Proverbios 1:5 - Biblia Mixe de Quetzaltepec

⁵ Pën këpetyën ets wijyën, y'amëtoow'ijtyp yë jëtu'unpë ets pyaat'ëtëtyp ni'ikyë nija'awën ets ja winma'any,

Biblia Dc en Mixe de Quetzaltepec

⁵ Pën këpetyën ets wijyën, y'amëtoow'ijtyp yë jëtu'unpë ets pyaat'ëtëtyp ni'ikyë nija'awën ets ja winma'any,

Proverbios 1:5 ပူးပေါင်းရင်းမြစ်များ

2 Crónicas 25:16

Ko jëtu'un ja Wintsën ja tyuunpë t'ënëmaay ja yajkutujkpë, ënät ja yajkutujkpë ojts tyukjoot'anpëkyë ets y'ojë, tääts y'ënëmaayë: ¿Pën mijts të mpëjktä'äkyë ëëwijpë kajpxwijpë? Këtii nëkoo tii ajotkumonë xy'ëwëty xykyajpxëty. ¿Ti yë'ëmës mijts mtsojkpy ets m'ookëtyë? Ja Wintsën ja tyuunpë ka'ap ojts nëkoo tii t'ëkajpxnë, je'eyë ojts ok jyaak'ëna'any: Ëjts nija'apës ko yë Wintsën tëë tuknipëjktaakë ko myaj'ooka'anyë, mëët ko mijts ka'ap yë n'aaw n'ayukës të xymyëjpëjktä'äky.

Job 34:10

E miitsëty, ixpëky jyä'äyëty, mëtowtë yajxon. Ka'ap mëpaat nma'ayëm ntajëm ko yë Tios, mëti'ipë maaytyääyëpën winë tuuntëkoopy kajpxtëkoopy ets ka'ap tii oy tnipaye'ey.

Job 34:16

Pën mijts jap xymyëëtëty yë winma'any, mëtoow'it yë n'aaw n'ayukës ets mëtoow'it mëti'ipës yam nkajpxäämpy nmëtya'akäämpyën.

Job 34:34

Yë ixpëkyjyä'äytyëjk mëti'ipës yam xymyëtoow'ijtëpën ets wijyjyä'ätyëjkëty, yë'ë ëna'anantëp:

Proverbios 12:1

Ko yaj'oyjyawë yë nätyu'uwinwow nätyu'uwinwitsë, wijyajtën ënäty yajtsojkën'ajtp; e ko yaj'ëxëëkjawë yë nätyu'uwinwow nätyu'uwinwitsë, tsuu'at ënäty nikëxë'kp.

Proverbios 14:6

Ja'ay mëti'ipë nämyëjkäjxëpën y ja wijyajtën tja'ixta'ay ka'ap tpaaty; yë wijyjyä'äy ka'ap tsip tjawë yë ijxpëjkën.

Proverbios 18:15

Yë ixpëkyjyä'äytyëjk ets wijyjyä'äytyëjk pyatëp yë nija'awën mëti'ipë y'ijxtaaytyëpën.

Proverbios 19:25

Ko yajtukumëtoy yë pyoky mëti'ipë ninu'un kaja'akyujkëpën, jää tjaty winë yë tsuuja'ay; yë wijyjyä'äy je'eyë winë yajtuk'ënëëmë tääts tjaty.

Proverbios 21:11

Ko yaj'awijtsë'ëky yë ja'ay mëti'ipë ëxëëk ja'ay'ajtpën, jää yë tsuuja'ay winë tjaty, e yë wijyjyä'äy je'eyë winë yajtukmëmëtyä'äky tääts tjaty.

Proverbios 8:33

Ijxkuk ja'akyukëtë ja oypyë nätyu'uwinwow nätyu'uwinwitsë. Këtii xyjyëjpmëkajpxëtëty ja wijyajtën.

Proverbios 9:8

Oj yë ëxëëk ja'ay, ets xy'ixëty pën këtii m'ëk mëtsiptsoonyë. Tuk'ënëëmë yë ja'ay wijypyë kujkpë ma ka'ap tii oy tunyën, ets xy'ixëty pën ka'ap m'ëk oyjyawëty.

Proverbios 9:9

Kajpxwij ja wijyjyä'äy, ets xy'ëk'ixëty pën këtii ni'ikyë wyijytyä'äky. Yaj'ijxpëk yë këpetyjyä'äy, ets xy'ëk'ixëty wi'ix ni'ikyë kyëpetyä'äkyën.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

1 Corintios 10:15

Jëtu'un yam miits nmëkajpxtë ijxtëm ja ja'ayëtyën mëti'ipë ja'akyujkëpën: kë'ëm mëmay mëtajtë mëti'ipë yam ntuknëmaaytyëpën.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënäty yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.