Oseas 1:4 - Biblia Mixe de Quetzaltepec

⁴ Ënät yë Wintsën t'ënëmaay yë Oseas: Jezreel xytyijëty yë mmaank, jä'ä ko tyimpatyp ja xëëw po'o maas ntëytyuna'anyën yë Jehú yajkutujkpë yë y'u'unk y'ok mëët ko may të yaja'ay'ooky jam Jezreel, etsës nyaj'ätëkoyä'äny yë kutujktakn jam Israel.

Biblia Dc en Mixe de Quetzaltepec

⁴ Ënet yë Wintsën t'ënëmaay yë Oseas: Jezreel xytyijëty yë mmaank, jä'ä ko tyimpatyp ja xëëw po'o maas ntëytyuna'anyën yë Jehú yajkutujkpë yë y'u'unk y'ok mëët ko may të yaja'ay'ooky jam Jezreel, etsës nyaj'ätëkoyä'äny yë kutujktakn jam Israel.

Oseas 1:4 ပူးပေါင်းရင်းမြစ်များ

2 Reyes 10:1

Jä'ä ënäty yë Ahab yë y'u'unk jam Samaria yajpaaty nitëkë'px majk, ënät yë Jehú ojts yë noky kanaak tkäjxwä'kxy jam kajpntum, ma ja kutuunktëjkëtyën, mëj ja'atyëkëtyën ets ma ja ja'ayëtyën mëti'ipë ja Ahab ja y'ëna'k jam myëët'ajtëtëpën, jëtu'un t'ënëmaay:

2 Reyes 10:17

Ko jam tyëjkëtyë kajpnjotm, jam Samaria, wa'ats ja Jehú tyaj'o'ktaay ja Ahab ja y'u'unk y'ok mëti'ipë ënäty juuky të jyaakwë'ëmtën. Ojts tyajkëjxta'ay jëtu'un tä ënäty ja Wintsën të t'akäjpxyën mëët ja Elías.

2 Reyes 15:29

Ma ënäty ja Peka yajkutukyën jam Israel, ënäty jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënäty jam tsënaaytyëpën aakjam ojts tsumy matsy nyëjkxta'atë Asiria.

2 Reyes 15:8

Ma ënäty y'i'px majkmokx tëkëëk jëmëjtpetyën ja kyutujkën yë Azarías jam Judá, jää ojts yë Zacarías, yë Jeroboam yë myaank tyëkë yajkutujkpë jam Israel ets jä'ä ojts jam y'ëne'emy Samaria tëtujk po'o.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Isaías 8:3

Kom ok ojts ja nto'oxytyëjkës nmëët'atyës, mëti'ipë käjpxynyajxpë'ajtpën ets ojts u'unk mëët wyi'imy, jëtu'un tyajmëxu'unk'ajty tu'uk yë ye'etyëjk. Tääts ja Wintsën xy'ënëmaayës: Jä'ä xyajxëëwpätëty Maher-salal-hasbaz.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Jeremias 20:3

Ënät jatëkok ni'ënä'ämëy ets ja Jeremías yaj'ëxmatsëty ets yajtukyo'käjtu'utëty ja kepy ma ënäty matsy të tyaj'itën. Ënät ja Jeremías y'ënëmaayë: Tëë yë Wintsën yë mxëëw myajtëkajtsxëty ma ijty mxëëwatyën Pashur, jä'ä myajtijanë Magor-misabib.

Jeremias 23:2

Yë Wintsën mëti'ipë yë Israel ja'ayëty Tyios'ajtëpën, jëtu'un t'ënëëmë yë kupixyny këwent'ajtpë mëti'ipë y'ënä'ämtëpën ja nyaax kyajpn: Miitsëty jëtu'unës yë nnaax nkajpn të xytyuunëtë tä ja'ay ni'ikyë twojpwä'kxyën yë kupixyny ets ni'ikyë të tyajke'eky, ka'ap të tkëwent'aty. E kajts wyi'ixëty ëjts ntukumëtowäämpyës yam ja tyëko'oyënëty. Ëjts Wintsën, ëjts ënaanp.

Jeremias 3:8

ets y'ijx näjyëtu'un koos ojts n'ëxmatsy yë Israel kajpn mëti'ipë käjpxy kyumëtoownajxpën, jëtu'un tä tu'uk yë to'oxytyëjk yaj'ëxmatsyën mëti'ipë ka'ap twintsë'ëkën yë nyiye'etyëjk. E yë Judá, mëti'ipë jëtu'un tä jeexyë yë Israel tsë'ë'atyën, nän timjëtu'un ojts y'ëtëtstä'äky.

Ezequiel 23:10

Yë Asiria ja'ayëty ojts tukxi'iktë ets tpëjkëtyääytyë ja y'u'unk y'ëna'k ye'etyëjkpë to'oxytyëjkpë ets ja to'oxytyëjk tkupujxtë, tukyajku'o'këtyë ko ënäty ja nëë poky të tuuntëkoy. Ja nyëë pyoky akäjpxy ojts y'ity ma ja to'oxytyëjktëjkëtyën.

Ezequiel 23:31

Jä'ä të xypyanëjkxy ja në'ë tu'u mëti'ipë ja mtsë'ë të tpanëjkxyën; paaty näjyëtu'un mijts ntëytyuna'any tä ja mtsë'ë të ntëytyunyënës.

Oseas 1:6

Ojts yë Gómer jatëkok wyi'imy u'unk mëët ets ojts tyajmëxu'unk'aty tu'uk yë y'u'unk to'oxytyëjkpë. Tä ja Tios t'ënëmaay yë Oseas: Lo-ruhamá xytyijëty yë mnëëx, jä'ä koos ka'apës yë Israel kyutujkëntakn nëk pa'ëyowanë ets ka'apës n'ëkmä'kxanë.

Oseas 1:9

Ënät ja Wintsën ojts tmëkäjpxy ja Oseas ets t'ënëmaay: Llamá Lo-ami xytyijëty yë mmaank, jä'ä ko miitsëty ka'ap n'ëkkajpn'ajtnëtë, etsës ka'apës ëjts miits xy'ëk'ëwtajnëtë.

Oseas 2:13

Jënaak xëëw jënaak jëmëjt yë poom të tukwintoy të tukwino'oktën yë y'awinaxëty jëtu'un xëëw jëtu'un jëmëjtës näjyëtu'un ntëytyuna'antë, ko ijty tmëjjawë yë y'awinax pyëjktäkpy yë kyë'ëjiits yë nyantsëm ets tpanëjkxy ja y'atsoky ye'etyëjk etsës xy'ijxtëkooy xyjyä'äytyëkooynyës. Ëjts Wintsën, ëjts jëtu'un ënaanpës.

Oseas 2:22

Yë naaxwiinyëtë nëjkxëp t'ëtsoowinpity yë tsajpmok, yë tsatym nyëë ets olivë on ets yë'ëjëty nëjkxëp yë Jezreel t'ëtsoowinpitë.

Oseas 9:17

Ya'atë naax kajpn ka'ap yë Tios ninu'un tmëj'ixy; paatykyëjxm yë nTiosës y'ëxmatsa'anëtë ets jëtu'unyë kyuye'ey kyunaxëtëty maajaty ja naax kajpnën.

Amós 9:8

Yë Wintsën y'ijxyp ko yë'ë yaa y'ëne'emy yë nëë poky, paaty y'ënä'äny: Nyajkutëkoyäämpyës yë naaxwiinyëtë, je'eyëp ko yë Jacob yë y'u'unk y'ok ka'apës nyajkutëkooytya'aja'any. Ëjts Wintsën, ëjts ënaanp.

Mateo 1:21

Ye'eytyëjk y'ita'any. Jä'ä xytyukxëëwatëty Jesús, jä'ä ko ja jyä'äy tyajpokynyiwa'atsa'any.

Lucas 1:13

Tääts ja tsajpjotmëtë kukäjpxy y'ënëmaayë: Zacarías, këtii mtsë'ëkë, tëë ja Tios tmëtoy ko xyjyä'äymyetsy, pyatäämpy ja mto'oxytyëjk Isabel tu'uk ja y'u'unk mëti'ipë mtukxëëwatëpën Juan.

Lucas 1:31

U'unk mëët mwë'ëma'any, mpaatäämpy tu'uk ja maank mëti'ipë mtukxëëwatëpën Jesús.

Lucas 1:63

Tääts ja u'unkteety t'amëtooy tu'uk ja pu'uy tsyetsy. Jam tkëxjaay: Juan xyëëwatëp. Ni'ëmukë ja ja'ay mëjmëtoy tmëtoowtë.

Juan 1:42

Tääts ja Andrés ojts twoownëjkxy ja Simón ma ja Jesús. Ko Jesús y'ijxë ënät y'ënëmaayë: Mijts mSimonk'ajtpë, Juan y'u'unk. Cefas tyam mxëëwajtnëty, mëti'ipë griego ayuk niwijpën Pedro.

Josue 19:18

Ojts tjä'ä'atë ja naax kajpn mëti'ipë xyëëwajtëpën Jezreel, Quesulot, Sunem,