Oseas 5:6 - Biblia Mixe de Quetzaltepec

⁶ Mëët yë kyupixyny yä'äy ets tsyajpkaato'oxy nëjkx t'ixta'atë yë Wintsën, ka'ap nëjkx tpaatë jä'ä ko tëë ënäty tmëjëkämkä'äktë.

Biblia Dc en Mixe de Quetzaltepec

⁶ Mëët yë kyupixyny yä'äy ets tsyajpkaato'oxy nëjkx t'ixta'atë yë Wintsën, ka'ap nëjkx tpaatë jä'ä ko tëë ënety tmëjëkämkä'äktë.

Oseas 5:6 ပူးပေါင်းရင်းမြစ်များ

Juan 7:34

Nëjkxëpës xyjya'ixta'atë, je'eyëp ko ka'apës xypyaata'antë, jä'ä ko ka'ap tjëkyepy miits jam mnëjkxtëty maas nnëjkxyën.

Proverbios 1:28

Jääts nëjkx xyjyamëkajpxtës, e ëjts ka'apës jää n'ëtsowa'any. Nëjkxëpës xyjya'ixtaaynyëtë, e ka'apës nëjkx ma xypyaatë.

Ezequiel 8:6

Etsës të xy'ënëëmë: ¿M'ijxyp wi'ix ëxëëk y'ëtë'ëtstë y'ëna'antën yë Israel ja'ayëty, mëti'ipës yë ntsajptëjk xytyukmëjëkämkäktëpënë? Ets tyam wiinkpë xy'ixëty mëti'ipë ni'ik ëxëëkën.

Lamentaciones 3:44

Je'eyë të mnäyu'utsyë yootsjoty këtiipë xymyëtowëty ëëts ja nnu'kxtakënëty.

Jeremias 7:4

Këtii xymyëpëktë mëti'ipë mwin'ë'ënëtëpën ko y'ëna'antë: Tyaa ja Wintsën ja tsyajptëjk, tyaa ja Wintsën ja tsyajptëjk.

Proverbios 15:8

Yë Tios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Lucas 5:16

Kanaak'ok ja Jesús tnikeky ja mayjyä'äy ets ojts nyijkx jam apak itum, jamts ja Tios tja'amyejtsy.

Jeremias 11:11

Paatykyëjxm n'ëna'anyës ko ntuknikäxantëpës yë ëyo'on jotmay mëti'ipë ka'ap tjëkyepy tkukä'äktëtyën. Oy jyaya'ax jyajoktëty, ka'apës nmëtowa'any. Ëjts Wintsën, ëjts ënaanp.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Proverbios 21:27

Tios ëxëëk t'ixy ko ëxëëkja'aytyëjk tii tyoxtë. Jä'ä ko ka'ap tii ëmuumtu'ukjot tyaktë.

Éxodo 10:9

Tä ja Moisés y'ëtsooy: Nëjkxta'ajantëp ëëtsëty ni'ëmukë, mëjja'aytyëjkëty, pi'k'ëna'ktëjkëty, njëyujk ntsajpkaajëtyës, ntsajppaxëty nkupixynyëtyës, jä'ä ko ëëtsëty mëj xëëw tu'uk nyaj'apaatëjantëpës maas nmëjjawëja'antën ja nWintsënëtyës ja xyëëw.

Miqueas 3:4

Nëjkxëp jëna'a xymyëkajpxtë yë Wintsën e yë'ë ka'ap nëjkx m'ëtsowëtë. Nëjkxëp nyäyu'utsyë ma ënäty xyjyamëkajpxtën jä'ä ko ënäty je'eyë të mtuuntëkoytyë.

Ezequiel 8:18

Ëjts ajoot'anës yam winë ntuna'any. Ni pënës nkapa'ëyowa'any. Oy jënu'un xyamëkajpxtëtyës, ka'apës nmëtowa'any.

Jeremias 11:14

E paaty mijts Jeremías n'ënëëmë, ka'ap tääpë kajpn xykyukajpxta'akëty ets këtiis nëkoo ëjts xymyëkajpxëty, tääpë kajpn ka'apës mputëkëja'any ko ënäty ëyo'on jotmay tmëët'atë.

Jeremias 14:12

Yë'ë oy jënu'un y'ayuu'atëty, ëjts ka'apës nmëtowanë y'aaw y'ayuk, oy jënu'un tmëminëty aaypyajk ujtspajk ëjts nwintuuyës ets wintsë'kën nino'oky nixämpyë nkatimnyi''ijxë'ëkäämpyës. Nyajkutëkoyäämpyës mëët yë tsip, mëët yuu xëëw, mëët yë pa'am ëyo'on.

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Amós 8:12

Nëjkxëp tja'ixta'atë xiitsow yaatsow ets tjapaata'antëty ja Wintsën ja y'aaw y'ayuk; jyaninaxtëp kanaak ja juukymyejy, jampaat tnitsoontëty xëëwpëtsëmtsyow ets tpaja'tëty xëëwkëtä'äkytsyow, ka'ap maa tpata'antë.