Proverbios 11:6 - Biblia Mixe de Quetzaltepec

⁶ Yë nipaye'eyën yaj'ëwaatsëpëtsëëmp yë oyjyä'äytyëjk, e mëti'ipë winë y'atsojkpyën ëxëëk tmëjaty.

Biblia Dc en Mixe de Quetzaltepec

⁶ Yë nipaye'eyën yaj'ëwaatsëpëtsëëmp yë oyjyä'äytyëjk, e mëti'ipë winë y'atsojkpyën ëxëëk tmëjaty.

Proverbios 11:6 ပူးပေါင်းရင်းမြစ်များ

Eclesiastés 10:8

Mëti'ipë jut yajkojpyën, jap kyuka'anaxy. Mëti'ipë potsy jijtpën, tsu'tsëp yë tsa'any.

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

1 Reyes 2:44

Mja'amyejtsyp wi'ix ojts ëxëëkjaty xypya'ëy xypyakäjpxyën ja nteetyës David. E paatykyëjxm ënät tyam ja poky mëti'ipë mtuunën kë'ëm xykyumëtowa'any.

Génesis 31:37

Tëë xy'ijxnajxta'ay xypyëjknajxta'ay maas winë nmëët'atyën. ¿E tii të xypyääty mëti'ipë mjä'ä'ajtypyën ma mjëën mtëjkën? Pëjkta'ak yaa itkujky pën tëë winë xypyääty ets t'ixtëty ja mëku'uktëjk etsës ja nmëku'uktëjk näjyëtu'un t'ixtëty ets yajnijawëty pën mëtëy ënaanp.

Génesis 30:33

Ko mijts jëna'a min xy'ixy, mëti'ipës ënäty njä'ä'ajtypyën, jää m'ëna'anëty koos ëjts ënäty yë oyjyot oywyinma'any nmëët'aty e ko xypyaatëty maas ja nkemyjyotën ja tsajppax, mëti'ipë ka'ap yëkëtyën ets mëti'ipë ka'ap myoxkeetsyëtyën ets ka'apë jyaamëtyën, nme'tsypës ënäty.

Jueces 20:41

Ënät ojts ja Israel ja'ayëty tniwinpijnëtë ja Benjamín ja'ayëty, yajxon mëët tsyiptuuntë; ja Benjamín ja'ayëty jëtu'unyë kyujo'ptaaytyë mëët ko t'ijxtë ja ëyo'on mëti'ipë ënäty tukëtakëtëpën.

Salmos 9:15

Yë ja'ayëty ka'apë Tios t'ëwtatën, kë'ëm të nyäyajnëjkxëtë o'këntum, ma ja o'ktaknën mëti'ipë myëku'uk të tukni'oytyunëtën, kyë'ëmteky jap të jyänë ma ja tejpxyën mëti'ipë të tyu'utstën.

Proverbios 11:9

Ko yë ëxëëk ja'ay kyäjpxy yajtëkooytyääpy yë jyiiky myëku'uk; e yë wa'ats ja'ay yë wijyajtën yë'ë jatëkok yajtsokëp.