Números 8:18 - Biblia Mixe de Quetzaltepec

¹⁸ E yë'ëjëty nimay ënäty oyëty, paatyës yë Leví ja'ayëty yë'ë të nwin'ixy ets yë'ë tkunaxtëty ja kä'äxkopktëjk.

Números 8:18 ပူးပေါင်းရင်းမြစ်များ

Números 8:17

Jä'ä ko ëjtsës yë xypyatp yë kä'äxkopk, ninu'un yajpaatën ma Israel ja'ayëtyën, jëtu'un tä jëyujk tsajpkaajëty mëti'ipë ëka'any mëxu'unk'ajtëpën. Koos ojts nyaj'o'kta'ay yë Egiptë ja'ayëty yë kyä'äxkopktëjkëty, yë Israel ja'ayëty yë kyä'äxkopkëty ëjts ojts nätyuknipëjkë'ëkëtyës.

Números 8:19

Ëjts yë'ëjës jëtu'un të nwin'ixy yë Leví ja'ayëty etsës të nmo'oy yë Aarón mëët yë y'u'unk y'ëna'k ets jap tkutuntëty tëkokyë yë Israel ja'ayëty ma ja wit tëjkën ma ja näpyaatë y'ityën mëët yë Tios, jëtu'un'äämpy tpaatëty ja pokymyä'kxën ma Tiosën. Jëtu'un'äämpy ka'ap nëkooyë yë Israel ja'ayëty tmëwinkontëty yë Tios yë wyittëjk ets ka'ap wi'ix jyatëty kyëpätëty.

Génesis 48:14

E ko ojts yë Israel xyajtëy, tä ojts ja kyë'ë tyajnäywyinnaxyë ets ja kyë'ë ja a'oy'äämpyë jam tpëjktä'äky ma Efrainkën, mëti'ipë ënäty mutsknëmën, e ja anajny'äämpyë jam tpëjktäky ma ja Manasesën, oy ënäty jä'ä jyakä'äxkopkëty.

Números 3:9

Ëpëky xypyëjkta'akëty yë Leví ja'ayëty ma myëku'uktëjkëtyën yë Israel ja'ayëty. Ets yi'iyë atu'uk timtyuunk'atëty ma ja Aarón yajputëkëja'anyën ets näjyëtu'un ja y'u'unk y'ok.

Números 3:12

Ma Israel ja'ayëtyën yë Leví ja'ayëty yë'ëjës të nwin'ixtë ets tkunaxtëty tëkokyë ja yä'äy'ëna'këty mëti'ipë kä'äxkopkëtyën ma tu'uktu'uk yë jëën tëjkën. Yë'ëjëty ëjtsës njä'äniwäämpy.