjxmëty miits nnijäyëtë ko xykyanijawëtë ja tëypyë jaantypë, paaty miits nnijäyëtë ko të xynyijawëtë ets mnija'awëtëp ko ka'ap tii anëëmëtyä'äky tsyoony ma ja tëypyë jaantypën.

Hechos 20:30

Näy tam jënaakën ma miitsëtyën mëti'ipë nëjkx wyin'ëënyën ets jëtu'un yaj'ixpëka'any ets ja mëpëjkpë pyanëjkxëtëty.

Salmos 55:12

Koos yë nmëtsip xyajjoot'anpëky këtii myëmëtaknëty, koos yë nmëtsip xynyipëtë'ëky wi'ixës n'ëknäyu'utsëtëty.

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Tios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

Job 34:30

këtiipë yë'ë y'ënä'ämtëty yë ëxëëkja'aytyëjkëty yë ja'ay mëti'ipë ëxëëk ja jyot wyinma'anyën ets nëkoo wyin'ëënëty.

Job 8:13

Näyjyëtu'un jyatë kyëpätë yë ëxëëkja'aytyëjk mëti'ipë Tios të tja'atyëkoytyën; oy tii të tjajëjp'ixtë, ka'ap t'ëkpatnëtë.

1 Reyes 22:6

Ënät ja yajkutujkpë twoowmujktaay ja Wintsën ja myëtuunpëtëjk, jä'ä nyiwinë'atë nimajktaxk mëko'px ets tyajtëëy: ¿Wi'ix oyës yë Ramot nitsiptunëtyë, ëkë ka'apë? Ets yë'ëjëty y'ëtsoowtë: Oy, nitsiptun, jä'ä ko yë Wintsën tëë tkë'ëyäky.

Marcos 13:14

Ko xy'ixtëty ja ëxëëkpë ma ka'ap pyaat'atyën. Pën ya'atë noky kyäjpxypën wä'än tja'akyukë, wä'än ja ja'ay tkä'äktë mëti'ipë tsënaaytyëpën jam Judea nyaaxjotm ets nyëjkxtëty tunjot kopkjotm.

Proverbios 11:6

Yë nipaye'eyën yaj'ëwaatsëpëtsëëmp yë oyjyä'äytyëjk, e mëti'ipë winë y'atsojkpyën ëxëëk tmëjaty.

Proverbios 11:8

Yë Tios yajpëtsëëmpy yë oyjyä'äytyëjk ma monyë tukyën; ets ëxëëkja'aytyëjk yë'ë jam tpëjktä'äky.

Proverbios 16:29

Yë ja'ay mëti'ipë ëxëëk ëtëtsp ënaanpën, nëkoo je'eyë yë myëku'uk twin'ëëny ets jam tnajtskäxë ma ja ëxëëkpë ja në'ë aaw tu'u'aawën.