Números 8:14 - Biblia Mixe de Quetzaltepec

¹⁴ Jëtu'un nëjkx ëpëky xypyëjktä'äky yë Leví ja'ayëty etsës njä'ä'atëty.

Números 8:14 ပူးပေါင်းရင်းမြစ်များ

Malaquías 3:17

Yë Wintsën mëti'ipë maaytyääyëpën winë, jëtu'un y'ënä'äny: Yë'ëjës yam ntuknipëjktakëp yë xëëw jëmëjt jëna'a yë'ëjëty jatëkok y'awinpitëty nnaax nkajpnës. Jëtu'un tä tu'uk yë u'unkteety u'unktaak tpa'ëyoyën yë y'u'unk myääy mëti'ipë mëmëtoowëpën, jëtu'unës mpa'ëyowa'antë yë'ëjëty.

Números 18:6

Ëjts kë'ëm ëpëky të npëjktä'äkyës yë Leví ja'ayëty ets mijts nmo'oy. Yë'ë mputëkëtëp ets jap tyuntëty ma ja wit tëjkën ma näpyaatë y'ityën mëët yë Tios.

Números 3:45

Yë Leví ja'ayëty yë'ë mtuknikënu'kxëp ets tkunaxtëty yë Israel ja'ay yë myaankëty kä'äxkopkpë. Ets näjyëtu'un yë Leví ja'ay yë tsyajpkaajëty yë'ë nëjkx xytyuknikënu'kxë ets tkunaxtëty ja Israel ja'ay ja tsyajpkaajëty, mëti'ipë ëka'any të myëxu'unk'atën. Jä'ä ko yë Leví ja'ayëty ëjts yë xypyatëp. Ëjts jëtu'un Wintsën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Gálatas 1:15

E tëëtëm ënäty ja Tios xywyin'ixyës naamka'anëm nmëxu'unk'atynyëmës ets tëëtëm ënäty myëyajtën mëët xyaxtsoyës,

Romanos 1:1

Ëjts Pablo, Kristë Jesús myëtuunpë. Tiosës të xywoowtsoy etsës nmëtunëty, të xytyuknipëkyës ets nkajpxwa'kxëtyës ja y'aaw y'ayuk oypyë.

Deuteronomio 10:8

Ënät ojts yë Wintsën twin'ixy yë Leví y'u'unk y'ëna'k ets yë'ë tkë'ëtëty ja kaaxë mëti'ipë myë'ijtypyën ja käjpxytyu'unën ets tukwinkukëyëtëty ja Wintsën, ko tii wintsë'kën yajmo'oja'anëty, ijxtëm tyampaat tuntën.

Números 8:17

Jä'ä ko ëjtsës yë xypyatp yë kä'äxkopk, ninu'un yajpaatën ma Israel ja'ayëtyën, jëtu'un tä jëyujk tsajpkaajëty mëti'ipë ëka'any mëxu'unk'ajtëpën. Koos ojts nyaj'o'kta'ay yë Egiptë ja'ayëty yë kyä'äxkopktëjkëty, yë Israel ja'ayëty yë kyä'äxkopkëty ëjts ojts nätyuknipëjkë'ëkëtyës.

Números 6:2

Jëtu'un xy'ënëëmëty yë Israel ja'ayëty: Pën tu'uk yë to'oxytyëjk ëkë ye'etyëjk tyuunpy yë waantakën ma Wintsënën, ko jä'ä y'ita'any nazareo ja'ay, mëti'ipë jyuukyajtën të twaantä'äkyën ma yë'ëjën.

Números 3:12

Ma Israel ja'ayëtyën yë Leví ja'ayëty yë'ëjës të nwin'ixtë ets tkunaxtëty tëkokyë ja yä'äy'ëna'këty mëti'ipë kä'äxkopkëtyën ma tu'uktu'uk yë jëën tëjkën. Yë'ëjëty ëjtsës njä'äniwäämpy.

Números 8:13

Ënät mijts jam kë'ëm xywyaatswitsëty ma ja Aaronkën ets ma ja myaankëtyën ets nëjkx xykyënu'kxy maas ëjts xymyëtuntëtyën.

Números 3:9

Ëpëky xypyëjkta'akëty yë Leví ja'ayëty ma myëku'uktëjkëtyën yë Israel ja'ayëty. Ets yi'iyë atu'uk timtyuunk'atëty ma ja Aarón yajputëkëja'anyën ets näjyëtu'un ja y'u'unk y'ok.