Números 9:5 - Biblia Mixe de Quetzaltepec

⁵ Yë'ëjëty ojts jëtu'un tjanty xyëëwtuntë ja ëmaayxyëëw ma ja po'o myajkmajkts'anyën jënäkxyëëw, jam wintë'ëtstum ma txëëwatyën ja kopk Sinaí. Jëtu'un ojts mëtëy tuntë tä ënäty ja Moisés ja Tios të tyuk'ëne'emyën.

Números 9:5 ပူးပေါင်းရင်းမြစ်များ

Génesis 6:22

Ënät yë Noé ojts jëtu'un tkuuytyuunta'ay ijxtëm ënäty yë Tios të y'ënë'ëmxëtyën.

Génesis 7:5

Yë Noé ojts jëtu'un tjantytyuny, ijxtëm ënäty ja Tios të tyuk'ëne'emyën.

Éxodo 12:50

Yë Israel ja'ayëty ojts jëtu'un tuntë tä ënäty ja Moisés ets ja Aarón të y'ënä'ämëtën ja Wintsën.

Éxodo 39:32

Ja wit tëjk ma y'ityën ja näpyaatë mëët yë Tios, ojts ja kyojta'ay ets y'apatëtyääy. Ja Israel ja'ayëty jëtu'un ojts t'oytyuntë tä ojts ja Tios tuk'ëne'emyën ja Moisés,

Éxodo 39:42

Yë Israel ja'ayëty jëtu'un ojts kä'pxy t'oytyuunta'atë tä ënäty ja Tios të tuk'ëne'emyën ja Moisés.

Números 1:54

Yë Israel ja'ayëty jëtu'un ojts winë tuntë, tä ja Tios ënäty të tuk'ëne'emyën ja Moisés.

Números 29:40

Yë Moisés ojts tuk'ëwa'anëtyä'äy ya'atë aaw ayuk tëkokyë yë Israel ja'ayëty, mëti'ipë ënäty ja Wintsën të tyuk'ëne'emyën.

Números 8:20

Moisés, Aarón ets tëkokyë yë Israel ja'ayëty ojts jëtu'un tpatuntë ja Tios ja y'ënä'ämën, mëti'ipë ënäty të tmo'oyën ja Moisés ma ja Leví ja'ayëty yajnimëtya'aktën.

Números 9:4

Paaty ojts ja Moisés tni'ënä'ämë ets ja Israel ja'ayëty tuntëty ja ëmaayxyëëw.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Hechos 26:19

Mijts, yajkutujkpë Agripa, koos ja Jesús ojts jëtu'un xymyëkäjpxy tsajpjotm, ojtsës jëtu'un npatuny.

Deuteronomio 1:3

Ma tyu'uk'anyën ja majktu'uk po'opë, kom wëxtyikxy jyëmëjt ma ënäty ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënäty tsyëënën Hesbón ets ma ënäty näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënät ja Moisés tuk'ëwa'anëy ja naax kajpn, jëtu'un tä ënäty ja Tios të y'ënë'ëmxëtën ets tmooy ja aaw ayuk mëti'ipë mëpaat tpatuntën.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Hebreos 11:8

Mëët ko myëpëjky ja Abraham paaty ojts ja Tios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Tios ënäty ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënäty nyijkx.

Hebreos 3:5

Jëtu'unts ja Moisés y'ijty ijxtëm tu'uk ja tuunpën ma tu'uk ja tëjkën, oy tyuuny ma ja Tios ja kyajpnën ets ojts tnikäjpxy mëti'ipë ja Tios ënäty kyajpxäämpyën.

Josue 5:10

Yë Israel ja'ayëty jam ojts tsyënaaytyaknpëktë Guilgal, e ko myajkmajkts'aany ja po'o jää ojts tnixëëwtuntë ja ëmaayxyëëw, ma ja mëj joyën mëti'ipë Jericó kajpn jyä'ä'ajtypyën.