Oseas 8:9 - Biblia Mixe de Quetzaltepec

⁹ Mëët ko yë Asiria kajpn të t'amëtowtë yë näypyutëkë ets të jyatë tä tu'uk jëyujk mëj ja'ayën ka'apë y'ëkja'akyujkënën. Yë Efraín tëë tyajkwä'kxy yë näynyamo'ojë ets ja'ay pyutëkëtëty.

Biblia Dc en Mixe de Quetzaltepec

⁹ Mëët ko yë Asiria kajpn të t'amëtowtë yë näypyutëkë ets të jyatë tä tu'uk jëyujk mëj ja'ayën ka'apë y'ëkja'akyujkënën. Yë Efraín tëë tyajkwä'kxy yë näynyamo'ojë ets ja'ay pyutëkëtëty.

Oseas 8:9 ပူးပေါင်းရင်းမြစ်များ

Jeremias 2:24

ets mnäpyëjktakë tä krukts to'oxyën mëti'ipë kë'ëmpaat nyipëyi'kpyën krukts yä'äy ko y'aanpëky ets jampaat jyä'ty muum tunkëjxm kopkkëjxm. Ko tsojkën'aty yë krukts yä'äy, ni pën kyamayë wyo'onwë'ëmëtëty. Ko krukts yä'äy nyiminyë pojën tuk'akëyë y'ixpajk.

Oseas 7:11

Yë Efraín jëtu'un tä tu'uk yë pakën tëëpë kyumu'ukyën, ka'apë wyijyëtyën: Y'amëtoopy yë näypyutëkë jap Egiptë ets nän y'amëtoopy yë näypyutëkë yë Asiria ja'ayëty.

Oseas 5:13

Ko yë Efraín nye'ixëtëty pëjkëp ijxëp ets Judá t'ijxpaatëty yë tsyëtyut, ënät nëjkx yë Efraín nyijkxy jam Asiria ets putëjkën t'amëtowëty ja Asiria yajkutujkpë, e yë'ë ka'ap nëjkx myäyë wi'ix yajtsokxëtëty ja pyu'uts ets ja tsyëtyut.

2 Reyes 15:19

Jä'ä xëëw jä'ä jëmëjt, yë Pul, jampë yajkutukyën Sirië, tnija'ajty yë kajpn ets tyajnatujky, e yë Menahem jä'ä ojts tmo'oy yë poop pujxn i'px majktëkëëk kilë, yë'ë nätyukputëkëtëp ets ja kyutujkën tyajmëkta'akëty.

Oseas 12:1

Yë Efraín poj jyi'kxyp: Tu'kxëëw tpaye'ey yë poj mëti'ipë xëëwpëtsëmtsyow tso'onpën. Këjääjëp yë wyin'ë'ënën ets tsyip y'äkë. Yë Asiria ja'ay yë'ë mëët käjpxytyu'unën tuny ets Egiptë ja'ayëty tyuknikejxyp yë olivë on tä tu'uk näynyamo'ojën.

Oseas 2:10

Nëjkxëp y'ixyë y'atsoky ye'etyëjk ko ënäty niwa'ats ëxwa'ats nyajwë'ëmyës. Ni pën nëjkx kyamayë tjëwowëty maas nkë'ë jotmën.

Isaías 30:6

Ma yaj'akäjpxyën wi'ix jyata'antën ja jëyujkëty jam Négueb: Ma ja it naaxwiinyëtën kutsë'ëkëpë, ma tsyëënëtën ja kaa ets myu'utë nyiitstë, ma tsyëënëtën ja tsa'any ets jëyujk mëjatypë mëti'ipë kääkëtijtëpën, ja krukts ets ja kwaay tyukmëjnëjkxtëp jap Egiptë ja wyit myeenyëty, ma ja kajpnën ka'apë tii tkëjxmëtyën.

Isaías 30:2

Jap pëyi'ikyë nyëjkxtë Egiptë, ëjts ka'apës pën tii xyajtëy; ja yajkutujkpë faraón jä'ä tyukjotkujk'ajtëp, jap Egiptë kyäktso'oktë.

Oseas 12:2

Tëë yë Wintsën tsyipëjktä'äky ma Israel kajpnën. Tyiytyunäämpy yë Jacob mëët ko ëxëëk y'ëti'itsy y'ënä'äny; jëtu'un tukumëtowa'any tä pyäätyë nyitëkëtyën.