Oseas 3:1 - Biblia Mixe de Quetzaltepec

¹ Ënät yë Wintsën jatëkok xy'ënëmaayës: Nëjkx mëët'at tu'uk yë to'oxytyëjk mëti'ipë mëët tsyëënën yë naaxwiinyëtë ja'ay oypyë mëët nyämyäyën ets mëti'ipë tyo'kpy yäjkpyën yë jyot nyini'kx. Jëtu'un yë Wintsën tsoky tjawë yë Israel ja'ayëty ko wiink tios të tpanëjkxtëkëtë.

Biblia Dc en Mixe de Quetzaltepec

¹ Ënet yë Wintsën jatëkok xy'ënëmaayës: Nëjkx mëët'at tu'uk yë to'oxytyëjk mëti'ipë mëët tsyëënën yë naaxwiinyëtë ja'ay oypyë mëët nyämyäyën ets mëti'ipë tyo'kpy yäjkpyën yë jyot nyini'kx. Jëtu'un yë Wintsën tsoky tjawë yë Israel ja'ayëty ko wiink tios të tpanëjkxtëkëtë.

Oseas 3:1 ပူးပေါင်းရင်းမြစ်များ

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Isaías 45:22

Naax kajpnëty jëkämpaatpë yajpaatën, nimiintëkës ets nyajtso'oktëty, jä'ä ko ëjts jëtu'un Tios'ajtp nätyu'uk, ka'ap maa wiinkpë.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

1 Pedro 4:3

Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Tios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.

Zacarías 1:16

E paaty n'ëna'anyës, ëjts Wintsën: Mpa'ëyoopyës ja Jerusalén kajpn, paatyës yam nyajkutukäämpy ets ja tsajptëjk ets ja naax kajpn jatëkok yajkoj o'oyëtya'atëty.

Jeremias 3:20

E miitsëty jëtu'un të m'ëtëtsnëtë tä tu'uk to'oxytyëjkën mëti'ipë ka'ap nyiye'etyëjk tmëj'ixy tmëjpëjktä'äkyën, jëtu'un miitsëty ka'ap të xy'ëkmëj'ijx të xy'ëkmëjpëjktaknëtës. Ëjts Wintsën, ëjts ënaanp.

Salmos 123:2

Mëët yë waantakën nu'kxtakën jam nkëx'ixtës ma Tiosën mëti'ipës nWintsën'ajtëpën, jëtu'un tä tu'uk yë mëtuunpë twintë'kxyën yë wyintsën, ets jëtu'un tä tu'uk yë to'oxytyëjk twintë'kxyën yë wyintaj, n'a'ix njëjp'ixtës etsës xypya'ëyow xynyajts'ëyowëtëty.

1 Corintios 10:21

Ka'ap tjëkyepy miits xytyuk'uukëtëty ja Wintsën ja y'a'ukën ets näjyëtu'un xytyuk'uukëtë ja ku'oypyë ja jyä'ä. Ets ka'ap tjëkyepy näjyëtu'un jam myajpaatëty ma ja Wintsën ja kyääypyäjnën ets myajpaatëty näjyëtu'un ma ja ku'oypyë ja kyääypyäjnën.

Amós 6:6

mëjatyëty yë m'a'ukën xy'ixtë mëti'ipë mtuk'ukëtyëpën, aakjä'ä mnätyukja'axëtëp ja oyëtypë ja tsooy xyuukyën, ka'ap xymyëmay xymyëtajtë oy wi'ix yë naax kajpn jyatëty.

Amós 2:8

Yë'ë nätyukxojxëtëp ja wit tujkxy mëti'ipë ja ëyoopëja'ay të tpëjkën; jëtu'un kyäytyë y'uuktë ma tnixëëwtuntën yë awinax; yë'ë tyukjuuytyëp yë tsatym nyëë yë wit meeny mëti'ipë ja'ay atsip pyëjkëtyëpën ets jap y'uuktë jyë'kxtë ma tsyajptëjkën yë wiink tios.

Nehemías 9:31

E mijts mëët ko xy'ëkmëët'aty ja pa'ëyo'ow najts'ëyo'owën ka'ap xytyimyajkutëkooy ets tu'ukyë xytyim'ijxmajtsy; tä xyajwinkëxë'ëky ko mijts oy mTios'aty ets mëët'ajtyp ja ëma'atjot.

2 Reyes 13:23

E ja Wintsën ojts tpa'ëyoy ja ja'ay mëti'ipë jam ëxëëk yajtuun yaj'ënëmaaytyëpën, mëët ko tja'amyejtsy ja kyäjpxytyu'unën mëët ja Abraham, Isaac ets Jacob; ka'ap t'a'ijxëy kyutëkoytyëty ja jyä'äy ets ka'ap tjo'tsy. Tyampaat kä'äpyëm wi'ix tuny.

2 Samuel 6:19

ets tyajkaaytyääy tëkokyë ja Israel ja'ayëty mëti'ipë ënäty jam yajpatëpën, këëktu'uk tmooytyë tsajpkääky, yë tsatym myä'ätsy ets këëktu'uk yë tsu'utsy. Ko kyääytyääy y'uktaaytyë tä ojts wyinpijtaynyëtë ma jyëën tyëjkëtyën.

Jueces 10:16

Ënät ja Israel ja'ayëty ojts tyajma'ta'atë ets tukpu'ujëtyääytyë ja wiink tios, ets ja Wintsën t'ënëmaaytyë ko yë'ë t'ëwtata'antë tu'ukyë, ko jëtu'un yë Tios t'ijxy ka'ap ojts jeky tmëmëtä'äky ets ja Israel ja'ayëty y'ëyowtëty.

Jueces 9:27

Ënät ojts tsyoontë tsatsym tyujkpë ets ja tsatym nyëë tyaj'o'oyëtyë, mëj tnixëëwtuuntyë ets y'uktë myukëtë; kyääytyë pyëjktë ma ja Baal ja tsyajptëjkën ets tpojktë ja Abimélec.

Éxodo 32:6

Ko kyomjëpom'ajty, janty ju'unëm ojts myä'äypyëtë'kojtë ets ja wintsë'kën ojts tkë'ëyajkojtë, kanaak tyajnitooytyë ja jëyujk, tuntë jëtu'un ja nämyë''ëëw'oy näymyëkajpx'oyë, wäänë y'ijty tä ojts ja mayjyä'äy tyëkëtë kääpyë ukpë. Ko jëtu'un y'ëkkaaytyääy y'ëk'uktaaytyë tääts tyëjkëtyë äjtspë pujtpë.

1 Corintios 10:7

Paaty miits ka'ap xywyintsë'ëkëtëty ja awinax, ijxtëm ojts jënaakën y'ëtë'ëtstën. Ijxtëm ja Tios ja y'aaw y'ayuk kyëxja'ayëtyën: Naaxwä'tstë ja ja'ayëty ets kyääytyë y'uktë ets tyëjkëtyë äjtstë pujtpë.

Mateo 26:50

Ënät ja Jesús y'ënäny: Mëku'uk, tuunkoj tii mtunäämpyën. Ënät ja Jesús tnimiintë ets tmajtstë.

Oseas 7:5

Ko ojts ja nkutujkpë'ajtëm yajtukujeny ja kyujän, ojts ja wintsëntëjk yajpa'ampätëtë tsatym nyëë mëti'ipë tëë nyimaanaxyën, jä'ä ko y'anëty. Ets të tputëkë ja mëti'ipë tukxik tuk'ëwë'këpën.

Oseas 4:11

Ko yë ja'ay yë jyot nyini'kx tooky tyäky ets ko y'uuky myu'ukyë yajtëkoopy yë jot ja'awën.

1 Crónicas 16:3

tääts tyajkaaytyääy tëkokyë ja Israel ja'ayëty, ye'etyëjk, to'oxytyëjk.

Cantares 2:5

Yajmëkpëjktëkës jatëkok mëët yë ujts ma'atsy mëët ujtstëëm të'ëtspë, tukjë'kxtëkës yë mansaan, jä'ä ko jëtu'unës näjyawëty tim o'kpës yowë mëët yë tsojkën ja'awën.

Oseas 2:5

Tëë yë tyaak jyot nyini'kx tooky; tëë tyajtëkoy yë y'oyajtën, ko të y'ënä'äny: Yë'ëjës nëjkx n'ixta'aja'any yë mëti'ipës mëët nätsyokyën, mëti'ipës xymyoopyën yë nkääky n'uukyës ets nnëëjës, mëti'ipës yë mpixyny ets linë wit xymyoopyën, mëti'ipës yë on ets n'uuky xymyoopyën.