Oseas 14:2 - Biblia Mixe de Quetzaltepec

² Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Biblia Dc en Mixe de Quetzaltepec

² Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Oseas 14:2 ပူးပေါင်းရင်းမြစ်များ

Hebreos 13:15

Paaty, tsojk ja Tios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Tios mëët ja aaw ayuk.

Job 7:21

¿Ti këtii mëpaat xypyokymye'kxyësë? ¿Këtii mëpaat xynyime'kxyës maas muum ntëkoyënë? Ëjts wäänës yam njaakjuuky'ata'any, täätsës nwo'tstëwëty, ka'apës maa xy'ëk'ijxnëty.

1 Juan 3:5

Tëë miits xynyijawëtë ko ja Jesukristë, yë'ë të tniminy yaa naaxwiiny ets xyajpokywyatsmëty, yë'ë, ka'ap tii poky tmëëtëty.

1 Pedro 2:5

Näyjyëtu'un miits ja Tios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Tios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Tios y'oyjya'apën.

2 Timoteo 1:9

Tios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

Lucas 18:13

E ja yajkukëpäjtpë, jëkäm jam tyänë, ets ni kya'ijxë'ëky, je'eyë nyäkyätsykyupyë ets y'ënä'äny: Tios Teety, pa'ëyoowkës, pokyjya'ayës ëjts.

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

2 Samuel 24:10

Ok ojts ja David nyäjya'awëy'ityë ko kajtëm jëtu'un y'oy'äjty, ko tëëtëm ënäty tyëkoy ko ja jaaymyujkën tni'ënä'ämëy, ënät ojts ja Wintsën tjamëmaaywyajtsnë, tja'ënëmaaynyë: Mëj këjääjës të ntuuntëkoy koos ja winma'any jëtu'un të npaaty. E tyamtsës npëjktsoy ma mijtsën Wintsën ets xymyä'kxëty ja npokyës, jëtu'unës të n'ëtsë'ëty tä tu'uk yë winma'anytyukën.

2 Samuel 12:13

David ojts tkupëky ja pyoky ijxtëm ënäty ja Natán të y'ënë'ëmxëtyën ets y'ënäny: Ëjts nja'apës ko tëëjës njantypyokytyuny ma Wintsënën. Ets ja Natán y'ëtsoowë: Yë Wintsën ka'ap myijtsëty mtëytyuna'anyë ets ka'ap mtimyaj'ooka'anyë.

1 Pedro 2:9

E miitsëty Tios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Tios jä'äniwanëpën. Ets jëtu'un tkajpxwa'kxtëty ja Tios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Hebreos 10:4

jä'ä ko ka'ap ja tsajpkaa ne'pyny, tsajppax ne'pyny yajpokywyä'ätsy.

Romanos 11:27

Ya'atë käjpxytyu'unën nëjkx tyuny ko ënäty ja pyoky nimä'kxëtës.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Tios wyintsë'kën mëti'ipë ja naaxwiinyëtë ja'ay yajpokywyätsëpën.

Lucas 11:13

Oy miits ëxëëk mjaja'ay'atë, mjajtëp ja m'u'unk xymyo'otëty mëti'ipë oyën, ets wi'ix ja mteety tsajpjotmëpë tkamo'ojëty ja Kënu'kxymyëkajtën mëti'ipë amëtoowëpën.

Mateo 7:11

Oy miits m'ëxëëk ja'ay'atë, mjajtëp ja m'u'unk xymyo'otëty mëti'ipë oyën, ¿ets wi'ixts ja mTeety tsajpjotmëpë tkamo'ojëtëty ja oypyë mëti'ipë m'amëtoowtëpën?

Zacarías 3:4

Ënät ja Tsajpjotmëtë kukäjpxy ojts tni'ënä'ämëy ets ja Josué yajtuknijääntu'utëty ja y'ëxëëkwit. Ets të t'ënëëmë ja Josué, ëk ix tyaapë jëtu'un xyjyä'äkyukëty ko mijts tëë yë mpoky myajtuknipëjktu'uty. Tyam yë'ë myajtukxoxaanp yë wit mëti'ipë mëxëëw'ixëpën.

Isaías 6:7

etsës të xytyuk'akoonë'ëky, täätsës të xy'ënëëmë: Ëk'ix ya'atë jëënpajk të ntuk'akoonë'ëkyën yë'ë mëti'ipë mpoky të tyajwa'atsyën. Tëë yajnime'kxy ja m'ëëwtëko'oyën mkajpxtëko'oyën ets ja ëxëëkpë tsaatsypë tëë ja m'ëxmatsyë.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Salmos 50:14

Wä'än yë Tios yë'ë tyajtukwintsë'ëkë yë kukajpxën ja'awëkyëtakën; kuuytyun mëti'ipë të xytyukwinwanën ja Ni'ik Këjxmëpë.

Salmos 51:16

Jä'ä ko mijts ka'ap xytsyoky yë wintsë'kën no'okpyë, mëti'ipë jeexyë yam mijts nmoopyën, ka'ap jëtu'unpë xytyukjotkëtä'äky.

Salmos 51:17

Yë'ë Tios wyintsë'kën'ajtyp jot ja'awën yu'unkpë naxymyëpë, Mijts Tios, ka'ap xy'ixtijy yë jot ja'awën mëti'ipë näjya'awëyëpën piw nuuk.

Salmos 119:108

Wintsën, tyam mijts nmëjjaw njaantyjyawë mëët yë n'aaw n'ayukës, ets nmo'oy ya'atë tä tu'uk wintsë'kënën, tukni''ijxëkës ja m'ënä'ämën mtëyajtën.

Oseas 6:6

Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Jonás 2:9

E ëjts nyajnaxäämpyës ja kukajpxën ja'awëkyëtakën ma mijtsën ets nmo'ojäämpy yë mwintsë'kën. Mijts tu'ukyë maayëp wi'ix yë ja'ay xyaj'ëwaatsëpëtsëmëtyën.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Jeremias 3:12

Nëjkx tukmëmëtya'ak ya'atë aaw ayuk. Ko xymyëmëtya'akëty, jamtsow mnajts'ixëty anëkëjxmtsow ets xy'ënëëmëty: Jëtu'un yë Wintsën të tniwinpity ja y'aaw y'ayuk: Wimpit mijts Israel mëti'ipë käjpxy kyumëtoownajxpën. Ka'ap ëxëëk ntuna'any ets ka'ap xëmë ntukjoot'anpëka'any, ëjts nmëët'ajtypyës oyjyot oywyinma'any. Ëjts Wintsën, ëjts ënaanp.

Oseas 5:5

Ko yë Israel amëj akëjxm nyäjyawëty ni'ikyë nyäyaj'ëxëëkëkëty; yë Efraín je'eyë nyäyajkëtay nyäyajkëpipyë ko ëxëëk winë tuny tkäjpxy, jëtu'un tä yë'ëjën, yë'ëpaat yë Judá y'anäpëja'any.

Oseas 12:7

Jëtu'un yë Wintsën y'ënä'äny: Yë Canaán ka'ap tii oy tkijpxy, jä'ä ko yë'ë tsyokpy wi'ix yë myëku'uk tsuu'ixëtyën.