Proverbios 1:8 - Biblia Mixe de Quetzaltepec

⁸ U'unk maay, ijxkuk ja'akyukë mëti'ipë mteety mtukni''ijxëyëpën, ets këtii xyjyä'äytyëkoyëty mëti'ipë mtaak të mtuk'ijxpëkyën,

Biblia Dc en Mixe de Quetzaltepec

⁸ U'unk maay, ijxkuk ja'akyukë mëti'ipë mteety mtukni''ijxëyëpën, ets këtii xyjyä'äytyëkoyëty mëti'ipë mtaak të mtuk'ijxpëkyën,

Proverbios 1:8 ပူးပေါင်းရင်းမြစ်များ

Proverbios 1:10

Pën m'ijxyp ko yë pokyjyä'äytyëjk je'eyë nëkoo mwin'ëëna'any mwinxaja'anyë, këtii xy'ëwa'atsëty, u'unk maay.

Proverbios 1:15

E mijts u'unk maay, këtii xypyanëjkxëty. Timnäjyëpëkët ma jëtu'unpë ëxëëk në'ë ëxëëk tu'ujën mëti'ipë yë'ëjëty pyanëjkxtëpën,

Proverbios 2:1

U'unk maay, mijts jä'ä'at yë n'aaw n'ayukës. Pëjkë'ëk ma mjot mwinma'anyën yë n'ënä'ämënës ntëyajtënës.

Proverbios 23:22

Ja'akyukë yë mteety yë y'aaw y'ayuk mëti'ipë të myajyeekyën. Këtii yë mtaak mtsi'tsk jëkäm jëxkë'ëm xypyëjkta'akëty ko ënäty myëjja'ayënë.

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Proverbios 31:1

Ya'atë jëtu'un ojts tkäjpxy yë Lemuel, mëti'ipë jam ënä'ämën Masá, tyaak ojts jëtu'un tyukmëmëtyä'äkyë.

Proverbios 5:13

Ka'apës ojts nmëtoowkukë mëti'ipë ja yaj'ixpëjkpëtëjk jyanikajpxtën, ets ka'apës nkäjpxymyëpëjky mëti'ipës ojts xyjya'ëëwij xyjyakajpxwijtën,

Proverbios 6:20

U'unk maay, ijxkuk ja'akyukë mëti'ipë mteety mtukni''ijxëyëpën, këtii xyjyä'äytyëkoyëty mëti'ipë yë mtaak të mtuk'ijxpëkyën,

Proverbios 7:1

U'unk maay, patun yë n'aaw n'ayukës, ets pëjkë'ëk tuunë'ëk ma mjot mwinma'anyën yë n'ënä'ämën ntëyajtënës.

Jeremias 35:8

Ëëtsëty yë'ë nmëmëtoowtëpës ets ntuuntëpës mëti'ipë ojts yë n'ap n'okëtyës Jonadab xytyuk'ënä'ämtën, paaty ka'ap nijëna'a n'uuktës yë tsatym nyëë mëti'ipë tëë nyimaanaxyën, ëëtsëty ets nto'oxytyëjkëtyës ets n'u'unk n'ëna'këtyës ka'apës tääpë tsatym nyëë n'uuktë,

Levitico 19:3

Nitu'ukjaty yë ja'ay mëpaat twinkutsë'ëkë yë tyeety tyaak. Mwinkutsë'ëkëtëp näjyëtu'un yë po'kxënxëëw. Ëjts jëtu'un Wintsën, mëti'ipë miits mTiosajtëpën.

Mateo 9:2

Jamts ja ja'ay jya'ajtë mëti'ipë kyiiyjya'ajtën maapäjnkëjxm tu'uk ja pa'amja'ay, kë'ëxujxpë tekyxyujxpë. Ko ja Jesús t'ijxy ja ja'ay ko mëpëjkp, tääts t'ënëmaay ja kë'ëxujxpë tekyxyujxpë: U'unk amëk jotmëk yajpaat, yë mpoky tëë yajme'kxy.

Mateo 9:22

Tääts ja Jesús wya'akwinpijty ets tni''ijxwinpijty ja to'oxytyëjk ets t'ënëmaay: Nnëëxës, jotkujk yajpaat, yë mmëpëjkën yë'ë të myajtso'okyë. Ënätyë tsyoky ja to'oxytyëjk.

2 Timoteo 1:5

Jä'ä ko nja'amyejtsypës wi'ix mijts ja mëpëjkën xymyëët'atyën. Ja mëpëjkën mëti'ipë ja mtaak mëjja'ay Loida myëët'ajtën ets ja mtaak Eunice, ets nija'apës ko mijts nän yë'ë jëtu'unpë ja mëpëjkën mëët'ajtyp.

Rut 3:6

Ja Rut ojts jam nyijkxy ma ja Booz ja kyamën ets jëtu'un tuuny tä ja tyaakxyäkxy ënäty të y'ënë'ëmxëtyën.

1 Samuel 2:25

Pën yë ja'ay myëtëkoopy yë myëku'uk, yë Wintsën jyëkyejpy nyipaye'eyëtëty, e pën tu'uk yë ja'ay myëtëkoopy yë Tios. ¿Pën jää nëjkx y'ëknipaye'eyë? Yë'ëjëty ka'ap tmëtoowkujkëtyë oy jëtu'un ja tyeety jya'ënëmaayëtë, jä'ä ko yë Wintsën tëë ënäty tuknipëjktaakë ko yaj'ooka'anëtë.