Oseas 10:2 - Biblia Mixe de Quetzaltepec

² Mäjtsk yë Israel yë jyuukyjot të nyäwyä'kxyë, tyam kyëpätäämpy ja nyëë pyoky. Yë Wintsën yajkutëkoyäämpy yë wintsë'këntyakn ets jyijtë'ëkäämpy yë tsaatsetsy mëti'ipë kënu'kxy yajnajxtëpën.

Biblia Dc en Mixe de Quetzaltepec

² Mäjtsk yë Israel yë jyuukyjot të nyäwyä'kxyë, tyam kyëpätäämpy ja nyëë pyoky. Yë Wintsën yajkutëkoyäämpy yë wintsë'këntyakn ets jyijtë'ëkäämpy yë tsaatsetsy mëti'ipë kënu'kxy yajnajxtëpën.

Oseas 10:2 ပူးပေါင်းရင်းမြစ်များ

Miqueas 5:13

Nyajkutëkoyäämpyës yë mnaaxpotsy ets mtsaatsety, këtiipë nijëna'a yë tios tëkatsypë xy'ëk'ëwtajnëty mëti'ipë kë'ëm të xyajkojyën.

1 Reyes 18:21

Tä ja Elías tmëwinkoony ja naax kajpn ets y'ënäny: ¿Jëna'apaat jëtu'un miitsëty ya'atë jëtu'unpë xytyuunk'ata'antë jëtu'un tä jeexyë je'eyë m'ëyë'ëktën mkëyätën ma xy'ixtën mëjpë mutskpë? Tyam yajxon n'ënëëmëtë, pën yë Wintsën yë'ë mëj ets janty mëtëy ko Tyiosëty panëjkxtëkëtë yë'ë, e pën yë Baal yë'ëts mëj oy yë'ë xypyanëjkxtëkëtëty. Ja naax kajpn nitii ayuk tkapaty.

Santiago 4:4

Miitsëty, mëti'ipë ja Tios të y'ëxmatstën, ¿tii këtii xynyijawëtë ko ja Tios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Tios myëtsipëjkpy.

Santiago 1:8

jä'ä ko tyam wiink ja winë tmëmay tmëtajy ets jëpom wiink ënäty myääykyoj tyajkojnë, ka'ap tu'ukyë ja jyot wyinma'any tyaj'ity.

Sofonías 1:5

Nyajkutëkoyäämpyës pënjaty jap tëjkkëjxy päjtëpën mëti'ipë y'ëwtajtëpën yë mëtsa'a, mëti'ipë näkyoxtënaaytyakëtëpën ets tkajpxpaatë yë nxëëwës, näjyëtu'un tkajpxpaatë yë tios Milcom yë xyëëw.

Lucas 16:13

Ka'ap tjëkyepy tu'uk ja tuunpë tmëtunëty nimäjtsk ja wintsën; jä'ä ko wä'än jëtää tu'uk oy tmëtunëty ets tu'uk ka'ap oy tmëtunëty; ja mëti'ipë ka'ap oy tmëtunyën jä'ä y'ëxëëk'ixëp e ja mëti'ipë oy myëtuumpyën jä'ä y'oyjyawëp. Paaty näjyëtu'un ka'ap tjëkyepy yajmëtunëty ja Tios ets näjyëtu'un yajmëtuunpëty ja wit meeny.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Tios xymyëtuntëty ets näjyëtu'un mkumeeny'atantëpëty.

Zacarías 13:2

Nyajkutëkoyäämpyës tëkokyë yë awinax mëti'ipë yajpatëpën ma naax kajpnën, këtiipë pën t'ëwtatëty. Njëpëkäämpyës näjyëtu'un yë käjpxynyajxpëtëjk ets ëxëëk poj. Ëjts Wintsën, ëjts ënaanp,

Oseas 13:16

Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënäty u'unk mëëtëtyën nëjkxëp yë jyot y'ëwatsta'atë.

Oseas 7:8

Tëë yë Efraín nyäxyëpinyë mëët wiinkëtypë naax kajpn. Jëtu'un yë Efraín tä tu'uk yë tsajpkääkyën tu'kpa'apë je'eyë kyë'ëwëtyën.

Jeremias 43:13

Yajkutëkooytya'ajäämpy ja xeny kënu'kxypyë tmëët'atën jap Egiptë ets nyino'kta'ajäämpy tëkokyë yë tsajptëjk ma ja Egiptë ja'ay yë y'awinax t'ëwtatën.

Isaías 44:18

Tääpë ja'ayëty ka'ap tnijawëtë, ka'ap tja'akyukëtë; wiints yajpaatë, ka'ap tii t'ixtë, ninu'un kyamay kyatajtë paaty ka'ap jyä'äkyukëtë.

1 Samuel 5:4

E ko kyomjëpom'ajty näjyëtu'un ojts jatëkok tpatkojnëtëpë ja Dagón naaxkëjxy jyëpijpnë, jam kaaxë winkon mëti'ipë ja Wintsën jyä'ä'ajtypyën ets t'ijxtë ko tëëtëm ja kyëpajk nyëka'ay ets mäjtsk ja kyë'ë jam ëpëky jyëpijpnë naaxkëjxy. Yi'iyë ojts ëmuum jyaak wë'ëmy ja kepy'apujxtuky.

1 Juan 2:15

Këtii xy'atsoktëty ja naaxwiinyëtë juukyajtën ets mëti'ipë jää yajpatpën naaxwiiny. Pën ja naaxwiinyëtë y'atsojkpy, ka'ap ja Tios Teety ja tsyojkën tmëëtëty,

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

Oseas 12:11

Jam Galaad tam wiink tios jyätyë, je'eyëp ko yë'ë mëti'ipë ka'ap myëtëyëtyën. Jam Guilgal yë'ë jam wintsë'kën'ajtp yë tsajpkaa; ets yë'ë jam wintsë'këntyakn'ajtp yë tsaanipiy ma të t'awitstën yë kam tu'u.

Éxodo 23:24

Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

Levitico 26:30

Nëjkxëpës nyajkutëkooytyä'äy ja nyitsajptëjk ja mtiosëty ets mäjtskpëkyës nëjkx nyajwa'kxë ja nyipotsy ma ja wintsë'kën yajyäkyën ma xywyinno'ok xywyinxamtën mëët ja poom, yajxon nëjkx nijëtujtpetyës ja may o'kpë, ko ënäty të m'o'kta'atë, ma ja mwiinktiosëtyën. Ets jëtu'un nëjkx nyaj'ixyës mëët ko ënäty miitsëty ninu'un nka'ëktimmyä'kxënëtë.

Proverbios 11:18

Yë ëxëëk ja'ay ko nyätyijyë yajmëjuy, je'eyë yajtukwin'ëëny yë myëju'uny; yë ja'ay mëti'ipë winë oy tyuunpyën, kä'pxy t'ëxajë myëju'uny.

Ezequiel 14:5

Ëjts ntuktëkëjäämpy yë jyot wyinma'any yë Israel ja'ayëty mëti'ipës të xy'ëxmatstën ko të tpanëjkxtëkëtë ka'apë tyiosëtyën.