Oseas 9:4 - Biblia Mixe de Quetzaltepec

⁴ ka'ap t'ëk uukanë yë tsatym nyëë tëpë nyimaanaxyën mëti'ipë Wintsën yajtukmëjja'apën ets nän ka'ap t'ëktukwintsë'ëkëjanë jam yë wintsë'kën. Ja tsajpkääky mëti'ipë kyäyäämpyën jëtu'un tkayä'äny tä ja'ay y'o'kpë nikayën ets pën ënäty kyääytyëpën ëxëëk wyë'ëma'antë, yë'ë nëjkx tkaytyë tääpë tsajpkääky ets ka'ap nëjkx tjëkyepy tmënëjkxtë ma Wintsën tsyajptëjkën.

Biblia Dc en Mixe de Quetzaltepec

⁴ ka'ap t'ëk uukanë yë tsatym nyëë tëpë nyimaanaxyën mëti'ipë Wintsën yajtukmëjja'apën ets nän ka'ap t'ëktukwintsë'ëkëjanë jam yë wintsë'kën. Ja tsajpkääky mëti'ipë kyäyäämpyën jëtu'un tkayä'äny tä ja'ay y'o'kpë nikayën ets pën ënety kyääytyëpën ëxëëk wyë'ëma'antë, yë'ë nëjkx tkaytyë tääpë tsajpkääky ets ka'ap nëjkx tjëkyepy tmënëjkxtë ma Wintsën tsyajptëjkën.

Oseas 9:4 ပူးပေါင်းရင်းမြစ်များ

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Jeremias 6:20

¿Tiijës ko xytyuknimintë yë poom mëti'ipë jam Sabá të xymyëtsoontën ets aay ujts mëti'ipë pa'akxu'kpën, mëti'ipë tso'onpën wiink kajpn? Ëjts ka'apës yë'ëjëty n'oyjyawë ja wintsë'kën no'okpyë xämpyë ets wiinkëtypë wintsë'kën.

Deuteronomio 26:14

Ma ënäty pën të y'ookyën ets je'eyë ja monyëtukyë y'ity ets pën näjya'awëyëpës, ko tëëjës ja ëxëëkpë xypyääty ja pëjktä'äky ka'apës nëkoo të ntony. Ets ni o'kpë të nkatukwintsë'ëkës. E paaty yam n'ënëëmë mijts Wintsën, ko tëë nmëmëtoy ets tëëjës ntuny tääjës mijts të xytyuk'ëne'emyën.

Joel 2:14

Wä'änxyëp ka'ap mtëytyunëtëty ets nëjkx mkënu'kxëtë ets mo'ojëtëty yë aaypyajk ujtspajk ets tsatym nyëë mëti'ipë Wintsën mtukwintsë'ëkëtëpën.

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

Ezequiel 24:17

Ame'tsyë m'ëyowëty ets ka'ap xynyimon xynyitukëty yë m'o'kpë tä yë ja'ay yë o'kpë tnimon tnitukyën. Ka'ap jää mjëtitëty kuwa'ats tekywya'ats; ka'ap mnäwyinkuwitsëtëty ko yë m'aaw mjot pyëk y'atonëty ets ka'ap yë tsajpkääky xykyäyëty mëti'ipë yajkääpyën ko jëtu'un tyunyë jyätyë.

Juan 6:51

Ëjts ja tsajpkääky mëti'ipë juukyajtën yäjkpyën ets tsajpjotmëpë të tsyoonyën, ko pën ya'atë tsajpkääky tkay, xëmëkyëjxm jyuuky'ata'any. Ja tsajpkääky mëti'ipës nyakäämpyën, ni'kx nkopkës ntijpy, mëti'ipës nyakäämpyën ets ja naaxwiinyëtë ja'ay tmëët'atëty ja juukyajtën xëmëkyëjxmëpë.

Malaquías 2:13

E miitsëty ni'ikyë winë xyjyaak timtyuuntëkoytyë: mwiinnëë jam mtäämnëtëp mjä'tsnëtëp ma wintsë'këntyaknën ets xy'ënëëmëtë yë Wintsën ko tii ko tka'ëk'ëxajënë yë wintsë'kën mëti'ipë yajmoopy yajkäjxpën.

Amós 5:22

Ka'apës nkupëky yë wintsë'kën mëti'ipë miits mjayajktëpën no'oky xämy etsës nyätyukwintsë'ëkëty; ka'apës nkupëka'any oy jënu'un tsajpkaani'kx xytyukwintsë'ëkëtëtyës ma ja nay'ëëw'oy näykyajpx'oyë xytsyoktën.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Ezequiel 24:22

Ets xy'ënëëmëty: Miitsëty jëtu'un tuntë tääjës yam ntunyën: Ka'ap mnäwyit wiinkuyä'äpëtëty ko m'aaw mjot pyëktëty y'atontëty ets ka'ap xykyäytyëty yë tsajpkääky mëti'ipë jää yajkääpyën.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Isaías 57:6

Mijts Israel, yë'ë ni'ik m'ëwtatäämpy yë tsaa të'kxëtypë oyëtypë wokjotypë tsyoonyën, jap wokjoty ni'ik xy'oy'ixy, jotkujk jap mnäjyawëty. Jap mpiky m'e'kxy, jap xyäky ja nëë ju'uky. ¿Ets ënät mmay mtajy koos jotkujkës näjyawëtyë?

Números 28:2

Ko këtii tja'atyëkoytyëty ets tmëmintëty xëmë yë y'ayajk y'ako'onënëty, tä yë tsajpkääkyën. Ko xëëw tpaatëty jää tyaktëty yë y'ayajk y'ako'onën nino'okpyë, mëti'ipë ja'tëpën ëjts nwintuuyës tä yë xu'kën jojkën janty oypyë.

Levitico 21:21

Nitu'uk jëtu'un mëpaat yë Aarón yë y'u'unk y'ok, mëti'ipë teety'ajtpën tkayäky yë wintsë'kën ma Tiosën, mëti'ipë yajnino'kpën, pën ka'ap y'oyëty myëkëty ets pën ka'ap yë jyot nyini'kx y'oyëty kyä'pxyëty. Yë'ë ka'ap yë y'oykya'pxëty, paaty ka'ap yë tjëkyepy tyakëty yë tsajpkääky ma Tiosën.

Levitico 21:17

Ënëëmë yë Aarón, ko tyam ets tyu'uye'eyëty jëtu'un yë xëëw jëmëjt, ni pën mëpaat jap kyatëkë ma ja Tios ja jyëën tyëjkën ets tpëjkta'akëty ja tsajpkääky, pën ka'ap y'oyëty myëkëty ets pën ka'ap ja kyë'ë tyeky y'oyëty ets ja jyot nyini'kx.

Levitico 21:8

Jä'ä jëtu'un mëpaat xymyëët'aty wa'ats. Jä'ä ko yë'ë jëtu'unëty xëmë kyë'ëyajktëp ja tsajpkääky ma Tiosën mëti'ipë mTios'ajtypyën. Paaty wa'ats jëtu'un mëpaat y'itë, jä'ä koos mëti'ipë Wintsën'ajtpën, wa'atsës yë'ë, etsës jä'äs yë'ëjëty mpëjkta'aktë wa'ats.

Levitico 21:6

Ni'ik jëtu'un mëpaat wa'ats yajpaatë ma Tyiosëtyën, këtii ja xyëëw t'ëxëëktijëtëty. Jä'ä ko yë'ë jëtu'unëty yajktëp yë ayajk ako'onën mëti'ipë yajno'kpën ets ja tsajpkääky mëti'ipë yajmoopyën ja Tyiosëty. Paaty jä'ä jëtu'un mëpaat nyäyaj'itëtë wa'ats.

Levitico 17:11

Jä'ä ko tëkokyë mëti'ipë juukyajtpën mëët yë'ëkyëjxmëtën jyuuky'äty ko ne'pny tmëëtëty, yë ne'pny tëë yë miitsëty nmo'otë ets yë'ë yë mjuukyajtënëty xytyukkuyaktëty jam ma wintsë'këntyaknën.

Éxodo 40:23

Ets tpëjktäky näjyëtu'un ja tsajpkääky ma ja nyikaaypyäjnën, jam ma ja Tios jam kyëtä'äkyën, jëtu'un ijxtëm ënäty ja Tios të tni'ënä'ämën.

Números 19:11

Pën tyoompy yë o'kpë, ëxëëk nëjkx wyi'imy wëxtujk xëëw.

Números 4:7

E ja kaaypyäjn ma jam winë yajkëxpëkyën, yë'ë nëjkx mëët yajtukwinyä'äpë tu'uk yë ukywyit ets nëkëjxy nëjkx tkëxpëjkta'atë ja texyëty, a'ukënëty, mëj jä'pnëty mutsk jä'pnëty, ja uukytsyu'tsëty ma ja tsatym nyëë yaj'apëkën, mëti'ipë tëë nyimaanaxyën ets näjyëtu'un ja tsajpkääky mëti'ipë yajyajkpën winjëpom.

Éxodo 29:40

Ja mëtu'ukpë ja kupixyny yë'ë mëët xyakëty yë tsajpmokway mäjtsk tsim, olivë on ets xypyikëty tu'ktsim yë tsatym nyëë.

Jeremias 16:7

Ni pën ja kyääky y'uuky tkanipëjktaakëja'any ets ja o'kpë yajwinkay yajwin'uukëty. Këtii nëkoo tyimmon tyimtuktëty ja mëti'ipë ku'o'këtëpën, oy yë'ë'atëty ja teety taak jyatimy'ooky.

Daniel 1:8

E ja Daniel jëtu'un ojts ja wyinma'any tpëjktä'äky ko ka'ap nyätyukyaj'ëxëëkëja'anyë ja yajkutujkpë ja jyi'kxy ets t'ënëmaay ja wintsën mëti'ipë jam tuunpën ma ja kutujkëntëjkën ets ka'ap tyukyaj'ëxëëkëtëty ja jë'kxy mëti'ipë ja yajkutujkpë jyi'kxy'äjtypyën.

Joel 1:9

jëtu'un yë teetytyëjkëty jyë'ëtë ya'axtë jä'ä ko ka'ap jap tii tsatym nyëënë tsajptëkoty tii y'uuktëpën ets tii yë Wintsën tyukwintsë'ëkëtëpën.

Oseas 7:16

Yë'ë ojts tninëjkxtë wiink tios, jëtu'un tä ti'pxnën ka'apë kyujkye'eyën, ka'apë jyä'tyën ma jyayajtukni''ixën. Mëët ko kyajpxtë myëtya'aktë amëj akëjxm, yë kyopktëjkëty kupuxy nëjkx y'o'kta'atë ets jap Egiptë je'eyë nëjkx yajnëxi'ik yajtukxi'iktë.