Números 8:17 - Biblia Mixe de Quetzaltepec

¹⁷ Jä'ä ko ëjtsës yë xypyatp yë kä'äxkopk, ninu'un yajpaatën ma Israel ja'ayëtyën, jëtu'un tä jëyujk tsajpkaajëty mëti'ipë ëka'any mëxu'unk'ajtëpën. Koos ojts nyaj'o'kta'ay yë Egiptë ja'ayëty yë kyä'äxkopktëjkëty, yë Israel ja'ayëty yë kyä'äxkopkëty ëjts ojts nätyuknipëjkë'ëkëtyës.

Números 8:17 ပူးပေါင်းရင်းမြစ်များ

Éxodo 13:2

Ëpëky pëjkta'ak nitëkokyë yë m'u'unk m'ëna'këty mëti'ipë kä'äxkopkëtyën. Jä'ä ko yë Israel ja'ayëty yë kyä'äxkopkëty ëjts yë njä'äniwäämpy, näjyëtu'un yë jyëyujk kä'äxkopkëty.

Lucas 2:23

Jëtu'un tuuntë, jä'ä ko ja Wintsën ja y'ënä'ämën jëtu'un y'ënä'äny: Ni'ëmukë ja mëtu'ukpë ja u'unk maay mëti'ipë kä'äxkopkën, aak Wintsën yajtukë'ëtëjkëp.

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Hebreos 11:28

Mëët ko myëpëjky ja Moisés tyuun ja ëmaayxyëëw ko t'ënëmaay ja Israel ja'ayëty ets ja ne'pyny nëjkx tuknikoytyë ja tyëjk aaw ets ja yajja'ay'o'kpë mëti'ipë Tios kyäjxën ka'ap tyaj'ooktëty ja kä'äxkopk mëti'ipë Israel ja'ayëtyën.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Tios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Juan 10:36

E pën ëjts tëëjës ja Tios xykyënu'kxy ets yë'ëjës të xykyexy yaa naaxwiiny, ¿tii ko m'ëna'antë ko Tios nmëtëkoyës koos nätyijyë ko yë'ë xy'u'unkëtyës?

Ezequiel 20:12

Ojtsës näjyëtu'un ntuknijawëtë wi'ix tpo'kxtëtyën yë po'kxënxëëw, mëti'ipë ijxpäjn wë'ëmpën ma yë'ëjëtyën ets ëjts yë'ëjës yajtukja'amyätsëp mëti'ipës të nätyuknikënu'kxëtyën.

Salmos 135:8

Yë'ë ojts tyaj'o'kta'ay ja kä'äxkopktëjk ma ja Egiptë ja'ay ja y'u'unk y'ëna'këtyën, ets näjyëtu'un ojts tyaj'o'ktaay ja jëyujk tsajpkaa ja kyä'äxkopk mëti'ipë ënäty yë'ë jyä'ä'ajtëpën.

Salmos 105:36

Yaj'o'ktaay jap Egiptë tëkokyë kä'äxkopktëjk ma ja Egiptë ja'ayëtyën.

Salmos 78:51

Ojts yë'ëpaat tyaj'ooky jap Egiptë kajpnjoty ja yajkutujkpë ja kyä'äxkopk ets jënu'un ja Egiptë ja'ayëty ja y'u'unk y'ëna'k tmëët'atën mëti'ipë kä'äxkopkën.

Números 3:13

Jä'ä ko tëkokyë yë yä'äy'ëna'k mëti'ipë kä'äxkopkën ëjts yë xypyatp. Koos ojts nyaj'o'kta'ay ja kä'äxkopk jap Egiptë mëti'ipë yä'äy'ëna'këtyën, ja myaankëty ja Israel ja'ayëty mëti'ipë kä'äxkopkëtyën. Ets näjyëtu'un ja jyëyujk tsyajpkaajëty mëti'ipë ëka'any naaxwiiny miinpën, ëjtsës ojts nätyuknipëjkë'ëkëty. Paaty yë'ëjëty ëjts njä'ä'ajtyp. Ëjts mëti'ipë Wintsën'ajtpën.

Levitico 27:26

Ja kä'äxkopk mëti'ipë ëka'any mëxu'unk'ajtpën, ka'ap mëpaat yajwaantä'äky. Wä'än yë'ëjëty yë tsajpkaa u'unk ëkë kupixyny'u'unk, yë'ë Wintsën jyä'ä'ajtyp.

Éxodo 29:44

Nkënu'kxäämpyës ya'atë wit tëjk ma ja näpyaatë y'ityën ets näjyëtu'un ya'atë wintsë'këntyakn, nkënu'kxäämpyës näjyëtu'un yë Aarón mëët yë y'u'unk y'ëna'k ets yë'ë tyeety'atëty ets xymyëtuntëtyës.

Éxodo 12:29

Kujktsyu'um ënäty, ko ja Tios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënäty kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënäty jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë.

Números 8:18

E yë'ëjëty nimay ënäty oyëty, paatyës yë Leví ja'ayëty yë'ë të nwin'ixy ets yë'ë tkunaxtëty ja kä'äxkopktëjk.