Números 8:3 - Biblia Mixe de Quetzaltepec

³ Yë Aarón ojts jëtu'un tkuuytyuny tä ënäty ja Moisés ja Tios të tyuk'ëne'emyën. Ojts ja kutë'kxn yajxon tmä'kxta'ay ets tyajmëjëy, jamtsow tyajnajts'ixë wintuuytsyow ma ja mëj jëëntooytyaknën.

Números 8:3 ပူးပေါင်းရင်းမြစ်များ

Mateo 5:15

Ko ja'ay jëën tyajtooypyiky, ka'ap jap tpëjktä'äky kajjoonpa'tkë'p, këjxm yajpëjktä'äky ets tkutë'kxëty mëti'ipë jap tëkotyën.

Números 8:2

Ënëëmë yë Aarón, ko t'oytyunëty yë kutë'kxn ets tyajtooypyëkëty, y'ixëp yajxon pën najtsjajëp jamtsow ma mëj jëëntooytyakn nyajts'ixën.

Números 8:4

Ja mëj jëëntooytyakn aak pu'ts pujxn mëët y'oytyunyëty. Yë'ë ojts mëët yajtuk'oytyuny yë pujxnkuwojpën, tyimtso'ontä'äky jëtu'un ma jyëjpën. Yë Moisés jëtu'un ojts yë mëj jëëntooytyakn tyaj'oyë tä ënäty ja Tios të tnikäjpxyën.

Éxodo 39:37

Ja mëj jëëntooytyakn mëti'ipë aak pu'ts pujxn mëët y'oytyunyëtyën ets ja nyikutë'kxn mëti'ipë mä'kxy yajpatpën ets tu'kë'ëyë jënu'un ënäty mëët tyuna'anyën, jëtu'un tä ja onën mëti'ipë mëët tyoyën ja kutë'kxn;

Éxodo 40:25

Ets tyajmëjëtyääy ja kutë'kxn jam ma ja Tios ijty kyëtä'äkyën, ijxtëm ënäty ja Tios të tni'ënä'ämën.