Números 9:15 - Biblia Mixe de Quetzaltepec

¹⁵ Jä'ä xëëw ma ojts tkojtën ja Tios ja jyëën tyëjk, ja wit tëjk mëti'ipë myë'ijtypyën ja käjpxytyu'unën. Ënät ojts jam nyäpyëjktä'äkyë ja yoots tëjknëkëjxy ets jëtu'un tyim xëëwnajxy. E ko tsyu'ujënë jëtu'un yaj'ijxy tä jëënën ets jëtu'un ojts tyimkuxëënyë.

Números 9:15 ပူးပေါင်းရင်းမြစ်များ

Éxodo 13:21

Ko xyiinyäjty, yoots ojts mëët yë Tios tyu'uwinwowëtë, e ko kyootsajty tu'uk yë jëën kyutë'kxëtë. Paaty tjëkyejpy ets nyë'ëye'ey tyu'uye'eytyëty xëëny koots.

Éxodo 40:34

ënät ja yoots nëma'a ojts tyajnituky ja wit tëjk ma ja näpyaatë y'ityën mëët ja Tios ets tyajtuktujktaay mëët ja myëj'ajt y'oyajtën.

Salmos 78:14

Ko xyiiny'äjty yoots ojts mëët tyu'uwinwowëtë, e ko kyoots'ajty jëënmëët tyu'uwinwoowëtë.

Nehemías 9:19

mijts, ko tääjën ja m'ëma'atjot xy'ëkmëët'aty mëjwiin këjää, ka'ap jam jëtu'unyë xynyikäk të'ëts'itjotm. Ja yoots nëma'a mëti'ipë ënäty winye'eyëtëpën xëëny ka'ap ojts tyajjëwä'äky ets näjyëtu'un ja jëën mëti'ipë ënäty koots winye'eyëtëpën.

1 Corintios 10:1

Mëku'uktëjkëty, ka'apës ntsoky ets miits xyjyä'ätyëkoytyëty ko ja n'ap'ajt n'ok'ajtëm yajpatë yoots akujky ets ko ni'ëmukë ojts tuknaxtë ja Tsaptsmejy.

Isaías 4:5

Ma ja Sión kopkën, ets ma ja ja'ay tu'ukmukyë yajpaatën, nëjkxëp ja Wintsën jam ja kyënu'kxën tyajkëtä'äky tä tu'uk yë yoots nëma'ajën, jëënën nëjkx tyajkëtä'äky ko kyoots'atëty. Jam anëkëjxmtsow yë Wintsën yë myëj'ajt y'oyajtën nëjkx yajpaaty,

Salmos 105:39

Tios ojts tkexy yë yoots nëma'a këtiipë yë Israel ja'ay nyi'antëty, ets ko kyoots'ajty jëën ojts mëët tu'uwinye'ey.

Nehemías 9:12

Ets ojts xywyinye'ey mëët ja yoots nëma'a ko xyiiny'äjty e ko kyoots'ajty mëët ja jëën ets ja nyë'ë tyu'u t'ixtë ko ënäty tyu'uye'eytyë.

Números 14:14

Ënät nëjkx tukmëmëtya'aktë yë ja'ayëty, mëti'ipë Canaán tsënaaytyëpën. Yë'ëjëty tëë tnijawëtë ko mijts itkujky myajpaaty ma ya'atë naax kajpnën ets ko mijts Wintsën, wiinxë jëjpxë mtimnyänyikëxë'ëkyë. Yë mjok myoots yë'ë mtukniju'uxyp xëëny ets jëtu'un xytyu'uwinwoy. E ko kyoots'aty, jëënmëët xytyu'uwinwoy.

Éxodo 40:38

Jëtu'un ojts nyë'ëye'eytyë tyu'uye'eytyë ja Israel ja'ayëty, t'ijxtë tkoowtë winë mëj këjää, ko ijty xyiiny'äty ja Wintsën ja yoots ijty nyitëëynyääpy ja Tios ja jyëën tyëjk e ko kyoots'aty jëtu'un jam kyëxë'ëky ma ja tëjk kopkën, ma ja Tios ja jyëën tyëjkën, tä tu'uk yë mëj jëënyä'änkën.

Éxodo 40:2

Ma tyu'uk anyën mëtu'kpo'opë jää nëjkx xymyä'kxy ja wit tëjk ma ja näpyaatë y'itëtyën mëët ja Tios.

Éxodo 14:24

E kujk ënäty ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Tios jap ënäty yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Éxodo 13:22

Ja yoots jä'ä ënäty xëmë jëwyiin nëjkxp ko xyiiny'äty, e ja jëën jä'ä jëyëjp nëjkxp ko kyoots'aty.

Números 10:34

Ko ijty xyiiny'äty je'eyë tsyu'utsoontë tääts ja yoots nyäpyëjktä'äkyë ma yë'ëjëtyën mëti'ipë ja Tios jyä'ä'ajtypyën.

Números 17:7

Ënät ja Moisés ojts ja tajk tkajptakta'ay jam Tios wintum, ma ja wit tëjkën mëti'ipë myë'ijtypyën ja käjpxytyu'unën.

Deuteronomio 1:33

Oy yë'ë mjatu'uwinwowëtë ets të t'ixta'ay ja it naaxwiinyëtë ma mtsënaaytyaknpëktëtyën. Ko ënäty kyoots'aty, yë'ë mëët ja jëën tkutë'kxy ja në'ë tu'u, mëti'ipë mëpaat xypyanëjkxtën; e ko xyiiny'äty, yë'ë mëët ja yoots mtu'uwinye'eyëtë.

Éxodo 40:35

Jëtu'un'äämpy ojts ka'ap t'ëkjëkyäjpnë ja Moisés jap tyëkëty ma ja wit tëjkën ma ja näpyaatë y'ityën, jä'ä ko ja yoots nëma'a jä'ä ënäty jam të nyäkyo'ktaayënë tëjknëkëjxm ets ja Tios ja myëj'ajt y'oyajtën yë'ë ënäty të tyajtuktujkta'ay ja tëkot.