Oseas 9:1 - Biblia Mixe de Quetzaltepec

¹ Israel, këtii mxoontä'äky; këtii mnëputy myujkputy tä wiinkëtypë kajpnëtyën, jä'ä ko mijts jëtu'un të m'ëtë'ëtsy tä tu'uk yë to'oxytyëjkën mëti'ipë yë jyot nyini'kx tyo'kpy yäjkpyën ko të xy'ëxmatsy ja mTios. Ma pyajk'atyën yë tsajpmok jää xyjyëjp'ixy myajmëjuyëty ko xytyooky xyäky yë mjot mnini'kx.

Biblia Dc en Mixe de Quetzaltepec

¹ Israel, këtii mxoontä'äky; këtii mnëputy myujkputy tä wiinkëtypë kajpnëtyën, jä'ä ko mijts jëtu'un të m'ëtë'ëtsy tä tu'uk yë to'oxytyëjkën mëti'ipë yë jyot nyini'kx tyo'kpy yäjkpyën ko të xy'ëxmatsy ja mTios. Ma pyajk'atyën yë tsajpmok jää xyjyëjp'ixy myajmëjuyëty ko xytyooky xyäky yë mjot mnini'kx.

Oseas 9:1 ပူးပေါင်းရင်းမြစ်များ

Oseas 10:5

Tsë'ëkëtyëp yë Samaria ja'ayëty; mëët ko të jyijtë'ëky ja y'awinaxëty mëti'ipë këxë'kpën tsajpkaa u'unkën, Bet-avén yajtijyën. Yë'ë nyijëëy nyiyaxtëp yë naax kajpn ets teetytyëjkëty, jä'ä ko tëë ja myëj'ajt y'oyajtën tyëkoy.

Oseas 4:12

Yë nnaax nkajpnës jam winë tyajtëy ma kyepy tyë'ëtsën; tam yë kyepy tkë'ëkap'aty mëti'ipë tyuknasja'apën. Tëës xy'ëxmajtsnë. Jëtu'un ijxtëm tu'uk yë to'oxytyëjkën mëti'ipë tyo'kpy yäjkpyën nyini'kx, näjyëtu'un miitsëty tëë mnäyajkënë ets xywyintsë'ëkëtëty wiink tiosëty.

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Santiago 5:1

Mëtowtë miits, kumeenyjyä'äyëty. Mëjë'ë mëya'axtë ja m'ëyo'on mjotmayëty mëti'ipë mpaatantëpën.

Santiago 4:16

Miitsëty, amëj akëjxm tii xykyajpxtë ets ya'atë jëtu'unpë amëj'ajt akëjxmajtën, ka'ap y'oyëty.

Amós 6:13

Nëkoopë nyanatëkë'aty ko mxoonta'aktë ets m'ëna'antë: Mëët ko ja jot mëjaaw të n'ijxëmë paaty ja ënä'ämën kutujkën të mpatëmë.

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

Oseas 5:7

Tëë yë Wintsën tmëtëkoytyë, jä'ä ko tam yë y'u'unk tmëëtëty mëti'ipë wiinkteety tyeety'äjtypyën. Mëët ko ja pëjkën ukën të tkawinkutsë'ëkë, tu'kpo'o je'eyë nëjkx yë nyaax kyajpn kyam y'ëyo'onpata'ay.

Oseas 5:4

Yë'ë ka'ap yajwinpityë ma Tiosën yë kajpn yë y'ëxëëktu'un y'ëxëëk kajpxën. Mëët ko jyot nyini'kx tooky tyäky ka'ap tyuk'ijxpaatyë yë Wintsën.

Oseas 2:12

Nyajkutëkooyäämpyës yë tsatsym kamën ets y'higo kamëty, mëti'ipë ijty tyijtëpën: Ya'atës xytyukmëjuupy yë n'atsokyjyä'äyës. Äämjyotës nyaj'awinpita'any ets äämjyot yë'ë nëjkx t'ojkta'atë yë aayjëyujk ujtsjëyujk.

Ezequiel 21:10

Tëë yajjëjpme'ey ets yaja'ay y'ooka'any, tëë yajëjpwitsy ets y'atë'kxëty ko ënäty yaj'ajëpipy;

Ezequiel 20:32

Miitsëty tëë xymyëtoowyujtë ko wiinkëtypë naax kajpn mëti'ipë yajpatëpën wiink naaxwiinyëtë ko yë'ë y'ëwtajtëp yë kepy ets tsaa, e ka'ap y'ëkjëtu'un'ajnëty.

Lamentaciones 4:21

Xi'ik, xoonta'ak mijts Edom kajpn; mëti'ipë jam Us yajkutujkpën. Mtukëta'akanëp näjyëtu'un ja ëyo'on jotmay ets jëtu'un nëjkx mjaty tä ja'ay myu'ukyën ets tä ja'ay niwa'ats ëxwa'ats wyi'imyën.

Isaías 17:11

yajxon xykyëwent'aty ko xypyeny xykyojy, jëtu'un xy'a'ijx xyjyëjp'ijxnë jëna'a pyëjja'any. E jääts ko ënäty ja nyipa'am jyä'ty, wa'ats pyutstëkooytya'aja'any.

Amós 8:10

Ma ënäty ja xëëw tyunyën jää nëjkx ja'ay tyëkëtë yaxpë mëët ko ënäty t'ixtë may ja ja'ay y'o'knëtë, ja mëti'ipë ënäty ëëwtëpën nän nëjkxëp tyëjkënëtë yaxpë mëët ko ënäty may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënäty ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

Salmos 73:27

Mëti'ipë mijts mëjëkämkäkëpën, kopkpëky ko nëjkx y'ooktë; myajkutëkoyäämpy yë ja'ay mëti'ipë ka'ap oy mmëmëtoyën.

Amós 4:5

Yaktë nino'oky nixämy yë mtsajpkääkyëty ma ja kukajpx ja'awëkyëtakën xyajnaxtën; xiitsow yaatsow nikajpx nimëtya'aktë ko m'ayak m'akonëtë kë'ëmtsojkën, jä'ä ko yë'ë jëtu'unpë oy mja'awëtyëp. Yë Wintsën jëtu'un ënaanp.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Tios. Ëjts Wintsën mëti'ipë maaytyääyëpën winë, ëjts ënaanp.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Ezequiel 16:15

Je'eyëp ko mijts yi'iyë ojts xytyuk'ijxpety ja m'oy'at mtsuj'at ets ko aak'oy ja ja'ay mnikäjpxy mnimëtyä'äkyë; ka'apës të xy'ëkwintsë'kënë, tëë m'awinpijnë tä tu'uk yë to'oxytyëjkën mëti'ipë xim yam yë ye'etyëjk myëët'ajtypyën.

Ezequiel 16:30

Ëjts Wintsën, jëtu'unës n'ëna'any: Ko mijts mëk pëjkëptëm ënäty yë mjuuky jot paaty ja mjot mnini'kx xyäky ets kanaak ja ja'ay xymyo'oy ets ninu'un mkatsëtyuny.