Oseas 7:8 - Biblia Mixe de Quetzaltepec

⁸ Tëë yë Efraín nyäxyëpinyë mëët wiinkëtypë naax kajpn. Jëtu'un yë Efraín tä tu'uk yë tsajpkääkyën tu'kpa'apë je'eyë kyë'ëwëtyën.

Biblia Dc en Mixe de Quetzaltepec

⁸ Tëë yë Efraín nyäxyëpinyë mëët wiinkëtypë naax kajpn. Jëtu'un yë Efraín tä tu'uk yë tsajpkääkyën tu'kpa'apë je'eyë kyë'ëwëtyën.

Oseas 7:8 ပူးပေါင်းရင်းမြစ်များ

Salmos 106:35

Ni'ikyë ojts mëët nyäxyëpiinënëtë ja ja'ayëty ka'apë ja Tios t'ëwtatën, ets ojts tyukjajtënëtë ja y'ëxëëktu'un y'ëxëëk kajpxënëty;

Esdras 9:12

Ojts näjyëtu'un mijts xy'ënëëmëtës koos ja nëëxëty ka'ap mëpaat pyëktë y'uuktë mëët yë myaankëty etsës ja nmaankëty nän ka'ap mëpaat pyëktë y'uuktë mëët yë nyëëxëty, ojts xynyikäjpxy ko ka'ap mëpaat yajmëët'aty oy'aaw oy'ayuk mëët yë'ëjëty, koos mëk mëpaat ja jot winma'any nmëët'atës ets ntuk'oy'atëtyës mëti'ipë ja naax kajpn myëët'ajtypyën ets nëjkx jëna'a ntukumaytyës ja n'u'unk n'ëna'këtyës, mëti'ipë xëmëkyëjxm myëwë'ëmtëpën.

Malaquías 2:11

Yë Judá ka'ap yë Tios twinkutsë'ëkë, nëkooyë ja'ay winë tuuntëkooynyëtë jam Jerusalén ets jam Israel. Yë Judá tëë yë wintsë'kën tyajtëkoy ma Wintsën yë tsyajptëjkën mëti'ipë mëk tsyojkpy jya'apën ets Judá ja'ayëty yë'ë mëët ja to'oxytyëjk të pyëjknëtë mëti'ipë wiink tios y'ëwtajtëpën.

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

1 Reyes 18:21

Tä ja Elías tmëwinkoony ja naax kajpn ets y'ënäny: ¿Jëna'apaat jëtu'un miitsëty ya'atë jëtu'unpë xytyuunk'ata'antë jëtu'un tä jeexyë je'eyë m'ëyë'ëktën mkëyätën ma xy'ixtën mëjpë mutskpë? Tyam yajxon n'ënëëmëtë, pën yë Wintsën yë'ë mëj ets janty mëtëy ko Tyiosëty panëjkxtëkëtë yë'ë, e pën yë Baal yë'ëts mëj oy yë'ë xypyanëjkxtëkëtëty. Ja naax kajpn nitii ayuk tkapaty.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Tios xymyëtuntëty ets näjyëtu'un mkumeeny'atantëpëty.

Sofonías 1:5

Nyajkutëkoyäämpyës pënjaty jap tëjkkëjxy päjtëpën mëti'ipë y'ëwtajtëpën yë mëtsa'a, mëti'ipë näkyoxtënaaytyakëtëpën ets tkajpxpaatë yë nxëëwës, näjyëtu'un tkajpxpaatë yë tios Milcom yë xyëëw.

Oseas 9:3

Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Oseas 5:13

Ko yë Efraín nye'ixëtëty pëjkëp ijxëp ets Judá t'ijxpaatëty yë tsyëtyut, ënät nëjkx yë Efraín nyijkxy jam Asiria ets putëjkën t'amëtowëty ja Asiria yajkutujkpë, e yë'ë ka'ap nëjkx myäyë wi'ix yajtsokxëtëty ja pyu'uts ets ja tsyëtyut.

Oseas 5:7

Tëë yë Wintsën tmëtëkoytyë, jä'ä ko tam yë y'u'unk tmëëtëty mëti'ipë wiinkteety tyeety'äjtypyën. Mëët ko ja pëjkën ukën të tkawinkutsë'ëkë, tu'kpo'o je'eyë nëjkx yë nyaax kyajpn kyam y'ëyo'onpata'ay.

Oseas 7:9

Wiink ja'ay të pyëjkëty yë jyot myëjaaw ets ka'ap të tjawë. Yë'ëpaat yë kyuwaay të pyoopëtyä'äy ets ka'ap të t'ixy.