Oseas 6:1 - Biblia Mixe de Quetzaltepec

¹ Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

Biblia Dc en Mixe de Quetzaltepec

¹ Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

Oseas 6:1 ပူးပေါင်းရင်းမြစ်များ

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

Job 5:18

Ko pën tyajtsëtyuty, pojën jatëkok tyajtso'oky; ko pën tkoxy, pojën jatëkok tyajjotkujkë.

1 Samuel 2:6

Yë Wintsën yë'ë yäjkpy yë juukyajtën, ets yë'ë pyijkpy jatëkok; yë'ë yajkutujkpy ets o'ktëy njajtmëty nkëpäjtmëty, ets yë'ë yajkutujkpy ets jotkujk nyajpatmëty.

Oseas 14:4

Jëtu'un yë Wintsën y'ënä'äny: Nyajtso'okantëp yam ma je'eyë mkäjpxykyumëtoownaxtën; ntsokantëp yam oy mkapaat mkanitëkëtë, jä'äs ko tëëjës ja njoot'an xyeemy.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Jeremias 30:17

Nyajtso'okäämpy nyaj'akëta'akäämpy jatëkok, nyajtsooypyätäämpyës ja mtsëtyut, oy jënu'un yë mmëtsiptëjk jya'ëna'antëty: Yë Sión kajpn tëë yaj'ëxmajtsnë, ka'ap pën y'ëkmëmaay y'ëkmëtajënë. Ëjts Wintsën, ëjts ënaanp.

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Tios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.

Job 34:29

E ko Tios näjyëtu'un y'ëmoonpëty, ¿pën tëytyunëp? Pën yë'ë näyu'tsëp ¿pën winë y'ixëp? Yë'ë y'ijx'ijtyp Kyëwent'ajtyp yë naax kajpn ets ja'ay

Oseas 14:1

Israel, niwinpit yë mWintsën Tios, mijts mpoky ëxëëk të myajjatyë.

Jeremias 50:4

Jëtu'un yë Wintsën y'ënä'äny: Ko yë xëëw jëmëjt tpaatëty, nëjkxëp yë Israel ja'ayëty ets Judá ja'ayëty xynyimintës jëëpy yaxp, yë Tios mëti'ipë Wyintsën'ajtëpën.

Jeremias 3:22

Wimpitë ma ëjtsën, u'unk maayëty mëti'ipë käjpxy kyumëtoownajxtëpën, ëjts miits nyajtso'ok nyaj'akëta'aktëp këtiipë m'ëk käjpxy kyumëtoownajxnëtëty. Tyaa ëëts nmintë ma mijtsën, jä'ä ko mijts myajWintsën'ajtp, mëti'ipës nTios'ajtëpën.

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënät ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Salmos 30:7

Mijts, Wintsën, mëët ko ja oyjyot oywyinma'any xymyëëtëty tëës mijts kë'ëm xy'ënëëmë koos jotkujk n'itëty. E mijts ka'ap ja mputëjkën të xy'ëkyajnikëxë'knë ma ëjtsën, ja tsë'kën ja'awën jä'äs të xyajkumon të xyajkutukë.

Jeremias 30:12

Jëtu'un yë Wintsën y'ënä'äny: Ka'ap yë mtsëtyut tjëkyepy wi'ix tsyo'okëtyën, yë mpa'am ka'ap ma nyitsooy.

Isaías 30:22

Nëjkxëp xy'ëxëëk'ijxnë ja m'awinax, ja mtsaapotsy ets mkepy tsyetsy mëti'ipë ja ja'ay y'oytyuuntëpën mëët yë poop pujxn ets pu'ts pujxn. Ëxëëk nëjkx xy'ijxnë ets pu'uxmën putsta'akën nëjkx xyajnajxnë.

Sofonías 2:1

Nämyukëtë pën ka'ap mtsëtyuntë,

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.

Job 16:9

Tiosës xy'ixjëtijtp xypyajëtijtp ets jëtu'unës xyjyatim tyuknukëja'any, jëtu'unës xynyipëtë'ëky tä kaajën, koos xywyintë'kxy jëtu'un yaj'ixy xytyimtsu'utsaanpës yowë tääjës yë nmëtsipën.

Salmos 6:2

Pa'ëyoowkës Wintsën, tëës näjyawëty nmëjaawkëxy. Wintsën, yajtsok yaj'akëtakës jatëkok, aak tsëyuuynyëpës yë nini'kx nja'awënë.

Salmos 71:20

Oyës të xy'ëktuk'ixy yë ëyo'on jotmay etsës të një'ëy të nyä'äxy, nija'apës wa'ats koos jatëkok xyajjuuky'ata'any, ets koos jatëkok jap xyajpëtsëma'any ëyoowtaknjoty maas ënäty jap ëxëëk njatyën nkëpetyën.

Eclesiastés 3:3

Nyixëëw nyijëmëjt pyätyp ko pën yaja'ay'ooky ets ko pën yajtsooypyetsy. Ko pën tii tyaj'oyë ets ko pën tii tyajma'aty.

Isaías 17:7

Jä'ä xëëw ja ja'ay nëjkx tja'amyetsy ja Wa'ats Tios mëti'ipë Israel y'ëwtajtypyën, ja Tios mëti'ipë të yyajkojyën.

Jeremias 33:6

E nyajtso'okäänpyës jatëkok, nmo'ojäämpyës ja oy'ajt mëk'ajtën ets xoontä'äky jyuuky'atëty.

Jeremias 50:5

Yajtëwantëp maatsow wyi'imyën ja në'ë tu'u mëti'ipë nëjkxpën Sión, jam nyëjkxa'antë ets y'ëna'ana'antë: Tsojk ninëjkxëmë yë Wintsën ets mëët ntu'unmëty tu'uk yë käjpxytyu'unën mëti'ipë itëpën xëmë, mëti'ipë ka'ap yajja'atyëkoyëtyën.

Lamentaciones 3:11

Tëës xyajtu'utëkatsy ets tëë xyajtsëtyuty, yajxonës të xy'ëtsë'kënë.

Oseas 11:10

Yë'ëjëty pyajnëjkxantëp yë Wintsën ets Wintsën tä kaajën myu'uja'any. Mu'ujaanp ets nimina'any matsow yë xëëw pyëtsimyën mëti'ipë jyä'ä'ajtypyën.

Oseas 12:6

Paaty myaj'ënëëmë mijts Israel, niwinpit yë mTios; oy winë xytyunëty ets tëy jaanty, yë Tios yë'ë xëmë mtuk'ijxpätëp.

Levitico 14:48

E ko ja teety jap tyëkëty tëkoty ets t'ixa'any pën wi'ix ja pa'am jap yajpaaty ets t'ixëty ko ja ëxëëkpë ka'ap nëkooyë të kyëjääjë, ma ënäty ja tsaa ja wiinkpë të yajpëjktä'äkyën, mëët näjyëtu'un ja wa'ats ja mo'onts. Ënät nëjkx tnikäjpxy, ko tääpë ja tëjk wa'ats jä'ä. Jä'ä ko ja pa'am tëë ja kyutëkoy.

2 Crónicas 30:6

Tä ja kukäjpxy ye'eywya'kxtaaytyë, jä'ä myënëjkxtëp ja yajkutujkpë ja y'aaw y'ayuk, ma ja ënä'ämën kutujkën tpëjktäkyën: Miitsëty Israel ja'ayëty yajwinpitë jatëkok ja mjot mwinma'anyëty ma ja Wintsënën, mëti'ipë ja Abraham, Isaac ets ja Jacob Tyiosajtën ets yë'ë mnijootwinpitëtëty ets näjyëtu'un ja ja'ayëty mëti'ipë të tkukä'äktën ja Siria ja'ayëty, Sirië yajkutujkpëty.

Job 22:23

Pën mijts yu'unk naxym mnäypyëjktä'äkyë ma yë'ëjën ets mwinpijtp ma ja mëti'ipë maaytyääyëpën winë ets myajjëwä'kpy yë ëxëëkpë ma mjëën mtëjkën,

Oseas 3:5

Ok jatëkok yë Israel ja'ayëty tniwinpita'antë yë Tios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënäty tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënäty jotkujk yajjuuky'atëtë.