Números 8:12 - Biblia Mixe de Quetzaltepec

¹² Ënät ja Leví ja'ayëty näjyëtu'un jam ja kyë'ë tkëxkontëty ma ja nimäjtskpë ja tsajpkaa ja kyëpajkën, tu'uk nëjkx wyintsë'kën'aty ma ja nëë poky tkunaxëtyën ets tu'uk nëjkx yajnino'oky ets ja wa'atsajtën tpaatëty ja Leví ja'ayëty.

Números 8:12 ပူးပေါင်းရင်းမြစ်များ

Éxodo 29:10

Ok xymyënëjkxëty ja tsajpkaa ëna'k ma ja wit tëjkën ma ja näpyaatë y'ityën. Ets ja Aarón mëët ja y'u'unk y'ëna'k, ënät jam ja kyë'ë tkëxkontëty ma ja jëyujk këpajkën.

Hebreos 9:22

Jëtu'un ja Moisés ja y'ënä'ämën tnikäjpxy ets oy tyimtiijëty, ne'pny mëët wya'atsëty, ets ko ja ne'pyny kya'itëty, ka'ap ja poky yajmä'kxëty.

Levitico 8:14

Tä ojts ja Moisés tni'ënä'ämë ets ja tsajpkaa tyajmintëty mëti'ipë wintsë'kën'atëpën mëëtkyëjxm ja nëë poky. Tä ja Aarón ets ja y'u'unk y'ëna'k jam ja kyë'ë tkëxkoontë ma ja tsajpkaa ja kyëpajkën.

Levitico 1:4

Ets tkëxkonëty yë kyë'ë ma ja tsajpkaa ja kyëpajkën jëtu'un yajkupëkëty, mëti'ipë ënäty tyukunaxäämpyën ja nyëë pyoky.

Números 8:8

Ënät näjyëtu'un xyaktëty tu'uk yë tsajpkaa ets wäänë yë nyitsajpmokway mëti'ipë ontë'ëtsën. Yë'ë ya'atë ayajk ako'onën mëti'ipë aaypyajk ujts pajkën. Ëpëky ja wiinkpë ja tsajpkaa mëti'ipë yajyajkpën ets ja nëë poky tkunaxëty.

Números 6:16

Yë teety yë'ë nëjkx Wintsën wintum tkë'ëyäky ja wintsë'kën, mëti'ipë ja nëë poky kyunajxypyën ets mëti'ipë yajnino'kpën,

Números 6:14

Ets Tios tukwintsë'ëkëty tu'uk yë kupixyny yä'äy mëti'ipë yë jyëmëjtën tu'uk ets yë'ë ja oypyë mëkpë, mëti'ipë ja nëë poky kyunaxëpën. Tu'uk yë kupixynytyo'oxy mëti'ipë jyëmëjtën tu'uk, oypyë mëkpë mëti'ipë wintsë'kën'atëpën ma ja näy'ëëw'oy näykyajpx'oyë y'ityën.

Levitico 16:21

ets tpëjkta'akëty jam ja kyë'ë ma ja tsajppax ja kyëpajkën ets tmaaywyajtsta'ajëty tëkokyë ja Israel ja'ayëty ja y'ëxëëktu'un y'ëxëëk kajpxënëty, kyäjpxykyumëto'ownajxënëty ets nyëë pyokyëty. Jëtu'un'äämpy ja nëë poky jam tpëjktakta'ajëty ma ja tsajppax ja kyëpajkën ets tu'uk ja ja'ay tuknipëkëty mëti'ipë nëjkx tnajtsmatsën jam të'ëts itjotm.

Levitico 16:11

Mëëtkyëjxm ja Aarón ja kyë'ëmpoky, yë'ë ja Tios tyukwintsë'ëkëp ja tsajpkaa ets ja pokymyä'kxën tpaatëty, näjyëtu'un ja y'u'unk y'ëna'k ets y'u'unk tyo'oxytyëjk.

Levitico 16:6

Ets ënät tukwintsë'ëkëty ja Tios ja tsajpkaa, mëti'ipë ja kyë'ëmpoky tyuknikëpäjtu'utëpën ets näjyëtu'un ja y'u'unk y'ëna'k ets ja y'u'unk tyo'oxytyëjk.

Levitico 14:22

mäjtsk yë pak ëkë mäjtsk yë muuxy, yë'ë nyija'ap jënu'un naje'eyë myëtä'äky yë myeeny. Tu'uk mëti'ipë wintsë'kën'atëpën ma ja nëë pokyën ets tu'uk mëti'ipë yajnino'okëpën.

Levitico 9:7

Tä yë Moisés t'ënëmaay yë Aarón: Winkon jam ma wintsë'këntyaknën ets yak jam yë wintsë'kën mëët yë pokykyëjxm ets ja jëyujk mëti'ipë mnino'okäämpyën ets pokymyä'kxën xypyaatëty ma ja mpokyëtyën ets näjyëtu'un mëëtkyëjxm ja Israel ja'ayëty ja nyëë pyokyëty ets ja pokymyä'kxën tpaatëty, jëtu'un tä ja Wintsën të tni'ënä'ämën.

Levitico 8:34

Yë Tios jëtu'un të tni'ënä'ämë yajtunëty, tä tyam të xy'ixtën yajtunyën, ko pën ja nëë poky tunëty.

Levitico 8:18

Moisés ojts näjyëtu'un tni'ënä'ämë ets twijtsmintëty ja kupixyny yä'äy yä'kpetypë mëti'ipë yajnino'kpën, tä ja Aarón ets ja y'u'unk y'ëna'k jam ja kyë'ë tkëxkoontë ma ja kupixynykyëpajkën.

Levitico 5:7

Pën kajts ja ja'ay nëkooyë ja wit meeny tmëëtëty, mëti'ipë tyukjuyëpën ja tsajppax ëkë kupixyny. Jyëkyäpëp yë'ë tyakëty Wintsën wintum mäjtsk yë muuxy ëkë yë kuuk mëti'ipë kyunaxëpën ja pyoky. Tu'uk mëti'ipë wintsë'kën'atëpën mëëtkyëjxm ja poky ets tu'uk mëti'ipë yajnino'okëpën.

Levitico 4:35

Tääts ënät tnëtsujktaayëty ja y'on, jëtu'un tä të yajnëtsujkta'ayën ja y'on ja kupixyny mëti'ipë wintsë'kën'ajtpën, ko ja nay'ëëw'oy näykyajpx'oyë y'ity ets jam tnino'oktëty ma ja wintsë'këntyaknën, tu'kmukyë mëët ja ayajk ako'onën mëti'ipë nino'oky yajtukwintsë'këpën ja Tios. Jëtu'un'äämpy ja teety tpaatëty ja pokymyä'kxën, mëti'ipë ja ja'ay jyä'ä'atëpën mëti'ipë ënäty të pyokytyunyën ets ja nyëë pyoky jëtu'un yajmä'kxëty.

Levitico 4:20

Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Levitico 4:4

Jam tmënëjkxëty Tios wintum, ma ja wit tëjk yajnitëkën, ma ja Tios mëët ja näpyaatë y'ityën, jamts tkëxkonëty ja kyë'ë ma ja tsajpkaakëpajkën, tääts ënät ok tyo'kumëty.

Levitico 4:15

Ma ja mëjja'aytyëjkëty tkëxkontëtyën ja kyë'ë ma ja tsajpkaa ayääkën ja kyëpajkën, jam ma ënäty yajpaatën Tios wintum, tëëjës ënäty jëtu'un tuntë, tääts jämyë tyo'kumtëty.

Números 8:13

Ënät mijts jam kë'ëm xywyaatswitsëty ma ja Aaronkën ets ma ja myaankëtyën ets nëjkx xykyënu'kxy maas ëjts xymyëtuntëtyën.

Levitico 8:15

Ënät ja Moisés ojts ja tsajpkaa tyaj'ooky ets ojts ja nyine'pny tpëjkëyë, ja ne'pny jam ojts txijkxëtity ma ja wintsë'këntyakn ja nyiwajën ets wa'ats wyë'ëmëty. Jä'ä ja ne'pny mëti'ipë ojts nyatëkën, jam ojts txijkxëtity ma ja wintsë'këntyakn ja nyitekyën ets kënu'kxy wyë'ëmëty ets jam ja pokymyä'kxën yajpaatëty.