Oseas 9:12 - Biblia Mixe de Quetzaltepec

¹² Oy ënäty jya'u'unk ijxtëpë, mpëjkëjantëpës yë'ëjëty këtiipë nitu'uk tmëwë'ëmtëty. Mon tuk tääpë ja'ay yajpaata'antë koos ënäty n'ëxmatstë.

Biblia Dc en Mixe de Quetzaltepec

¹² Oy ënety jya'u'unk ijxtëpë, mpëjkëjantëpës yë'ëjëty këtiipë nitu'uk tmëwë'ëmtëty. Mon tuk tääpë ja'ay yajpaata'antë koos ënety n'ëxmatstë.

Oseas 9:12 ပူးပေါင်းရင်းမြစ်များ

Oseas 7:13

Mon tuk yajpaatë ko të jyëwa'aktë maas ëjtsën. Kutëkoyantëp yë'ëjëty jä'ä ko të xykyäjpxy kumëtoownaxtës. Ëjts njatsojkpyës ets jeexyë nyajtso'oktës e yë'ëjëty je'eyë xynyi'äntaakëtës.

Oseas 9:16

Tëë yë Efraín tsyëtyuty, tä tu'uk yë kepyën mëti'ipë të tyi'itsyën yë tyikts ets ka'ap y'ëktëëmpäjnë. Oy tjamëët'atë y'u'unk, nyaj'ookanëpës yë y'u'unk myääy.

Deuteronomio 32:25

Yë y'u'unkëty y'ëna'këty jam nëjkx muum kupuxy y'ooktë tu'ujotm, jap tyëkotyëty tsë'ëkëtëp jam xëmë, ooktëp ja yä'äy'ëna'k, to'oxy'ëna'k, mëjja'ay mutskja'aypyë, pi'k'ëna'këty mëti'ipë tsi'tstëpnëm.

Deuteronomio 31:17

E ëjts nëjkxëpës ja ntukjoot'anpëktë ets nëjkxëpës n'ëxmajtsnëtë, tiijës n'ëkmëmaay n'ëkmëtajnëp, tyam ja ëyo'on jotmay ma yë'ëjëtyën ni'ikyë nëjkx myëjwiinë kyëjääjë ets koonëm y'ëna'antëty: ¿Këtii jëtäätën yë'ëkyëjxmëty yam o'ktëy tjajtëmë ko ja Wintsën ka'ap y'ëkyajpatnë ma ëëtsajtëmënë?

Oseas 9:13

Jëtu'unës n'ixy yë Efraín yë y'u'unk y'ëna'k tmëët'aty tä jeexyë tuknipëtsëmyën mëti'ipë yaj'ookëtëpën.

Lamentaciones 2:20

Ëk'ix Wintsën, mëmay mëtaj ko mijts ka'ap ni pën jëtu'un xytyunyëm ëxëëk. ¿Mëpaat jëtäätën tu'uk u'unktaak tsu'utsëty yë kyë'ëm u'unkë? ¿Mëpaat jëtäätën y'ooktë tyëkoytyë yë teetytyëjkëty ets käjpxynyajxpëtëjkëty jap ma tsajptëjkënë?

Jeremias 15:7

Jëtu'unës yë mja'ay të ntuny xit ko'ow tä ja'ay twëjwä'kxyën yë pu'uxm etsës të nyajpëtsëëmta'ay naaxjoty kajpnjoty; u'unktuk të n'ëxmatsyës ja nnaax nkajpnës, tëëjës nyajkutëkoy jä'ä ko ka'ap t'ëxmatsa'antë ja y'ëxëëk juukyajtënëty.

Job 27:14

oy jënu'un jyanimay'atë, jam nëjkx tsipjotm y'o'kta'atë ëkë yuu xëëw nëjkx yaj'o'kta'ajëtë.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënäty të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

2 Reyes 17:18

Paaty ojts ja Wintsën tukjoot'anpëjknë ja Israel ja'ayëty, tyajkutujknë ets o'ktëy jyajnëtëty; paaty ojts ja Wintsën y'ëxwojpënëtë jam ma ënäty yajpaatën, yi'iyë jaakwë'ëmtë ja Judá ja'ay.

1 Samuel 16:14

E tyam ja Saúl ni'ikyë ja Wintsën ja myëk'ajtën y'oyajtën myajtstutënë ets ëxëëk tyuunënë ja ëxëëk poj mëti'ipë yë Tios kyäjxën.

Jueces 4:16

Barac ojts yë mayjyä'äy tyaj'ooky mëti'ipë jaakkäktën ojts tpapo'oy, tä ja tsiptuunpëtëjkëty mëti'ipë jëtu'unyëtyën ets mëti'ipë pujxnwintëkäämpë myëët'ajtëpën, jampaat ojts tpaja'ty ma ja it naaxwiinyëtë txëëwatyën Haroset-goim. Jä'ä xëëw wa'ats ojts y'o'kta'atë ja Sísara ja tsyiptuunpëtëjk, nitu'uk ojts kyawë'ëmy.

Deuteronomio 28:32

Nëjkxëp xyjya'ixy, ko ënäty yë mnëëx ets maank yajmënëjkxnëtë ets mja'ëna'anëty jatëkok xya'ixa'anëty, mijts nitii nëjkx mkamayë.

Números 26:65

Jä'ä ko yë Tios tëë ënäty y'ënë'ëmxëtë ko jam nëjkx y'o'kta'atë të'ëts'itjotm. Yi'iyë yë Caleb, yë myaank yë Jefuné ets Josué, yë myaank yë Nun, yi'iyë ojts wyë'ëmtë juukyajtën mëët.

Jeremias 6:8

Yaj'oyë mjot mwinma'any mijts Jerusalén, pën ka'ap, ëjts tim jëwa'akaanpës ma mijtsën; aanë'ëk tëëtsë'ëk nyaj'awinpita'anyës, ni pën jam nkayajtsëënëja'anyës ma mkajpnën.

Malaquías 2:12

Jääpëk yë Tios jëtu'unpë ja'ay tyaj'atëkoy mëti'ipë ëxëëk winë tyuunpyën, oymyëti'ipëty, oy yë'ëjëty mëti'ipë ënäty ja wyintsë'kën të tyäkyën Tios wintum, mëti'ipë maaytyääyëpën winë.

Números 14:34

Wëxytyikxy xyëëw jam m'ijtë joyjyotm ets xy'ijxtë xytyuuntë. E jëtu'un ënät wëxtyikxy jëmëjt xykyëpätëty ja mpokyëty: tu'kjëmëjt xykyukëpätëty ja tu'kxëëwpë mtuuntëkooytyën. Jëtu'un'äämpy xynyijawëtëty wi'ix ja ja'ay jyäty kyëpetyën mëti'ipës xykyamëjpëjktakpën.

Deuteronomio 28:18

Poky y'itëty yë m'u'unk m'ëna'k ets mpëjktä'äky, näjyëtu'un yë mjëyujk mtsajpkaa ets mtsajppax mkupixyny.

Lamentaciones 2:22

Xii yaa muum të xyajtsoony atsë'ëk ajawëpë, jëtu'un tä jeexyë myintën xëëw'ijxpë; Wintsën ko xyaj'ity yë ëyo'on ni pën të kyamayë kyä'äkëty. Mëti'ipës ojts nyaj'ijxpëkyën yë mëtsip të tyaj'o'kta'ay.