Oseas 1:2 - Biblia Mixe de Quetzaltepec

² Jëtu'un tsyo'ontä'äky ja Wintsën ja y'aaw y'ayuk mëti'ipë nyikajpxën ma Oseas: Jëtu'un yë Israel kajpn të y'ëti'itsy tä tu'uk yë to'oxytyëjkën mëti'ipë tyo'kpy yäjkpyën yë jyot nyini'kx mëët koos të xypyuwa'ktu'uty. Mijts näjyëtu'un ënät xytyunëty, yë'ë mpëkëp tu'uk yë to'oxytyëjk mëti'ipë jyot nyini'kx tyo'kpyën ets mëët yë m'u'unk m'ëna'k xymyëët'atëty; jëtu'un'äämpy yajtijtëty ko yë'ë tyaak'ajtëp tu'uk yë to'oxytyëjk mëti'ipë jyot nyini'kx tyo'kpyën.

Biblia Dc en Mixe de Quetzaltepec

² Jëtu'un tsyo'ontä'äky ja Wintsën ja y'aaw y'ayuk mëti'ipë nyikajpxën ma Oseas: Jëtu'un yë Israel kajpn të y'ëti'itsy tä tu'uk yë to'oxytyëjkën mëti'ipë tyo'kpy yäjkpyën yë jyot nyini'kx mëët koos të xypyuwa'ktu'uty. Mijts näjyëtu'un ënät xytyunëty, yë'ë mpëkëp tu'uk yë to'oxytyëjk mëti'ipë jyot nyini'kx tyo'kpyën ets mëët yë m'u'unk m'ëna'k xymyëët'atëty; jëtu'un'äämpy yajtijtëty ko yë'ë tyaak'ajtëp tu'uk yë to'oxytyëjk mëti'ipë jyot nyini'kx tyo'kpyën.

Oseas 1:2 ပူးပေါင်းရင်းမြစ်များ

Oseas 3:1

Ënät yë Wintsën jatëkok xy'ënëmaayës: Nëjkx mëët'at tu'uk yë to'oxytyëjk mëti'ipë mëët tsyëënën yë naaxwiinyëtë ja'ay oypyë mëët nyämyäyën ets mëti'ipë tyo'kpy yäjkpyën yë jyot nyini'kx. Jëtu'un yë Wintsën tsoky tjawë yë Israel ja'ayëty ko wiink tios të tpanëjkxtëkëtë.

Deuteronomio 31:16

Ënät yë Wintsën t'ënëmaay yë Moisés: Wäänë y'itëty tääts m'o'knëty. E ya'atë naax kajpn ënätyë yë jyot wyinma'any tyajtëkoya'antë ets wiink wintsën ënätyë pyanëjkxantëp pën jëtu'unyë y'itë, ko ja Wintsën t'ëwtatëty mëti'ipë jam yajpatëpën ma ja naax kajpnën, mëti'ipë nyiwa'akantëpën. Ëjts nëjkxëpës xyjyä'äytyëkooynyëtë ets ja käjpxytyu'unën ka'ap nëjkx t'ëktuunëtë këwentë.

Jeremias 3:9

Nijënu'un tsip të tkajawë tyuuntëkoy ets ja naax kajpn të tyajnipäxëtëjkëtyä'äy. Të tyajtëkoy ja wintsë'kën ma ëjtsën ko të t'ëwtajnë ja tsaa ets kepy.

Salmos 106:39

Yë'ëjëty ojts nyäyaj'ëxëëkëtë, mëët ja y'ëxëëktu'un y'ëxëëk kajpxën.

Apocalipsis 17:5

Jam wyinpokëjxm, jam kyëxja'ayëty ja aaw ayuk ka'apë oy yajja'akyukën. Jëtu'un jam kyëxja'ayëty: Mëj Babilonyë, mëti'ipë nyikopk'ajtypyën ja ku'into'oxy, ja pokytyuunk ets ja ëxëëk winma'any.

2 Pedro 2:14

Yi'iyë y'ijxtëp tyuuntëp wi'ix ja to'oxytyëjk t'ëkmëpokytyuntën, ka'ap ja pokytyu'unën tsyipëtë. Jëtu'un twin'ëën twinxajtë mëti'ipë ka'anëm ja myëpëjkën oy tmëët'atynyëm; je'eyë tii tjanty atsoktë; ëxëëk ja'ay yë'ëjëty.

Ezequiel 6:9

Ja ja'ay mëti'ipë ënäty juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënäty të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënäty të tuuntëkoy të tkajpxtëkoytyën ets mëti'ipë ënäty tëkatsy të tmëmay të tmëtajtën.

Oseas 5:3

Ëjts n'ixy'äjtypyës ets nija'apës yë Efraín. Yë Efraín jëtu'un ka'ap yë Tios të twintsë'ëkë tä tu'uk yë to'oxytyëjkën ka'apë twintsë'ëkën yë nyiye'etyëjk; Yë Israel tëë nyäyaj'ëxëëktëkëty.

Marcos 1:1

Jëtu'un tsyo'ontä'äky ja oy aaw oy ayuk ma yajnimëtyä'äkyën ja Jesukristë, Tios U'unk.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënäty ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Salmos 73:27

Mëti'ipë mijts mëjëkämkäkëpën, kopkpëky ko nëjkx y'ooktë; myajkutëkoyäämpy yë ja'ay mëti'ipë ka'ap oy mmëmëtoyën.

2 Crónicas 21:13

ni'ikyë winë aakjëtu'un xytyuunë tä ja yajkutujkpë y'ijtën mëti'ipë jam ënä'ämtën Israel; tyam mijts ja poky mtuka'ajëp ko ja Jerusalén ja'ayëty aak je'eyë ja nëë poky tuunëtë tkajpxnëtë jëtu'un tä ja Ahab ja jyä'äy y'ëtëtstën. Mijts ni'ikyë ja mmëku'uk mmëkä'äx të xyaj'o'knë mëti'ipë oy të jyuuky'atën ets mijts ëxëëk ja winma'any të xyajpëtsëmy.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Jeremias 2:23

¿Wi'ix m'ëna'ana'any: Ëjts ka'apës tii poky nmëëtëty ets ka'apës wiink tios të npanëjkxyë? Mëmay mëtaj wi'ix ojts m'ëtë'ëtsy m'ëna'anyën jam joyjyotm; ja'amyäjtsta'a tiijaty të xytyunyën ko ojts mnäypyëjktä'äkyë tä jëyujk jëku'ux to'oxyën mëti'ipë xii yaa pëyë'knajx pëyë'ktëjkëpën;

Oseas 2:7

Yë'ë pyanëjkxäämpy yë y'atsoky ye'etyëjk, je'eyëp ko ka'ap tnajtspaatëja'any; y'ixta'ajäämpy, je'eyëp ko ka'ap tpaata'any. Tä y'ëna'ana'any: Yë'ëjës jatëkok ninëjkxäämpy mëti'ipës tëëyëp mëët mpëjky n'ukyën, jä'ä ko nikë oyës ijty mëët njuuky'äty këtiinëm yë tyampë.