Oseas 4:8 - Biblia Mixe de Quetzaltepec

⁸ Yë'ë nnaax nkajpnës nëë poky tyukjuuky'äjtyp, paaty tsojkën'atë ets ja'ay pyokytyuntëty.

Biblia Dc en Mixe de Quetzaltepec

⁸ Yë'ë nnaax nkajpnës nëë poky tyukjuuky'äjtyp, paaty tsojkën'atë ets ja'ay pyokytyuntëty.

Oseas 4:8 ပူးပေါင်းရင်းမြစ်များ

Isaías 56:11

Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Tios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Tios yë'ë yajpatp mëët ëëtsajtëm; tii xynyajajtmëp.

1 Samuel 2:29

E pën jëtu'un y'ixë'aty tii ko ka'ap xy'ëkmëjpëjktaknëtë ja ayajk ako'onën mëti'ipë ja'ayëty yë Wintsën tyuknimiintëpën. ¿Wi'ix ko ja m'u'unk m'ëna'k jä'ä ni'ik mtsojkpy mja'ap ets këtiinëm ëjts, je'eyë xyajni'kxënyë mëët ja tsu'utsy mëti'ipë myëmiintëpën ëjts nwintuuyës ja Israel ja'ayëty, mëti'ipës nkajpn'ajtypyën?

Levitico 6:26

Ja teety mëti'ipë ja wintsë'kën yäjkpyën, jyëkyäpëp tsu'utsëty ja nyitsu'uty, jap tsu'utsëty ma tu'uk yë it naaxwiinyëtë wa'atspë, jap ma ja nyitëja'awën ja wit tëjk ma näpyaatë y'ityën.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Tios tsyojkpyën.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Salmos 24:4

Yë'ë mëti'ipë wa'ats yë jyot wyinma'anyën ets wa'ats ja kyë'ë y'aaw, ka'apë tmëëtëtyën ja nëë poky. Mëti'ipë ka'ap t'ëwtatyën tsaa ets kepy, oynatii, ets ka'ap nëkoo Tios tukajpxpety ko tii tyajtëytyëkëja'any.

Ezequiel 14:7

Ko tu'uk yë Israel ja'ay ëkë jaaypyaat jaaypyo'kxy mëti'ipë tsënääpyën ma Israel kajpnën xy'ëxmatsëtyës ets wiink tios tpanëjkxtëkëty ka'apë tyiosëtyën ets jam ja jyot wyinma'any tpëjkta'akëty ma t'ëwtatyën ja wiink tios ets yi'iyë tuk'ijxpätëty ja mëti'ipë yajpokytyuunëpën ets ok tninëjkxëty ja käjpxynyajxpë ets winë tyajtëwëty, ëjts kë'ëm nmo'ojäämpy ja ëtsoowinpijtën.

Ezequiel 14:3

Ya'atë ja'ayëty yajxon yë jyot wyinma'any të timkyë'ëyaktë ma yi'iyë t'ëwtatën ka'apë tyiosëtyën ets yë'ë të tuk'ijxpätë mëti'ipë yajpokytyuunëtëpën. ¿Ets ënät y'ëna'antë mputëkëtëtyësë?

Salmos 25:1

Wintsën, mijts yam nmëkäjpxyp.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënäty mtukmëmëtya'akëtë ja kyë'ëm ayuk kyë'ëm winma'any. E tëë ja Tios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Tios tyuknipëjktaakëtë ets ja mëj ëyo'on tpaatëty.

Oseas 10:13

Miitsëty yë'ë ëxëëkpë të xynyiyu'ujëtë, yë'ë të xyajmuktë tëkatsypë nipaye'eyën ka'apë myëtëyëtyën ets ëxëëk të xymyëjatë ko mwin'ëëntë. Ko të xytyuk'ijxpätë ja mpujxn wintëkäämpë mëti'ipë yajmëtsiptuunpën ets ko të xytyuk'ijxpety ja mtsiptuunpëtëjk,

Oseas 12:8

Jëtu'un yë Efraín y'ënä'äny: Ëjts koos të nkumeenytyä'äky, jotkujk'ajtënës të npaaty; ka'ap tjëkyepy pën xytyuk'ojëtyës ets xy'ënëëmëtyës ko tëkatsyës winë të ntuny.

Oseas 14:1

Israel, niwinpit yë mWintsën Tios, mijts mpoky ëxëëk të myajjatyë.

Levitico 6:22

Jëtu'un tyaj'oyëty ja teety, mëti'ipë ënäty wintsën ijtpën ma ja Aarón ja y'u'unk y'okën, mëti'ipë ja tuunk të tmëwë'ëmyën, tä ja Aarón ënäty të tyunyën. Ya'atë ayajk ako'onën yë'ë Tios patëp, e paaty kopkpëky ets yajno'kta'ajëty.

2 Reyes 12:16

E jä'ä ënät ja meenypë mëti'ipë ja ja'ay nätyukukëpäjtëpën ko pyokytyuny, ëkë ko ja tëko'oyën tmëëtëty, ka'ap ja yajmënëjkxy ma ja tsajptëjkën, jä'ä ko jä'ä ja teety jyä'ä'ajtëp.