Oseas 2:10 - Biblia Mixe de Quetzaltepec

¹⁰ Nëjkxëp y'ixyë y'atsoky ye'etyëjk ko ënäty niwa'ats ëxwa'ats nyajwë'ëmyës. Ni pën nëjkx kyamayë tjëwowëty maas nkë'ë jotmën.

Biblia Dc en Mixe de Quetzaltepec

¹⁰ Nëjkxëp y'ixyë y'atsoky ye'etyëjk ko ënety niwa'ats ëxwa'ats nyajwë'ëmyës. Ni pën nëjkx kyamayë tjëwowëty maas nkë'ë jotmën.

Oseas 2:10 ပူးပေါင်းရင်းမြစ်များ

Ezequiel 23:29

Ëxëëk nëjkx mtunyë mëët ja tsyip y'äkë ets nëjkxëp tjä'ä'ajta'atë mëti'ipë ënäty nimëjaaw të xypyäätyën, niwa'ats ëxwa'ats myajwë'ëma'anyë; jëkäm ja mjot mnini'kx yaj'ixa'any mëti'ipë të xykyë'ëyäkyën ko të mkujeny'äty.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Tios myo'ojëtëty ja oyajtën wi'ix nitu'ukjaty pyaat'atyën.

Miqueas 5:8

Ënät jam naaxwiinyëtë itkujky, ja Jacob ja y'u'unk y'ok mëti'ipë ënäty të jyaakwë'ëmtën, nëjkx yajpëjkta'aktë tä tu'uk kaajën ma jëyujkëtyën, tä tu'uk kaajën kupixyny itkujky, ko tu'uk wyinnaxyë jëtu'unyë t'anuk tuknukë ets ka'ap nitu'uk juuky t'ëxmatsy.

Oseas 2:3

Pën je'eyëm tuun'ëtë'ëtsy ëxëëkpë, niwa'ats ëxwa'atsës nyajwë'ëma'any: Jëtu'unës mpëjkta'aka'any niwa'ats ëxwa'ats tä myiinyën naaxwiiny, aanë'ëk tëëtsë'ëkës nyaj'awinpita'any, ets nyajnëëtëëtsë'ooka'anyës.

Jeremias 13:26

Niwa'ats ëxwa'ats nyajwë'ëma'any ets mtsëtyunëty mjaaypyätëty.

Jeremias 13:22

Pën myajtëëpy tii ko jëtu'un mjaty mkëpety, mnijawëp ko yë'ëkyëjxm ko ënäty të mpokytyuny. Paatykyëjxm të myajnijeny të myaj'ixjeny ets ëxëëk të mjaty të mkëpety.

Isaías 3:17

yë'ëjës mëët ntëytyuna'any ja pa'am mëti'ipë yajkutë'kxëpën ets ja wyääy kya'ata'atëty ets niwa'ats ëxwa'ats wyë'ëmtëty.

Proverbios 11:21

Tëyajtën yë'ë ko yë ëxëëk ja'ay ka'ap jëtu'unyë nyinaxa'any, kyumëtowäämpy yë pyoky. Yë wa'ats ja'aytyëjk akujk jotkujk yajpëjkta'aka'antë ëwaatsëtum.

Salmos 50:22

Ja'aykyukëtë yajxon ya'atë, miitsëty jënu'un yë Tios ijxtëkoy ja'atyëkoy xyaj'itën, këtiipë ajotkumonë n'awots ntukwotsëtëty ëkë ëxëëk ntuntëty ma ka'ap pën myajtso'oka'anëtën.

Oseas 6:9

Yë teetytyëjkëty mä'tspë të y'awinpijnëtë, je'eyë t'ix'ijx tpa'ijxnëtë ja'ay; näjyëtu'un yaja'ay o'knëtë në'ë'am tu'u'am mëti'ipë nëjkxpën Siquem.

2 Crónicas 24:7

Jä'ä ko ja Atalía mëti'ipë ja ëxëëkpë myëtëjkëpën mëët ja jyä'äy, yë'ë jap ma Tios yë tyëjkën yajpëtsëëmtaaytyë winë ets tukwintsë'këtyë ja y'awinax.

Ezequiel 16:16

Mëët yë mwit mtujkxy ojts xy'oytyuny yë nyitsajptëjk yë wiink tios jam muum tunkëjxm kopkkëjxm ets jam ja mjot mnini'kx xytyo'ky.

Ezequiel 16:19

Ja tsajpkääky mëti'ipë nmooyën, mëti'ipës mëët n'oytyuunyën ja oypyë tsajpmokway ets ja on ets ja uuxpa'ak mëti'ipë ënäty mëët të n'ixy të nmëyätyën, yë'ë të xytyukwintsë'kë tä tu'uk yë wintsë'kënën mëti'ipë oy xu'kp jojkpën. Ëjts Wintsën, ëjts ënaanp.

Oseas 10:1

Jëtu'un yë Israel kajpn nyäxy tä tu'uk yë tsatym kyepyën; ko may ja tyëëm tpëjktä'äky, may näjyëtu'un t'oytyuny ja wyintsë'këntyakn; ko ja nyaax kyajpn ijty y'oyë, nän oy ja y'awinax t'oytyuny mëti'ipë kënu'kxy yajnajxypyën.

Oseas 13:1

Ko ijty kyäjpxy yë Efraín, yë Israel ja'ayëty je'eyë wyinta'ak nyaaxkowtë; e yë Efraín jää ojts y'o'knë ma ënäty të t'ëwtatyën yë Baal.