Oseas 9:3 - Biblia Mixe de Quetzaltepec

³ Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Biblia Dc en Mixe de Quetzaltepec

³ Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Oseas 9:3 ပူးပေါင်းရင်းမြစ်များ

Ezequiel 4:13

Tä ja Tios ojts jyaak'ëna'any: Yë'ë jëtu'unpë ja jë'kxy pëky ëxëëkpë jyë'kxantëp ja Israel ja'ayëty, wiink naax wiink kajpn ma ënäty tsum matsy nkäxtënës.

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Levitico 25:23

Yë naax kamtëjk ka'ap mëpaat xëmëkyëjxm yajtooky. Jä'ä koos yë njä'ä ets miitsëty tu'ktsojkyë yaa naaxwiiny ja'ayë mjuuky'ajtkojtë.

Jeremias 2:7

Ëjts ojts yaa miitsëty nyajmintë ma jyi'kxynyaaxjotëtyën ets xyjyë'kxtëty xypyëktëty ja aaytyëëm ujtstëëm, aakyë'ë oyjyätyëtypë mëti'ipë yaa pëtsëëmpën kamjoty tu'ujoty. E miitsëty ojts mintë ets xyaj'ëxë'këtyë ja nnaaxës, je'eyës ojts njot kyu'kxpëky maas ja nkajpnën.

Oseas 7:11

Yë Efraín jëtu'un tä tu'uk yë pakën tëëpë kyumu'ukyën, ka'apë wyijyëtyën: Y'amëtoopy yë näypyutëkë jap Egiptë ets nän y'amëtoopy yë näypyutëkë yë Asiria ja'ayëty.

Daniel 1:8

E ja Daniel jëtu'un ojts ja wyinma'any tpëjktä'äky ko ka'ap nyätyukyaj'ëxëëkëja'anyë ja yajkutujkpë ja jyi'kxy ets t'ënëmaay ja wintsën mëti'ipë jam tuunpën ma ja kutujkëntëjkën ets ka'ap tyukyaj'ëxëëkëtëty ja jë'kxy mëti'ipë ja yajkutujkpë jyi'kxy'äjtypyën.

Jeremias 16:18

Jëyëjp nëjkx ntukumëtoyës ja pyokyëty, mäjtsk oknipety nëjkx ntukumëtoyës ja tyëko'oyënëty mëët yë'ë ko të t'ëxëëktuntë ja it naaxwiinyëtë mëët ja y'awinaxëty ëxëëkpës n'ixyën ets ka'ap të twintsë'ëkëtë ja it naaxwiinyëtë mëti'ipës ojts njatukumaytyën.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

1 Reyes 9:7

ëjts nëjkxëpës n'ëxwojpta'atë ja Israel ja'ayëty ma ja nyaax kyajpnëtyën mëti'ipës ënäty të njamo'otën. Ya'atë ja tsajptëjk mëti'ipës tyam të nkënu'kxyën nän nëjkxëpës nja'atyëkooynyë ets njo'tsnë ja nxëëwës ma yë'ëjën ets ja naax kajpn wiinkëtypë je'eyë nëjkx nëëxik tukxiknëtë ja Israel kajpn, kajpxpäjn nëjkx je'eyë twanëtë.

Deuteronomio 28:63

Jëtu'un tä ënäty ja Wintsën janty'oy të nyäjyawëtyën ko të mayëtë, nëjkxëp oy nyäjyawëty ko ënäty o'ktëy mjajnëtë mkëpäjnëtë ets ni'ikyë mkukëjx mkutujkënëtë, ma ja it naaxwiinyëtën mëti'ipë të mjayajmo'otën, atsip nëjkx jam mtso'ontaaynyëtë.

Deuteronomio 4:26

Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

Hechos 10:14

Tääts ja Pedro y'ëtsooy: Ka'ap, Wintsën. Nijëna'ajës ëjts nkatsu'uty mëti'ipë ëxëëkën ets mëti'ipë ka'ap mëpaat yajktsu'utsyën.

Miqueas 2:10

Pëtë'ëktë. Tu'uye'eytyë. Ya'atë ka'ap pyo'kxtaknëty; ma ya'atë kajpnën je'eyë ja'ay tnimeenykyonë ja ëyoopëja'aytyëjk ets ka'ap tpaye'ey tii mëtëy, paatykyëjxm kyutëkoyä'äny.

Oseas 11:11

Tä joonën tsyoona'antë jap Egiptë ets myina'antë maas ëjtsën mëët ja; tä pakën tsyona'antë jam Asiria; ets nyajtsëënëja'antës jatëkok ma jyëën tyëjkëtyën. Ëjts, mëti'ipë Wintsën'ajtpën, ëjts yam jëtu'un ënaanpës.

Oseas 11:5

e yë'ëjëty ka'apës të xynyimina'antë. Paatykyëjxm jatëkok jap Egiptë wyimpita'antë ets Asiria ja'ay ënä'ämanëtëp.

Oseas 9:6

Yë'ëjëty tëë tkukakta'atë ja kutëko'oyën; Egiptë ja'ay nëjkx yajmukëtë ets nëjkx yajnaaxtëkëyëtë jam Menfis. Nëjkxëp yë pyoop pujxnmeeny nyi'ëëxyoonta'ay ets ma ënäty jam yë myëtsip tna'ityën äpny nëjkx jam yoontäkta'ay.

Josue 23:15

E jëtu'un tä yë'ë oy winë të tuunta'ayën, tä të tnikäjpxyën; näjyëtu'un ja ëyo'on jotmay tyajkëta'aka'any ma miitsëtyën.

Deuteronomio 28:68

Oy ënäty ja Wintsën të jya'ëna'any, ko mijts ka'ap jap nijëna'a m'ëk winpijnëty Egiptë, nëjkxëp jatëkok jap mwinpity. E mijts jä'ä nëjkx mwinpijnë kepy nëëwinye'epyëjoty ets ja mmëtsip nëjkx jap myajnëjkxyë ets mtookëtëty. E oy ënäty pën mjatooka'anyë, ka'ap nëjkx myajjuy. Oy xyajtsojkën'atëty jeexyë jap mwë'ëmy.

Levitico 20:22

Yë'ë jëtu'un mpatuntëp yë n'aaw n'ayukës ets n'ënä'ämënës ntëyajtënës. Patuunta'atë jëtu'un tëkokyë. Këtiipë ëxëëk mjatëty mkëpätëty ma ja naax kajpnën ma nwoownëjkxtën ets jam mjuuky'atëty.

Levitico 18:28

Ka'ap mëpaat ëxëëk mjatë mkëpätë, jëtu'un tä tääpë ja'ayëty jyajtën kyëpäjtën, ma ënäty miitsëty ka'ap jam mja'tënëm.

Lamentaciones 5:6

Koos nkääky n'uuky ntsojktë, jëyëjpës ojts yë Egiptë ja'ayëty ets Asiria ja'ayëty nmëtuntës.

Oseas 7:16

Yë'ë ojts tninëjkxtë wiink tios, jëtu'un tä ti'pxnën ka'apë kyujkye'eyën, ka'apë jyä'tyën ma jyayajtukni''ixën. Mëët ko kyajpxtë myëtya'aktë amëj akëjxm, yë kyopktëjkëty kupuxy nëjkx y'o'kta'atë ets jap Egiptë je'eyë nëjkx yajnëxi'ik yajtukxi'iktë.

Amós 7:17

E yë Wintsën yë'ë ënaanp: Yë mto'oxytyëjk kajpnjoty nëjkx jyot nyini'kx tooky tyäky ets m'u'unk m'ëna'k ye'etyëjkpë to'oxytyëjk nëjkxëp kupuxy y'ooktë; yë mnaax mkam nëjkxëp yaj'ijxwa'kxtë ma ja'ayëtyën mëti'ipë wiink tios y'ëwtajtëpën ets Israel ja'ayëty tsum matsy nëjkx yajmënëjkxta'atë wiink naax wiink kajpn.