Oseas 2:8 - Biblia Mixe de Quetzaltepec

⁸ E yë'ë ka'ap ojts t'ixkäpy ko ëjts ijty nyajkääpy nyaj'ukpy, ko ëjts ijty nmoopy yë tsajpmok, yë tsatym nyëë tëëpë nyimaanaxyën ets on. Ko ëjts ijty nmoopy yë pyu'tspujxn mëti'ipë tyuk'oytyuunën yë y'awinax.

Biblia Dc en Mixe de Quetzaltepec

⁸ E yë'ë ka'ap ojts t'ixkäpy ko ëjts ijty nyajkääpy nyaj'ukpy, ko ëjts ijty nmoopy yë tsajpmok, yë tsatym nyëë tëëpë nyimaanaxyën ets on. Ko ëjts ijty nmoopy yë pyu'tspujxn mëti'ipë tyuk'oytyuunën yë y'awinax.

Oseas 2:8 ပူးပေါင်းရင်းမြစ်များ

Isaías 1:3

Yë tsajpkaa y'ixyp pën wyintsën'ajtypyën, ets krukts nyija'ap ma jyë'kxtakn yë wyintsën të myo'oyën; e yë Israel ja'ayëty mëti'ipës nnaax'ajtyp nkajpn'ajtypyën ka'ap y'ijxkäpy ets ka'ap jyä'äkyukë.

Oseas 13:2

Ja ja'ayëty je'eyëm pyokytyuun'ëtë'ëtstë. Yajjëëytyëëwtëp yë poop pujxn ets t'oytyuntë y'awinax jëtu'un ijxtëm wyinma'anypyaatën ets jëtu'un ijxtëm yë pujxn'oytyuunpë t'oy'ixyën ets y'ëna'antë: Mo'otë wyintsë'kën ets ja ja'ay tjanty tsyu'kxtë ja y'awinaxëty mëti'ipë jëtu'un këxë'kpën tä tsajpkaa'u'unkën.

Oseas 8:4

Ëjts ka'apës tii të xyajtëwtë ko tpëjkta'aktë yë kyutujkpëtëjkëty ets të tnikajpxpätë yë wyintsëntëjkëty maas ka'ap të nijawën. Tëë twinpëjkmuk twintuunmuktë yë pyoop pujxnëty pyu'tspujxnëty ets y'awinax të t'oytyuntë ets kë'ëm nyäyajkutëkoya'anëtë.

Oseas 4:11

Ko yë ja'ay yë jyot nyini'kx tooky tyäky ets ko y'uuky myu'ukyë yajtëkoopy yë jot ja'awën.

Romanos 1:28

E jä'ä ko ka'ap nijawëjantë ja Tios, paaty ja Tios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Lucas 15:13

Naam yajkumaaytyääpy ënäty ja mutskpë ets ënätyë to'ktaay winë. Tääts ojts nyijkx jëkäm najëtijtpë. Jamts ja myeeny tyajtuuntaay mëti'ipë ënäty myëët'ajtypyën ko kyë'ëm winma'any tyajtuuny.

Habacuc 1:16

Paaty yë ja'ay mëti'ipë nëë jëyujk majtspën jëtu'un yaj'ixy y'ëwtajtyp yowë tsyääy ets xyu'uny ets tyimwintoopy tyimwinno'kpy mëët yë poom ets yäjkpy yë nyiwintsë'kën, jä'ä ko jam jyi'kxypyääty.

Oseas 2:5

Tëë yë tyaak jyot nyini'kx tooky; tëë tyajtëkoy yë y'oyajtën, ko të y'ënä'äny: Yë'ëjës nëjkx n'ixta'aja'any yë mëti'ipës mëët nätsyokyën, mëti'ipës xymyoopyën yë nkääky n'uukyës ets nnëëjës, mëti'ipës yë mpixyny ets linë wit xymyoopyën, mëti'ipës yë on ets n'uuky xymyoopyën.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Tios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Jeremias 7:18

Yë y'u'unk y'ëna'k, yë'ë ja'axy myëmiintëp; yë u'unkteety yë'ë jëën yajmëjjëtyëp; e yë to'oxytyëjkëty yë'ë jëtsykyojxtëp ets ja tsajpkääky tyaj'oyëtë ets tukwintsë'ëkëja'antë ja tios mëti'ipë tyijtëpën Ja wintaj mëti'ipë yajkutujkpën jam Tsajpjotm.

Isaías 46:6

Tä ja'ay mëti'ipë may yë pu'ts pujxn yäjkpyën ets may yë poop pujxn tkijpxtä'äky ets t'ënëëmë tu'uk ja ja'ay ets t'oytyunëty yë awinax, yë'ëts y'ëwtajtyp ets twinkoxtänë.

Jueces 9:27

Ënät ojts tsyoontë tsatsym tyujkpë ets ja tsatym nyëë tyaj'o'oyëtyë, mëj tnixëëwtuuntyë ets y'uktë myukëtë; kyääytyë pyëjktë ma ja Baal ja tsyajptëjkën ets tpojktë ja Abimélec.

Oseas 10:1

Jëtu'un yë Israel kajpn nyäxy tä tu'uk yë tsatym kyepyën; ko may ja tyëëm tpëjktä'äky, may näjyëtu'un t'oytyuny ja wyintsë'këntyakn; ko ja nyaax kyajpn ijty y'oyë, nän oy ja y'awinax t'oytyuny mëti'ipë kënu'kxy yajnajxypyën.

Deuteronomio 8:18

Ja Wintsën mëti'ipë mTiosajtëpën yë'ë xëmë mja'amyätstëp. Jä'ä ko yë'ë mooyëtëp ja oyajtën mëk'ajtën ets winë xypyaatë xy'ixtëty. Ttuny jëtu'un ja mëti'ipë tyukwinwa'anëyën ja m'ap m'okëty.

Ezequiel 23:41

jam nyäkyëxko'këtë ma ja maapäjnën oypyë tsujpë ets jëjp'ixy ja kääky uuky y'ijnë, jam ma ja kaaytyaknën ojts ja pa'akxu'kpë tpëjkta'aktë ets tyajtooytyë ja on mëti'ipës ënäty ëjts të nyajtuknipëjktaakën.

Daniel 3:1

Yë Nabucodonosor yajkutujkpë, ojts tni'ënä'ämë ets tu'uk yaj'oytyunëtyë yë awinax aakyë'ë yajtuk'oytyunëp yë pu'ts pujxn, jä'ä kyëjxmëty majkmokx xajpk ets tu'kxajpk ja mäjtsk kë'ënux myëjwiinëty ets jam ojts tni'ënä'ämë yajpëjkta'akëty ma ja Durá joyjotmën, mëti'ipë nyitënääpyën yë Babilonyë.

Oseas 13:1

Ko ijty kyäjpxy yë Efraín, yë Israel ja'ayëty je'eyë wyinta'ak nyaaxkowtë; e yë Efraín jää ojts y'o'knë ma ënäty të t'ëwtatyën yë Baal.

1 Crónicas 29:16

Paaty Wintsën mijts mëti'ipë myaj'ëwtajtpën, ëëts ja nTiosëty, mijts ya'atë mjä'ä ets jam të tsyoony ma mijtsën tëkokyë ya'atë wit meeny mëti'ipë të yajnipëjkpetyën ets ja mjëën mtëjk yajtukoja'any; ma ja mxëëw ja oypyë tsujpë yaj'ëwtat yajja'amyätsëtyën.

Job 19:8

Tiosës të xynyë'ë'ëtuky të xytyu'u'ëtuky këtiipës naxëty; tëë tyajkootsë maa ja në'ë tu'ujën.