Oseas 12:2 - Biblia Mixe de Quetzaltepec

² Tëë yë Wintsën tsyipëjktä'äky ma Israel kajpnën. Tyiytyunäämpy yë Jacob mëët ko ëxëëk y'ëti'itsy y'ënä'äny; jëtu'un tukumëtowa'any tä pyäätyë nyitëkëtyën.

Biblia Dc en Mixe de Quetzaltepec

² Tëë yë Wintsën tsyipëjktä'äky ma Israel kajpnën. Tyiytyunäämpy yë Jacob mëët ko ëxëëk y'ëti'itsy y'ënä'äny; jëtu'un tukumëtowa'any tä pyäätyë nyitëkëtyën.

Oseas 12:2 ပူးပေါင်းရင်းမြစ်များ

Miqueas 6:2

Mëtoow'itë miitsëty tun kopk, mëti'ipë ja naaxwiinyëtë tsyëëm'ijtëpën ta'tspëky; yë Wintsën yë'ë pyaye'eyäämpy ja tyuuntëko'oy kyajpxtëko'oyën ja nyaax kyajpn, näy'ojjanëtëp mëët ja Israel kajpn.

Oseas 4:1

Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Gálatas 6:7

Ka'ap mnäwyin'ëënëtëty, ni pën mëpaat ja Tios ja jyä'ä tkatukxikë. Mëti'ipë yajnip yajkojpën, yë'ë yajpëjkmujkp.

Romanos 2:6

ets ja ja'ay tkumëtoowta'atëty tiijaty ënäty të tuntën.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Oseas 4:9

Jëtu'un yë naax kajpn tyëkoy tä teetytyëjkëtyën, ëjts ntukumëtowäämpyës yë tyëko'oyënëty.

Oseas 2:13

Jënaak xëëw jënaak jëmëjt yë poom të tukwintoy të tukwino'oktën yë y'awinaxëty jëtu'un xëëw jëtu'un jëmëjtës näjyëtu'un ntëytyuna'antë, ko ijty tmëjjawë yë y'awinax pyëjktäkpy yë kyë'ëjiits yë nyantsëm ets tpanëjkxy ja y'atsoky ye'etyëjk etsës xy'ijxtëkooy xyjyä'äytyëkooynyës. Ëjts Wintsën, ëjts jëtu'un ënaanpës.

Jeremias 25:31

Koos nkajpxëty, jëtu'un yajmëtowa'any tä ënääwën mëti'ipë naaxwiinyëtë apëtsëmy yajmëtoopën, jä'ä ko yë Wintsën pyaye'eyäämpy ja nëë poky mëti'ipë të tuntën ja naax kajpn, wa'ats tmëkajpxta'aja'any ja naaxwiinyëtë ja'ay ets tyajkutuka'any wä'än t'o'kta'atë ja ëxëëkja'aytyëjk. Yë Wintsën jëtu'un ënaanp.

Isaías 59:18

Yë Wintsën kopkpëky ko ja'ay tukëpäjta'ay wi'ix winë të tuntën; ja myëtsip kopkpëky ko tyajkëjxtaja'any. Mëti'ipë ënäty ëxëëk'ijxëpën ëxëëk tuna'any, oy yë'ëpaatëty ja'ay mëti'ipë nëë awinaxy yajpatëpën.

Isaías 24:21

Jä'ä xëëw nëjkx ja Wintsën tëytyuny ja tsajpkëjxmëpë y'ënä'ämtën, ets ja naaxwiinypë yajkutuktën;

Isaías 10:12

Ko ënäty ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënäty amëj akëjxm të jyuuky'äty.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënäty ja nyëë pyoky kyëjääjëtyën.

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Oseas 7:2

Yë'ë ka'ap tmëmay tmëtajtë ko nja'amyejtsypës yë pyokyëty. Tyam kë'ëm nyätyu'u'ëtukëtë ko winë ëxëëk tuntë ets ko xëmë n'ixyës yë nyëë pyokyëty.

Oseas 9:15

Jëtu'un yë Wintsën y'ënä'äny: Jam Guilgal ëxëëk jam y'ëtëtstë y'ënantë, jam ojts kyëjääjë ka'ap n'ëktsojknëtës. Mëët ko ëxëëk winë të tuntë n'ixkäxäämpyës yam maas njëën ntëjkën; ëjts ka'apës n'ëktsokanëtë, jä'ä ko yë kyopktëjkëty je'eyës të xykyäjpxy kumëtoownaxtë.

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

2 Reyes 17:4

Yë Oseas ojts tëkok tjanikäjpxytyunë yë Salmanasar, je'eyëp ko yë Salmanasar ojts ënätyë tnijawë ko yë Oseas tëë ënäty jyä'äy tyuknikexyë jam So, mëti'ipë yajkutujkpën jap Egiptë; ojts näjyëtu'un tnijawë ko yë Oseas ka'ap ënäty y'ëkkëpäjnë ma ja yajkutujkpën Salmanasar. Ënät ja Salmanasar ojts tyajnitukë ets Oseas yajtsumëty;

Salmos 78:36

E nëkoopë ja tyajmëtowëtë, jä'ä ko aak antaktëp ënäty je'eyë,

Eclesiastés 5:15

Jëtu'un tä myiinyën naaxwiiny, näjyëtu'un wyimpita'any; niwa'ats ëxwa'ats tä myëxu'unk'ajtyën, ka'ap ninu'un tmënëjkxa'any mëti'ipë ënäty të tnitunën.

Isaías 30:6

Ma yaj'akäjpxyën wi'ix jyata'antën ja jëyujkëty jam Négueb: Ma ja it naaxwiinyëtën kutsë'ëkëpë, ma tsyëënëtën ja kaa ets myu'utë nyiitstë, ma tsyëënëtën ja tsa'any ets jëyujk mëjatypë mëti'ipë kääkëtijtëpën, ja krukts ets ja kwaay tyukmëjnëjkxtëp jap Egiptë ja wyit myeenyëty, ma ja kajpnën ka'apë tii tkëjxmëtyën.

Oseas 7:1

koos yë nnaax nkajpn, yë Efraín kajpn ets Samaria kajpn njäyajtso'oka'antë, ënätyë nyëë pyokyëty wyinkëjxm jyëjpkëjxm jyä'ty. Jä'ä ko aak antaktëp; mä'tstëp, tëjktëjkëtyëp ets në'ëjoty tu'ujoty muum ja'ay tmäätstë.

Oseas 7:11

Yë Efraín jëtu'un tä tu'uk yë pakën tëëpë kyumu'ukyën, ka'apë wyijyëtyën: Y'amëtoopy yë näypyutëkë jap Egiptë ets nän y'amëtoopy yë näypyutëkë yë Asiria ja'ayëty.

Oseas 8:9

Mëët ko yë Asiria kajpn të t'amëtowtë yë näypyutëkë ets të jyatë tä tu'uk jëyujk mëj ja'ayën ka'apë y'ëkja'akyujkënën. Yë Efraín tëë tyajkwä'kxy yë näynyamo'ojë ets ja'ay pyutëkëtëty.

Oseas 8:10

E oy tjäyajkwä'kxy yë näynyamo'ojë ma naax kajpnëtyën, ëjts nwojpwä'kxantëpës yam ets ka'ap jyam'ata'any yë yajkutujkpë ets wintsëntëjkëty.