Números 8:16 - Biblia Mixe de Quetzaltepec

¹⁶ Jä'ä ko ma Israel ja'ayëtyën, yë'ëjës të nwin'ixtë etsës njä'ä'atëty. Ëjts nkupëjkpyës yë'ëjëty ets jëtu'un tpaatëty tä jeexyë miitsëty xymyo'otësën ja mkä'äxkopkëty.

Números 8:16 ပူးပေါင်းရင်းမြစ်များ

Números 3:12

Ma Israel ja'ayëtyën yë Leví ja'ayëty yë'ëjës të nwin'ixtë ets tkunaxtëty tëkokyë ja yä'äy'ëna'këty mëti'ipë kä'äxkopkëtyën ma tu'uktu'uk yë jëën tëjkën. Yë'ëjëty ëjtsës njä'äniwäämpy.

Números 3:45

Yë Leví ja'ayëty yë'ë mtuknikënu'kxëp ets tkunaxtëty yë Israel ja'ay yë myaankëty kä'äxkopkpë. Ets näjyëtu'un yë Leví ja'ay yë tsyajpkaajëty yë'ë nëjkx xytyuknikënu'kxë ets tkunaxtëty ja Israel ja'ay ja tsyajpkaajëty, mëti'ipë ëka'any të myëxu'unk'atën. Jä'ä ko yë Leví ja'ayëty ëjts yë xypyatëp. Ëjts jëtu'un Wintsën.

Números 3:9

Ëpëky xypyëjkta'akëty yë Leví ja'ayëty ma myëku'uktëjkëtyën yë Israel ja'ayëty. Ets yi'iyë atu'uk timtyuunk'atëty ma ja Aarón yajputëkëja'anyën ets näjyëtu'un ja y'u'unk y'ok.

Éxodo 13:2

Ëpëky pëjkta'ak nitëkokyë yë m'u'unk m'ëna'këty mëti'ipë kä'äxkopkëtyën. Jä'ä ko yë Israel ja'ayëty yë kyä'äxkopkëty ëjts yë njä'äniwäämpy, näjyëtu'un yë jyëyujk kä'äxkopkëty.

Números 3:6

Mëkajpxta'a ja y'u'unk y'ok ja Leví ets tjëjpwa'akëtëty ja tuunk ma mëët tyuunmuktëtyën yë Aarón ma yajputëkëja'anyën.

Números 3:13

Jä'ä ko tëkokyë yë yä'äy'ëna'k mëti'ipë kä'äxkopkën ëjts yë xypyatp. Koos ojts nyaj'o'kta'ay ja kä'äxkopk jap Egiptë mëti'ipë yä'äy'ëna'këtyën, ja myaankëty ja Israel ja'ayëty mëti'ipë kä'äxkopkëtyën. Ets näjyëtu'un ja jyëyujk tsyajpkaajëty mëti'ipë ëka'any naaxwiiny miinpën, ëjtsës ojts nätyuknipëjkë'ëkëty. Paaty yë'ëjëty ëjts njä'ä'ajtyp. Ëjts mëti'ipë Wintsën'ajtpën.