Números 9:18 - Biblia Mixe de Quetzaltepec

¹⁸ Ko ja Tios ijty y'ënë'ëmxëtë ets tsyoontëty, yë Israel ja'ayëty ënätyë ijty tsyoontë. Ëkë ko ijty yë'ë tuknipëjktaakë ets muum tsyënaaytyaknpëktëty. Jam ijty tsyënaaytyaknpëktë. Ets jam pyo'oxtë tä ënäty ja yoots jam pyo'oxyën tëjknëkëjxy ma ja Tios ja wyittëjkën.

Números 9:18 ပူးပေါင်းရင်းမြစ်များ

1 Corintios 10:1

Mëku'uktëjkëty, ka'apës ntsoky ets miits xyjyä'ätyëkoytyëty ko ja n'ap'ajt n'ok'ajtëm yajpatë yoots akujky ets ko ni'ëmukë ojts tuknaxtë ja Tsaptsmejy.

2 Juan 1:6

Tsojkën ja'awën ënäty yajmëët'ajtp ko yajpatuny ja ënä'ämën tëyajtën, yë'ë jëtu'un ënä'ämën'ajtp ko nätsyojk näjya'awëmëty ijxtëm të xynyijawëtën.

Números 10:13

Jëtu'un tä ënäty ja Tios ja y'ënä'ämën të tyäkyën ma Moisésën.

Números 9:20

E pën ja yoots je'eyë jam mäjtsk tëkëëk xëëwë y'ity tëjknëkëjxm ma ja Tios ja jyëën tyëjkën. Ko ja Wintsën ënäty y'ënä'ämëtë ets tsyoontëty, ënät tsyoontë; e ko ja Wintsën ënäty y'ënä'ämëtë ets wyë'ëmtëty, ënät wyë'ëmtë.

Éxodo 17:1

Ënät nitëkokyë tsyo'ontaaytyë ja Israel ja'ayëty ma Sin të'ëts itjotmën ets tyajpuwa'atstë ja tyu'ujëty wäänjaty, jëtu'un tä ënäty ja Wintsën të tni'ënä'ämën. Ënät jam tsyënaaytyaknpëjktë, ma ja it txëëwatyën Refidim, ma tääpë it naaxwiinyëtën, kamaa ënäty jam yë nëë mëti'ipë y'uuktëpën ja Israel ja'ayëty.

Números 9:19

Pën ja yoots poxp jam ma ja Tios ja wyittëjkën, ja Israel ja'ayëty näjyëtu'un jam jeky y'itë. Jëtu'un'äämpy jä'ä tuntë mëti'ipë ja Tios tuk'ënä'ämëtëpën.

Números 9:16

Jëtu'un ënäty xëmë yaj'ixy ko xyiiny'äty tä tu'uk yë yootsën. E ko kyoots'aty tä tu'uk yë jëënën.