Números 9:6 - Biblia Mixe de Quetzaltepec

⁶ E tam ënäty ja ja'ayëty mëti'ipë ëxëëkëtyën, mëët ko të tontë ja o'kpë ka'ap tjëkyejpy tuntëty ja ëmaayxyëëw; ënät ojts tninëjkxtë ja Moisés ets ja Aarón jä'ä xëëw,

Números 9:6 ပူးပေါင်းရင်းမြစ်များ

Números 27:2

Ya'atë nimëkoxkpë to'oxy'ëna'këty, ojts tninëjkxtë yë Moisés, yë teety Eleazar ets mëjja'aytyëjkëty jam ma ja wit tëjkën ma ja näpyaatë y'ityën mëët yë Tios ets t'ënëmaaytyë:

Éxodo 18:15

Tä ja Moisés y'ëtsooy: Jä'ä ko yë naax kajpn ëjts xynyimiinp ko tii tnijawëja'antë ma Tiosën.

Números 19:16

Ko muum yajpaatëty yë o'kpë, mëti'ipë ja'ay të yaj'ookyën, ëkë pa'am, ëkë oy yë'ëjëty yë o'kpëpajk, ëkë o'kpë jut; ko pën tonëty ëxëëk wyë'ëmëty ets wëxtujk xëëw y'itëty.

Números 19:11

Pën tyoompy yë o'kpë, ëxëëk nëjkx wyi'imy wëxtujk xëëw.

Números 5:2

Ënëëmë yë Israel ja'ayëty ets tyajpëtsëmtëty yë ja'ayëty mëti'ipë ëxëëk yajpatëpën ma ja nyaax kyajpnëtyën. Tä ja'ayëtyën mëti'ipë pu'uts pa'am pëjkëtëpën, mëti'ipë myëjaaw tukjënajkëtëpën ma ye'etyëjk'ajtënëtyën, mëti'ipë të tontën muum yë o'kpë ets jëtu'un ëxëëk wyë'ëmtë.

Juan 18:28

Ënät ja Jesús tmëtso'ontë ma ja Caifás ja tyëjkën ets ojts tmënëjkxtë ma ja këmoontëjkën, ma y'ëne'emyën ja romanë yajkutujkpë, xëënyënëp ënätynyë. Ka'ap ja jutiis ja'ayëty ojts tyëkëtë këmoontëkoty, jä'ä ko ka'ap wya'atsëty ja këmoontëjk. Yë'ëjëty jëtu'un ja mëpëjkën tmëët'atë ko tyëkëtëty muum ma ka'ap wya'atsëtyën tsojk y'ëxëëkëtëty ets ka'ap tjëkyäpëty wi'ix y'a'ux'atëtyën ma ja ëmaayxyëëwën.

Números 19:18

Ënät tu'uk yë ja'ay mëti'ipë wa'ats yajpatpën Wintsën wintum. Tpëjkë'ëkëty tu'uk yë hisopo ujts ets tukpapëkëty yë nëë, tääts tuknixijkxëty ja wit tëjk ets ja apëjk atu'unën, tä yë tsim texyën, nëëtu'ts nëëtsiiyën. Ets näjyëtu'un ja ja'ayëty mëti'ipë ënäty jap të yajpaatën, mëti'ipë ja o'kpë të tonyën, wä'än tyë'ëjëty ja o'kpë mëti'ipë pa'am të yaj'ookyën ëkë ja'ay të yaj'ookyën.

Éxodo 18:26

Yë'ë ijty winë pyaye'eytyëp oy tyimjëna'ajëty ma ja naax kajpnën. E ja amay jotmay mëti'ipë mëj këjääjën yë'ë tyukninëjkxtëp ja Moisés; e ja mëti'ipë nawäänën yë'ë kë'ëm yaj'o'oyëtëp.

Éxodo 18:19

Paaty mëtoow'it yajxon wi'ix yam ja ëëwijën kajpxwijën nmo'oja'anyën ets Tios yë'ë mputëkëtëp. Mijts yë'ë mpatëp ets xykyutänëty yë naax kajpn ma Tiosën, jëtu'un ijxtëm jeexyë yë'ë kë'ëm tyimmintën Tios wyintuuy. E mijts yë'ë mpatëp ets ja Tios xytyuk'ëwaanëty mëti'ipë yë'ëj jyotmay'ajtëpën.

Números 27:5

Ya'atë jotmay ojts yë Moisés tuk'ëwaanë yë Wintsën,

Números 15:33

Ënät ojts twoownëjkxtë ma ja Aaronkën, Moisésën ets ma ja Israel ja'ayëtyën.

Levitico 21:11

Näyjyëtu'un yë'ë ka'ap mëpaat tyëkë ma ja o'kpë yajpaatyën, oy ënäty yë'ë të jyatimy'o'kpë yë tyaak ëkë tyeety, ka'ap mëpaat jëtu'un ja ëxëëkpë nyätyukpaatyë.

Números 9:7

ets t'ënëmaaytyë: Tëës ntontë yë o'kpë, paaty ëxëëk nyajpaatës. E yë'ë ëëts nyajtëwantëp: ¿Tii këtii ënät tjëkyäpëty nyaktëtyës ja n'ayajk n'ako'onën ma Wintsën yajnixëëwtunyën tä ja wiinkëtypë ja Israel ja'ayëtyënë?

Números 19:14

Ko pën y'ookëty ma tu'uk yë wit tëjkën, tyaa myiny yë ënä'ämën tii mëpaat yajtunyën: tëkokyë yë ja'ayëty, mëti'ipë ënäty jap yajpatëpën ma ja wit tëjkën ets näjyëtu'un pën jap tëjkëpën, ëxëëk nëjkx wyë'ëmta'atë jam Tios wintum, wëxtujk xëëw ëxëëk yajpaatëty.