Números 9:1 - Biblia Mixe de Quetzaltepec

¹ Kom jëmëjt ma ënäty yë Israel ja'ayëty të tsyoontën jap Egiptë, ma y'änyën yë mëtu'kpo'opë. Ko jëmëjt tsyo'ontä'äky, jää ojts yë Tios tmëkäjpxy yë Moisés jam kopkkëjxm ma txëëwatyën Sinaí ets t'ënëmaay:

Números 9:1 ပူးပေါင်းရင်းမြစ်များ

Éxodo 12:11

Tëë ënäty ja mwit mtujkxy xytyuktëjkënyëtë ets tëë ënäty ja mkë'ëkëty xykyëxjäänëtë mtekykyijxy, jëtu'unyë nëjkx ye'epy mjaakkay mjaaktsu'utstë, jä'ä ko Wintsën jää y'ëmaayxyëëw itaanp.

Éxodo 12:6

Jam xymyëët'atëty ets këwent'aty xyaj'itëty koonëm ënäty ja xëëw tpaaty ma ya'atë po'o myajkmajkts anyën. Tukë'ëyë ja Israel ja'ayëty jää nëjkx tyaj'ooktë ja tsyajppaxëty ëkë kyupixynyëty ko jyënäkyxyëëw'atëty.

Éxodo 40:17

Paaty ko mäjtsk jëmëjt y'apejty, ma ënäty të tsyoontën jap Egiptë, ma tyu'uk'anyën ja mëët tu'ukpë ja po'opë, jää ojts ja Tios ja jyëën tyëjk ëka'any yajpëjktä'äky.

Éxodo 40:2

Ma tyu'uk anyën mëtu'kpo'opë jää nëjkx xymyä'kxy ja wit tëjk ma ja näpyaatë y'itëtyën mëët ja Tios.

Números 1:1

Ma tyu'uk'anyën yë mëmäjtskpo'opë, ma jajëmëjt ja mëmäjtskpë tsyo'ontä'äkyën. Tëë jëtää ënäty nyäxy tu'kjëmëjtnaxyën, ma Israel ja'ayëty jap tsyoontën Egiptë. Ënät ja Tios ojts tmëkäjpxy ja Moisés, jam ma ja të'ëts'it të'ëtsnaaxwiinyëtë txëëwatyën Sinaí. Jap ënäty yajpaaty ma wit tëjkën ma ja Tios mëët ja näpyaatë y'ityën, ko ojts y'ënë'ëmxëty: