Proverbios 10:9 - Biblia Mixe de Quetzaltepec

⁹ Mëti'ipë ka'ap maa nyu'kxyën ka'ap tii tsë'ëkë; mëti'ipë ëxëëk ja'ay'ajtpën, ëxëëk kyukëxë.

Biblia Dc en Mixe de Quetzaltepec

⁹ Mëti'ipë ka'ap maa nyu'kxyën ka'ap tii tsë'ëkë; mëti'ipë ëxëëk ja'ay'ajtpën, ëxëëk kyukëxë.

Proverbios 10:9 ပူးပေါင်းရင်းမြစ်များ

Proverbios 28:18

Yë ja'ay mëti'ipë oy winë tyuunpyën, nëjkxëp yajmo'oy ja nitsokën; e mëti'ipë ëxëëk ja jyot wyinma'any, jam kya'aja'any ëyo'ontum.

Mateo 10:26

Ka'ap ja'ay xytsyë'ëkëtëty. Ka'ap tii niwitsy nijuuxy y'ity ka'apë nijëna'a yajniwijtstu'utëtyën, ets ka'ap tii yu'utsy kë'ëy y'ity mëti'ipë ka'ap yajnijawëtyën.

1 Timoteo 5:25

Näyjyëtu'un ko ja oypyë ntu'unmëty, nikëxë'kp jä'ä; e mëti'ipë ka'ap y'oyëtyën ka'ap xëmë yu'utsy y'ity.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Tios myo'ojëtëty ja oyajtën wi'ix nitu'ukjaty pyaat'atyën.

Proverbios 3:23

Akujk jotkujk mtimjyëtitëty në'ë'aay tu'u'aay, ets ka'ap maa mkunäp mkukoxëty.

Salmos 84:11

Jä'ä ko yë Tios mëti'ipë yajwintsën'ajtpën, yë'ë xykyutë'kx xykyujajëm ets xykyuwa'anëm; yë Wintsën tsyojkpy jya'ap ets yajmëj'ajtyp yë ja'ay mëti'ipë juuky'ajtëpën wa'ats, ka'ap nitii tukwintuk'ooky.

Salmos 25:21

Wä'än yë'ë tkuwa'antë koos ka'ap tii ntuuntëkoy ets ko ka'apës npokymyëëtëty, jä'ä ko mijts të ntuk'ijxpety.

Proverbios 17:20

Kajëna'a ja ëxëëk jot ëxëëk winma'anymyëët oypyë kyanämyäyë, mëti'ipë etykyajpxpën ëyo'ontum nyäyajka'aja'anyë.

Salmos 23:4

Oyës muum naxëty akootstuuy, ka'apës ntsë'ëkëja'any, jä'ä ko mijts Wintsën mijts myajpatp ma ëjtsën, ja mkepy mtajk yë'ëjës xytyuk'ateenytyujkp xytyuk'axajtujkp, paaty akujk jotkujk ntuk'ijxpetyës.

Proverbios 26:26

Yë ëxëëk ja'ay oy jënu'un tjayu'uty ja y'ëxëëkjot y'ëxëëk winma'any, kwanë ko ja'ay nijawëtëty.

Génesis 17:1

Ko ënäty yë Abram yë jyëmëjnë majkta'px majkmokx majktaxk, ënäty yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Job 8:20

Yë Tios ka'ap nijëna'a t'ëxmatsy ja'ay mëti'ipë oy ja'ay'ajtpën ets ka'ap tputëkë ëxëëkja'aytyëjk.

Proverbios 28:1

Yë ëxëëk ja'ay nëkooyë jyänty kye'eky jyänty pyuty oy pën kyapapo'oyë; yë wa'ats ja'aytyëjk akujk jotkujk tyimnäjyawëtë jëtu'un tä kaajën.