Números 9:22 - Biblia Mixe de Quetzaltepec

²² Pën ja yoots ijtp jam tëjknëkëjxm ma ja Tios ja wyittëjkën kanaak xëëw, tu'kpo'o, ëkë tu'kjëmëjt, ja Israel ja'ayëty jëtu'un tna'itë ets ka'ap maa nyëjkxtë. E ko ja yoots jam pyëti'iky, ënätyë ijty tsyo'onta'atë.

Números 9:22 ပူးပေါင်းရင်းမြစ်များ

Salmos 107:7

ets ojts yajnëjkxëtë ma ja naax kajpnën ma jotkujk jyuuky'atëtyën.

Salmos 143:10

Tukni''ijxëkës wi'ixës mëpaat ntunyën mëti'ipë mijts myajkutujkpyën, jä'ä ko mijts nTios'ajtyp, yë mmëkajtën m'oyajtën yë'ëjës xytyu'uwinwoop xytyu'uwinwijtsp ma ja në'ë tu'ujën mëtëypyë.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Salmos 48:14

Jä'ä ko ya'atë Tios, yë'ë xëmë nTios'ata'anëm oy tyimjëna'ajëty. Yë'ë xytyu'uwinwowa'anëm winë xëëw winë jëmëjt.

Salmos 73:24

tëës mijts xytyu'uwinye'ey mëët yë m'ëëwij mkajpxwijën, e ko ja xëëw jëmëjt tpaatëty mijtsës xy'ëxajëjaanp mëët yë xoontakën.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Éxodo 39:42

Yë Israel ja'ayëty jëtu'un ojts kä'pxy t'oytyuunta'atë tä ënäty ja Tios të tuk'ëne'emyën ja Moisés.

Éxodo 40:16

Moisés ojts tuunta'ay winë tä ënäty ja Tios të tyuk'ëne'emyën.

Números 1:54

Yë Israel ja'ayëty jëtu'un ojts winë tuntë, tä ja Tios ënäty të tuk'ëne'emyën ja Moisés.

Números 8:20

Moisés, Aarón ets tëkokyë yë Israel ja'ayëty ojts jëtu'un tpatuntë ja Tios ja y'ënä'ämën, mëti'ipë ënäty të tmo'oyën ja Moisés ma ja Leví ja'ayëty yajnimëtya'aktën.

Números 9:17

Ko ja yoots ijty pyëti'iky ja Israel ja'ayëty ënätyë ijty tsyoontë. E ma ja yoots ënäty nyäpyëjktä'äkyën, ja Israel ja'ayëty jam tsyënaaytyaknpëktë.

Números 9:21

Jëna'ajëty ja yoots je'eyë tsyuunaxy, komjëpom tä pyëtë'kojnë. E ja Israel ja'ayëty ënätyë tyu'upëktë. Näyjyëtu'un jëna'ajëty je'eyë xyëëwnaxy, ko kyootsënyë tääts pyëtë'kojnë, e ja Israel ja'ayëty näjyëtu'un ënätyë tsyo'onta'atë.

Hechos 1:4

Tëkok ënäty ja ijxpëjkpëtëjk jam tmëëtkaytyë ja Jesús ets y'ënëmaayëtë: Ka'ap mnatsoontëty yaa Jerusalén. Owxitë mëti'ipë Tios Teety të twaantä'äkyën ma miitsëtyën, mëti'ipë të ntukmëmëtya'aktën.