Proverbios 10:2 - Biblia Mixe de Quetzaltepec

² Yë wit meeny mëti'ipë yajpatpën mëët yë ëxëëk jot ëxëëk winma'any, ka'ap pën oy tyajtuny; e ko yë wit meeny ja'ay oy tnitun tniye'eyë, yajpëtsëëmp o'këntum.

Biblia Dc en Mixe de Quetzaltepec

² Yë wit meeny mëti'ipë yajpatpën mëët yë ëxëëk jot ëxëëk winma'any, ka'ap pën oy tyajtuny; e ko yë wit meeny ja'ay oy tnitun tniye'eyë, yajpëtsëëmp o'këntum.

Proverbios 10:2 ပူးပေါင်းရင်းမြစ်များ

Proverbios 11:4

Yë wit meeny nijënu'un kyatuna'any ko ënäty ja poky yajnipaye'ey, je'eyëp ko jyää'aty ja nipaye'eyën, mayjyä'äy tpaatë nitsokën.

Proverbios 21:6

Ja wit meeny mëti'ipë yajpatpën mëët yë win'ë'ënën, ka'ap jeky y'ity ma ja'ayëtyën mëti'ipë o'kën y'ijxtaaytyëpën.

Proverbios 12:28

Ko në'ë tu'u yajye'ey mëti'ipë mëtëyën, tukpatp yë juukyajtën; e ko jä'ä ja në'ë tu'u yajye'ey mëti'ipë tsuuja'aytyëjk ye'eytyëpën, o'kën yajpatp.

Romanos 5:21

Jëtu'un ijxtëm ja poky ojts y'ëne'emyën mëët ja o'kën, näjyëtu'un ja Tios ja y'oyjyot y'oywyinma'any ojts mëtëy y'ëne'emy ko tyajmiiny ja juukyajtën xëmëkyëjxmëpë, mëët ja Jesukristë ja xyëëw.

Sofonías 1:18

Ma ënäty ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënäty kajpnjoty tsënaaytyëpën poj'am y'o'kta'aja'antë.

Ezequiel 7:19

Jëtu'unyë tko'owëtijta'aja'antë tu'ujoty ja poop pujxn mëti'ipë myëët'ajtëpën; tä pu'uxmën t'ixko'owa'antë ja pu'ts pujxn. Oy tjamëët'atëty ja pu'ts pujxn ets ja poop pujxn ka'ap yë'ë yajtso'oka'anëtë ko ënäty ja Wintsën tyukjoot'anpëkëtë. Ka'ap nëjkx myäyëtë wi'ix ja yuu xëëw tyajnaxtëtyën ets ka'ap nëjkx myäyëtë wi'ix ja myox tyaj'utstëtyën, jä'ä ko ja pu'ts pujxn jä'ä ënäty të yajkuka'anaxëtë jap pokyjoty.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënäty ja Tios tyajnikëxe'eka'anyën ja jyoot'an ko ja paye'eyën tunëty,

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kutujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Tios nyipaye'eyën'ajtypyën ko të yajmëpëky.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Proverbios 13:11

Ko yë wit meeny yaj'atsoky, ni'ikyë yaj'ixy wyäänë. Mëti'ipë ja'ay wyit myeeny nyikoonpejtypyën oy wyäänjatyëty, ni'ikyë tyajmayë.