Números 8:4 - Biblia Mixe de Quetzaltepec

⁴ Ja mëj jëëntooytyakn aak pu'ts pujxn mëët y'oytyunyëty. Yë'ë ojts mëët yajtuk'oytyuny yë pujxnkuwojpën, tyimtso'ontä'äky jëtu'un ma jyëjpën. Yë Moisés jëtu'un ojts yë mëj jëëntooytyakn tyaj'oyë tä ënäty ja Tios të tnikäjpxyën.

Números 8:4 ပူးပေါင်းရင်းမြစ်များ

Éxodo 25:18

jam nimäjtsk xyajkëxkojëty jëtu'unpë kyëxë'ëkëtyën tä yë tsajpjotmëtë kukajpxpën ets aak pu'ts pujxn mëët xy'oytyunëty, yë'ë mëët yë kuwojpën xytyuunk'atëty.

Éxodo 25:9

E tääpë wit tëjk maas ntsëënëja'anyën ets tëkokyë mëti'ipë jap tëkotsyow itaanpën, timjëtu'un xy'oytyunëty tä mëti'ipë ntuk'ixäämpyën.

Hebreos 9:23

Paaty ja wintsë'kën jyää'ajty ets wya'atstëty ja mëti'ipë y'awinax'ajtypyën ja tsajpjotmëpë; je'eyëp ko ja mëti'ipë tsajpjotmën, wäänë jaaktsoowpatp ni'ik ja wintsë'kën.

Hebreos 8:5

E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënäty jam tkoja'any ja tsajptëjk, jëtu'un ojts ja Tios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

Éxodo 37:7

Mäjtsk ja tsajpjotmëtë kukäjpxy ojts jam tyajkëxkojy aak pu'ts pujxn jëjp'am pa'apa'a. Yajxon tka'tstëëy tpëjktëëy mëët yë pujxnkuwojpën.

Éxodo 26:30

Tääts ënät xyajkojëty ja tsajptëjk, tä të nmo'oyën ja nyi''ijxpät ma ya'atë tun kopkën.

Números 8:3

Yë Aarón ojts jëtu'un tkuuytyuny tä ënäty ja Moisés ja Tios të tyuk'ëne'emyën. Ojts ja kutë'kxn yajxon tmä'kxta'ay ets tyajmëjëy, jamtsow tyajnajts'ixë wintuuytsyow ma ja mëj jëëntooytyaknën.

Números 8:5

Ënät ja Tios ojts tmëkäjpxy ja Moisés ets t'ënëmaay: