Números 8:21 - Biblia Mixe de Quetzaltepec

²¹ Ja Leví ja'ayëty ojts yajxon nyäpyuj nyäjyä'ätsëtë ets ojts ja wyitëty tpujtë. Ënät ja Aarón ojts twoownëjkxy ja Leví ja'ayëty Tios wintum ets tyäjky tä tu'uk yë ayajk ako'onën mëti'ipë Wintsën yajmoopyën. Jëtu'un ojts tkënu'kxy tä tyuny'ätyën ko pën ja näypyuj näjyä'ätsë tpaaty.

Números 8:21 ပူးပေါင်းရင်းမြစ်များ

Números 8:7

Ko ënäty ja kënu'kxynyëë yajtukujaaxtë Wintsën wyintum, ya'atë jëtu'un mëpaat xytyuntë. Mijts, yë'ë mtuknixijkxëp ja kënu'kxynyëë mëti'ipë mëët winë yajtukkënu'kxyën. E ko ënäty jëtu'un të xytyuny tääts yë'ëjëty nyäjyäpëtëty ma tëkokyë nyi'kx kyopkëtyën ets ja wyit näjyëtu'un tpujtëty tjä'ätstëty. Jëtu'un'äämpy wa'ats wyë'ëmtëty.

Números 19:19

Ja ja'ay mëti'ipë ënäty wa'ats yajpatpën, yë'ë mëpaat tuknixijkxy ja kënu'kxynyëë, ja mëti'ipë ëxëëk yajpatpën, ko kyomtëkëëk xëëwpätëty ets ko wyëxtujkxëëwpätëty. Kom wëxtujk xëëw tëë ënäty wa'ats wyi'imy. Ënät ja ja'ay wyit tpujëty mëti'ipë ënäty ëxëëk të yajpaatyën ets näjyëtu'un tsyi'iwëty xyëtsëty, ëxëëk jyaak wë'ëmëty jëtu'un kyutsu'ujëty.

Números 8:15

Yë'ëjëty jam nëjkx tyuntë ma ja wit tëjkën ma näpyaatë y'ityën mëët yë Tios. Jëyëjp xykyënu'kxëty ets xyajtsi'iw xyajpujtëty, etsës xymyo'ojëty, tä tu'uk yë ayajk ako'onënën.

Números 19:12

Kom tëkëëk xëëw ets kom wëxtujk xëëw nëjkx nyäpyujy nyäjye'etsyë mëët yë kënu'kxynyëë ets wa'ats wyë'ëmëty. Pën ka'ap nyäpyujy nyäjye'etsyë kom tëkëëk xëëw ets kom wëxtujk xëëw, ka'ap nëjkx wa'ats wyi'imy.

Números 3:12

Ma Israel ja'ayëtyën yë Leví ja'ayëty yë'ëjës të nwin'ixtë ets tkunaxtëty tëkokyë ja yä'äy'ëna'këty mëti'ipë kä'äxkopkëtyën ma tu'uktu'uk yë jëën tëjkën. Yë'ëjëty ëjtsës njä'äniwäämpy.

Éxodo 19:10

ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Números 8:20

Moisés, Aarón ets tëkokyë yë Israel ja'ayëty ojts jëtu'un tpatuntë ja Tios ja y'ënä'ämën, mëti'ipë ënäty të tmo'oyën ja Moisés ma ja Leví ja'ayëty yajnimëtya'aktën.

Números 8:22

Ko jëtu'un tyuuntaay jyajtaayë, ënät ja Leví ja'ayëty ojts ja tyuunk tuntë, mëti'ipë jap tuka'ajëtëpën ma ja wit tëjkën ma ja näpyaatë y'ityën mëët ja Tios. Yë Aarón mëët yë myaank'ëna'k, yë'ë ojts kyëwent'atëtë ets wyintunëtë. Tä ënäty yë Tios të tuknipëkyën ja Moisés ja Leví ja'ayëty yajtuknipëktëty.

Levitico 14:11

Ja teety mëti'ipë ënäty tunaanpën ma ja ja'ay wya'atsa'anyën, jam ja ja'ay twoownëjkxëty ma yajnitëkën ja wit tëjk ma näpyaatë y'ityën, mëët tëkokyë mëti'ipë myëët'ajtypyën. Jëtu'un jam nyäpyuj nyäjyä'ätsëtëty Tios wintum;