Oseas 12:4 - Biblia Mixe de Quetzaltepec

⁴ Tsiptuun mëët yë tsajpjotmëtë kukäjpxy ets myëmëtak; jëëpy yaxp t'amëtooy ets yajpa'ëyowëty. Jam Betel pyatë Tios ets mëët myëtyäky.

Biblia Dc en Mixe de Quetzaltepec

⁴ Tsiptuun mëët yë tsajpjotmëtë kukäjpxy ets myëmëtak; jëëpy yaxp t'amëtooy ets yajpa'ëyowëty. Jam Betel pyatë Dios ets mëët myëtyäky.

Oseas 12:4 ပူးပေါင်းရင်းမြစ်များ

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Génesis 35:15

Ënät ojts txëëwmo'oy ja it naaxwiinyëtë Betel.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Tios, pën mëpaat yaj'ëwaatspëtsëmyë ma ja o'kënën, e ja Tios wa'ats ojts myëtoyë jä'ä ko kyäjpxykyupëky.

1 Tesalonicenses 4:17

ets jënu'un ënäty njaakjuuky'ajtëmën, tu'kmukyë nëjkx nyajmënëjkxëmë pojjoty yootsjoty ets nëjkx mëët nnäpyatëmë ja Wintsën, jëtu'unts xëmëkyëjxm n'ijtmëty mëët Yë'ë.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Salmos 66:6

ojts yë mëjnëë tyajnäywyä'kxyë ets ojts tyajwë'ëmy të'ëtsnaax, ye'epy ojts ja n'ap'ajtëm tuknaxtë ja nëë; paaty tyam tsojk Tios ntukxoontakëmë.

Génesis 48:15

Ënät ojts yë José yajkënu'kxy mëët ya'atë aaw ayuk: Yë Tios mëti'ipë ojts t'ëwtatën tmëmëtowtën yë Abraham ets Isaac, mëti'ipës nteetyajtën, Ja Tios mëti'ipës të xykyënu'kxyën xëmë, koos nmiiny naaxwiiny ets tyampaat.

Génesis 32:29

Ënät ja Jacob ojts näjyëtu'un tyajtëy ja naaxwiinyëtë ja'ay: Mijts ënät tyam tuk'ëwa'anëkës, ¿tii mxëëwajtyp? Tää ja naaxwiinyëtë ja'ay y'ëtsooy: ¿Wi'ixës ko yë nxëëw xyajtëy? Ënät ja naaxwiinyëtë ja'ay jämyë kyënu'kxë.

Génesis 32:24

Ko ja Jacob ojts atu'uk wyi'imy, ënät tu'uk ja ye'etyëjk ja'ay tyëjkëy mëët tsiptuunpë. Jeky ojts tsyiptuntë ijxtë koonëm xyiinyëy.

Génesis 32:26

Ënät ja naaxwiinyëtë ja'ay ojts ja Jacob y'ënë'ëmxëty: Ëxmajtskës, jä'ä ko tää xyiinyënë. Pën ka'apës xymyo'oy yë kënu'kxën, ka'ap yam mijts n'ëxmatsëty, jëtu'un y'ëtsooy ja Jacob.

Génesis 25:26

Ënätnën ojts näjyëtu'un ja y'uty myëxu'unk'aty jap myajts'ityë ma tyeky ixpo'kxën mëët yë kyë'ë. Paaty ojts jëtu'un txëëwmo'otë Jacob. Yë Isaac tëkë'px ënäty yë jyëmëjt, ko ojts yë Rebeca tyajminy naaxwiiny yë y'u'unk myääy nimäjtskpë.

Génesis 32:25

E ko ja naaxwiinyëtë ja'ay t'ijxy ko ka'ap ja Jacob myäyë, ënät ojts wäänë tyajtsëtyut ma pyuuykyopkën. Tä jëtu'un ja Jacob ojts ja tyekpyajk jyäjxma'aty, ma ënäty jam jëtu'un tsyiptuntën.