Números 9:8 - Biblia Mixe de Quetzaltepec

⁸ Ënät ja Moisés y'ëtsoowëtë: M'ëwxitëp ënät. Tyamës yë Tios n'ëkyajtëwëty wi'ix y'ëtsoy ets miits ntuk'ëwaanëtëty.

Números 9:8 ပူးပေါင်းရင်းမြစ်များ

Salmos 85:8

Nmëtoow'itäämpyës yam wi'ix yë Tios y'ënä'änyën; jä'ä ko yë'ë nyikajpxäämpy wi'ix mëpaat yë nyaax kyajpn jotkujk y'ityën, ets ja'ayëty mëti'ipë oy mëtuunëpën, këtiipë t'ëktuunëtëty ka'apë tyuunëtyën.

Números 27:5

Ya'atë jotmay ojts yë Moisés tuk'ëwaanë yë Wintsën,

1 Corintios 11:23

Näy Wintsënës yë ijxpëjkën të xymyo'oy mëti'ipë miits të nmo'otën. Jä'ä koots ma ja Wintsën ënäty yajkë'ëyaka'anyën, jää tkoonë'ky tu'uk ja tsajpkääky.

1 Corintios 4:4

koos kë'ëm n'ëna'any ko ka'apës tii poky nmëëtëty, ka'ap yë'ëkyëjxmëty koos ka'ap tii ntuuntëkoy. Yë Wintsën yë'ëjës xypyaye'eyaanp.

Hechos 20:27

jä'ä ko tëë xëmë ntuk'ëwaanëtë mëti'ipë ja Tios tsyojkpyën, ka'apës tii të nkuyu'utsy.

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Juan 7:17

Pën jää pën tuna'any mëti'ipë Tios tsyojkpyën, nyijawëp pën jamës ja n'ijxpëjkën tsyoony ma Tiosën, ëkë pën nkë'ëmwinma'anyës nkäjpxyp.

Ezequiel 3:17

Mijts, ye'etyëjk, të mpëjktä'äky ijx'ijtpë këwent'ajtpë ma Israel kajpnën. Ko ntukmëtowëty ja aaw ayuk, mkajpxnaxëp ets mnimëtya'akëp ma yë'ëjëtyën ets nijawëtëty wi'ixës ënäty n'ëna'anyën.

Ezequiel 2:7

Mijts kajpxnax yë n'ayukës, oy tmëpëk tkamëpëktëty, jä'ä ko yë'ëjëty je'eyë kyäjpxykyumëtoownaxtë.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

2 Crónicas 20:17

Ma ya'atë tsip tyuna'anyën ka'ap myiitsëty mtsiptuna'antë. Miitsëty je'eyëp ko mnëjkxtë ets jam mna'ix mnawoontëty, je'eyëp ko ënät xy'ixtëty wi'ix ja Wintsën tuna'anyën ya'atë kajpn ets wi'ix myajtso'oka'anëtën. Miitsëty Jerusalén ja'ayëty ets miitsëty Judá ja'ayëty, këtii ninu'un mtsë'ëkëtëty; nëjkxtë jopy wiinkuwa'akëtë tääpë mëtsip, yë Wintsën yë'ë mëët myajpaata'antë.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Tios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Éxodo 18:15

Tä ja Moisés y'ëtsooy: Jä'ä ko yë naax kajpn ëjts xynyimiinp ko tii tnijawëja'antë ma Tiosën.

Números 9:7

ets t'ënëmaaytyë: Tëës ntontë yë o'kpë, paaty ëxëëk nyajpaatës. E yë'ë ëëts nyajtëwantëp: ¿Tii këtii ënät tjëkyäpëty nyaktëtyës ja n'ayajk n'ako'onën ma Wintsën yajnixëëwtunyën tä ja wiinkëtypë ja Israel ja'ayëtyënë?

Números 9:9

Ënät ja Tios ojts tmëkäjpxy ja Moisés ets t'ënëmaay: Jëtu'un xy'ënëëmëty yë Israel ja'ayëty:

Números 15:34

Tääts ojts tpëjkë'ëktë ets këwent'aty tyaj'itë, jä'ä ko ka'ap ënäty tnijawëtë tii mëpaat tuntë mëët tääpë ja'ay.

Levitico 24:12

Kwent'aty tyaj'ijtë koonëm ojts tnijawëtë jam ma Tiosën, tii jëtu'un mëpaat tuntë.