Oseas 7:1 - Biblia Mixe de Quetzaltepec

¹ koos yë nnaax nkajpn, yë Efraín kajpn ets Samaria kajpn njäyajtso'oka'antë, ënätyë nyëë pyokyëty wyinkëjxm jyëjpkëjxm jyä'ty. Jä'ä ko aak antaktëp; mä'tstëp, tëjktëjkëtyëp ets në'ëjoty tu'ujoty muum ja'ay tmäätstë.

Biblia Dc en Mixe de Quetzaltepec

¹ koos yë nnaax nkajpn, yë Efraín kajpn ets Samaria kajpn njäyajtso'oka'antë, ënätyë nyëë pyokyëty wyinkëjxm jyëjpkëjxm jyä'ty. Jä'ä ko aak antaktëp; mä'tstëp, tëjktëjkëtyëp ets në'ëjoty tu'ujoty muum ja'ay tmäätstë.

Oseas 7:1 ပူးပေါင်းရင်းမြစ်များ

Oseas 7:13

Mon tuk yajpaatë ko të jyëwa'aktë maas ëjtsën. Kutëkoyantëp yë'ëjëty jä'ä ko të xykyäjpxy kumëtoownaxtës. Ëjts njatsojkpyës ets jeexyë nyajtso'oktës e yë'ëjëty je'eyë xynyi'äntaakëtës.

Oseas 6:4

Jëtu'un yë Wintsën y'ënä'äny: ¿Wi'ix mtunëty mijts Efraín? ¿Wi'ix ntunëty mijts Judá? Yë mtsojkën mja'awën jëtu'unës mpëjktä'äky tä yë nëëma'a jopyëp yaj'ixyën, tä maanik kyuxëënyën, tä yë poj tyëkooytyä'äyën.

Lucas 19:42

ets y'ënäny: Jëtu'unpëk jeexyë ya'atë xëëw xyjyä'äkyukë ko mjayajtukniminy ja jotkujk'ajtën. Je'eyëp ko ka'ap jyëtu'unëty, yu'utsy yajpaaty ma mijtsën ets ka'ap xy'ijxpaatëty.

Oseas 4:2

Yi'iyë mëjnajxnëp wi'ix wiinkë'ëy akë'ëy Tios xyëëw tukajpxpätëtyën ets y'ayuk ka'ap tkuuytyuntë, ja näwyin'ëën näwyinxajën ets ja ka'apë myëtëyëtyën, ma yaja'ay ooktën, ma myäätstën, ma pëjkën ukën ka'ap twintsë'ëkëtën ets ma je'eyë tsyiptuntën ets janaam jatsojk myëku'uk tyaj'ooktë.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Tios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Tios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Miqueas 6:16

Jä'ä ko mijts yë'ë të xypyanëjkxy ets të xytyuny ja Omri ja y'ënä'ämën ets ja Ahab ja jyiiky myëku'uk; jëtu'un winë të xytyuny tä yë'ëjëtyën. Paaty mijts ets mnaax mkajpn atsë'ëk ajawë jyata'antë ets je'eyë nëjkx yajnëxi'ik yajtukxi'iktë, ja nnaax nkajpnës ja tsyëtsyu'un jam nëjkx kyëtakta'ay ma mijtsën.

Amós 8:14

Mëti'ipë ënäty të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

Oseas 11:12

Yë Efraín je'eyës xywin'ëëny; je'eyë y'antä'äky yë Israel kajpn maas ëjtsën. Yë Judá ja'ayëty tëë jyëwa'knëtë maas ëjtsën, tyam yë'ë oy myëtuunëp yë awinax.

Oseas 10:5

Tsë'ëkëtyëp yë Samaria ja'ayëty; mëët ko të jyijtë'ëky ja y'awinaxëty mëti'ipë këxë'kpën tsajpkaa u'unkën, Bet-avén yajtijyën. Yë'ë nyijëëy nyiyaxtëp yë naax kajpn ets teetytyëjkëty, jä'ä ko tëë ja myëj'ajt y'oyajtën tyëkoy.

Oseas 8:9

Mëët ko yë Asiria kajpn të t'amëtowtë yë näypyutëkë ets të jyatë tä tu'uk jëyujk mëj ja'ayën ka'apë y'ëkja'akyujkënën. Yë Efraín tëë tyajkwä'kxy yë näynyamo'ojë ets ja'ay pyutëkëtëty.

Oseas 8:5

Ëxëëk n'ixyës yë Samaria ja'ayëty ko yë y'awinax të tyajkojtë, mëti'ipë tsajpkaajën kyëxë'ëkyën ets yë'ë t'ëwtatë. Tëës yë ntsip n'äkë myëjë ma yë'ëjëtyën. ¿Jeky jëtää y'ita'anyë ets jatëkok y'oyëtëty yë Israel ja'ayëtyë?

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kutujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,

Oseas 4:17

Yë Israel, mëti'ipës ntsojkpy nja'apën, të nyäkyë'ëyäkyë ma wiink tiosën. Tä ëmu'ukyë ja'ayën të kyëtaawta'atë. Janaam jatsojk jyot nyini'kx tooktë tyaktë ets yë'ë ni'ik tsyojkën'ajtëp yë tsëtyu'un këtiinëm yë näyajmëjnaxë.

Ezequiel 23:4

Ja mëjpë Oholá xyëëwajtyp, yë'ë ja Samaria kajpn kyutënääpy ets ja y'uty Oholibá txëëwajtyp, yë'ë ja Jerusalén kajpn kyutënääpy. Ojtsës mpëky mëët yë'ëjëty nimäjtsk mpatës ja n'u'unk maay ye'etyëjkpë to'oxytyëjkpë.

Ezequiel 16:46

Ja mtsë'ëtaak yë'ë ojts nyijkxy anëkëjxytsyow, ma Samaria kajpnën ets Samaria nyaaxjotmën; e ëpa'tkë'ëmtsow yë'ë ojts jam nyijkxy yë m'uty to'oxytyëjkpë, ma Sodomë kajpnën ets Sodomë nyaaxjotmën.

Jeremias 51:9

Tëës njapëjkta'aktë yë tsyooy yë Babilonyë, ka'ap të tsyo'oky. Ixmatstë. Tsojk yaa ntimtsyo'onëmë, tsojk nixim niyam ntimjya'amëmë ma nnaax'ajt nkajpn'ajtëmën. Jampaat tsajpjotm të jyä'ty yë tyuuntëko'oy kyajpxtëko'oyën, jëtu'un yaj'ixy yë nyëë pyokyëty tä yoots nëma'ajën.

Isaías 59:12

Tëë yajxon mijts nyajjoot'anpëktë, ja nëë poky mëti'ipës të ntuntën jä'äs xëmë ka'ap xyajjotkujk'atë; ëxëëk ëëts të n'ëtë'ëtstë ets tëë mëj këjää ja nëë poky ntuntës.

Isaías 28:1

Janty mon janty tuk yë Samaria kajpn yajpaaty, ja kajpn ma ja Efraín ja y'u'unk y'ok tsyëënëtën mëti'ipë ja amu'ukyëja'aytyëjk yajmëjnajxtëpën, mëti'ipë janty'oy näjya'awëyëpën ets jëtu'un ja jyuukyajtën tä pëjyën mëti'ipë të xyo'tsnën, jampë yajpaatyën naaxjotm ma winë y'ity wyintëyën. Janty mon janty tuk yajpaaty jä'ä ko yi'iyë yajmëjnajxyp ets amu'ukyë yajpaatëty.

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënäty ntsip n'äkë nyajnaxy ma mijtsën.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

Isaías 59:13

Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Isaías 59:14

Ja mëtëypyë ja tu'unën kajpxën, ka'ap të yajtsoky, ja tëyajtënpë jëkäm të yajnajtspëkë, ja jaantypë ja käjpxy mëtyä'äky ka'ap ja mayjyä'äy të tkupëktë, ets oytyuunk oykyäjpxy nimaa të kyatsoowpaaty.

Oseas 12:1

Yë Efraín poj jyi'kxyp: Tu'kxëëw tpaye'ey yë poj mëti'ipë xëëwpëtsëmtsyow tso'onpën. Këjääjëp yë wyin'ë'ënën ets tsyip y'äkë. Yë Asiria ja'ay yë'ë mëët käjpxytyu'unën tuny ets Egiptë ja'ayëty tyuknikejxyp yë olivë on tä tu'uk näynyamo'ojën.

Oseas 12:2

Tëë yë Wintsën tsyipëjktä'äky ma Israel kajpnën. Tyiytyunäämpy yë Jacob mëët ko ëxëëk y'ëti'itsy y'ënä'äny; jëtu'un tukumëtowa'any tä pyäätyë nyitëkëtyën.

Amós 3:9

Nimëtya'aktë ja aaw ayuk jam Asdod ets jam Egiptë ma kutujkëntëjkën: Mintë ma Samaria kopkën; min ixtë wi'ix y'ëtë'ëtstë y'ëna'antën ets wi'ix ja'ay y'ëyowtën tsipjoty.

Amós 3:10

Jëtu'un yë Wintsën y'ënä'äny: Yë'ëjëty ka'ap tnijawëtë wi'ix tii oy tuntëtyën; jap tyajnipätë ma kyutujkëntëjkëtyën mëti'ipë ja'ay pyëjkëtëpën atsip.