Números 9:14 - Biblia Mixe de Quetzaltepec

¹⁴ Ja jaaypyaat jaaypyo'kxyëty mëti'ipë tsënaaytyëpën ma ja mnaax mkajpnëtyën, kopkpëky ko näjyëtu'un tmëjjawëtëty yë ëmaayxyëëw maas ëjts ja nxëëw mëj nyäxyën, jëtu'un tääjës të ni'ënä'ämën. Ja ënä'ämën mëti'ipës të nyajwë'ëmyën, tunëp näjyëtu'un ma jaaypyaat jaaypyo'kxëtyën ets ma kunaax kukajpnëtyën.

Números 9:14 ပူးပေါင်းရင်းမြစ်များ

Levitico 24:22

Ya'atë ënä'ämën tëyajtën nëjkxëp tyuunkpaaty ma ja kunaax kukajpnën ets oy jyamëty ma ja jaaypyaat jaaypyo'kxyën. Ëjts jëtu'un Wintsën, mëti'ipë miits mTiosajtëpën.

Deuteronomio 31:12

Ënät nëjkx myiinta'atë ja'ayëty mëjja'ay mutskja'ay, yä'äy to'oxy ets jaaypyaat jaaypyo'kxy, mëti'ipë tsënaaytyëpën ma miitsëtyën ets tmëtoow'itëty ja ënä'ämën jëtu'un tnijawëtëty wi'ix twinkutsë'ëkëtëty ja Wintsën ets tuntëty winë tä ja ënä'ämën myinyën këxja'ay.

Deuteronomio 29:11

ja mëjja'ay mutskja'ayëty, yä'äy to'oxyëty, jaaypyaat jaaypyo'kxyëty, mëti'ipë yajpatëpën ma miits yë mnaax mkajpnëtyën ets mëti'ipë tyuunk'ajtëpën ja nija'axk ets nëë nikoonk nëë niwijtsk.

Levitico 25:15

Mëti'ipë juupyën, jääpaat mëpaat tkujuy ja naax kam mëpaat jajëmëjt pyo'oxyën, ma ja ja'ayëty may wyë'ëmtën ëwaatsëtuuy. Näyjyëtu'un ënät ja mëti'ipë to'kpën, jëtu'un mëpaat ja myëku'uk tukkujuuy winë jëtu'un tä ënäty ja pëjktä'äky jyaak pëtë'ëka'anyën.

Levitico 22:25

Näy ka'ap xykyupëktëty jëtu'unpë jëyujk, mëti'ipë yë jaaypyaat jaaypyo'kxy yäjkpyën ets yë'ë Tios yajmooypyëty, Tios ka'ap jëtu'unpë tkupëky. Jä'ä ko tääpë jëyujk ka'ap yë kya'pxëty ets ka'ap y'oyëty myëkëty.

Levitico 19:10

Këtii janty wa'ats xy'ijxtaaytya'ajëty ja m'aaytyëëm m'ujts tëëm, mëti'ipë ënäty muum të kyä'äyën. Ixmats wä'än yë'ë yë ëyoopëja'aytyëjk tyajmuktë ets jaaypyaat jaaypyo'kxyëty. Ëjts jëtu'un Wintsën mëti'ipë miits mTiosajtëpën.

Éxodo 12:43

Ënät yë Tios t'ënëmaay yë Moisés ets Aarón: Ya'atë jëtu'un wë'ëmp, tä tu'uk yë ënä'ämënën, mëëtkyëjxm yë ëmaayxyëëw. Nitu'uk mëpaat yë jaaypyaat jaaypyo'kxy tkatsu'utsy yë jëyujk mëti'ipë tëë wyintsë'kën'atyën,

Éxodo 12:47

Nitëkokyë yë Israel ja'ayëty jëtu'un tuntëty.

Números 15:15

Ya'atë ënä'ämën tsoowpatp ma miitsëtyën ets ma jaaypyaat jaaypyo'kxëtyën; yë'ë jëtu'un xëmë ënä'ämën'atëp ma miitsëtyën ets ma m'u'unk m'okëtyën.

Números 15:16

Tu'ukyë mëpaat je'eyë ënä'ämën y'ity ets tu'kjëjpyë mëti'ipë yajpatunëpën ma miitsëtyën ets ma jaaypyaat jaaypyo'kxëtyën.

Esdras 6:21

Ni'ëmukë ja Israel ja'ayëty mëti'ipë ënäty të y'itën ëxwopy ixkexy ojts tkaaytya'atë ja kääky uuky mëti'ipë ënäty të yajtuknikojën yë ëmaayxyëëw ets may myiintë ja'ayëty mëti'ipë ënäty ka'ap të nyätyukpaatëtën ja ëxëëktu'un, ëxëëkajpxën, ka'apë të yajtukwin'ëëntën ja wit meeny; ojts myiinta'atë, tukxoontaktë ja Wintsën, mëti'ipë y'ëwtajtëpën ja Israel ja'ayëty.