Números 8:10 - Biblia Mixe de Quetzaltepec

¹⁰ Tääts nëjkx yë Leví ja'ayëty ëjts xywyinkuwa'akëtë ets nitëkokyë yë Israel ja'ayëty nëjkx yë kyë'ë tkëxkoonta'atë ma Leví ja'ayëty yë kyëpajkëtyën.

Números 8:10 ပူးပေါင်းရင်းမြစ်များ

Hechos 6:6

Tääts jam tyajmiintë ma ja ijxpëjkpëtëjkëtyën ets ja Tios tuknija'amyäjtsëtë ets ojts tkë'ënixajtë.

Levitico 1:4

Ets tkëxkonëty yë kyë'ë ma ja tsajpkaa ja kyëpajkën jëtu'un yajkupëkëty, mëti'ipë ënäty tyukunaxäämpyën ja nyëë pyoky.

1 Timoteo 5:22

Ka'ap nëkoo ja ja'ay xykyë'ënixajëty pën ka'ap yajxon të xywyinmay të xywyintajy, këtiipë xymyëpokytyëkëty ja wiink ja'ay ja pyoky. Wa'ats mijts mnäyaj'itëtëty.

1 Timoteo 4:14

Këtii ja mtuunk xyajtëkoyëty mëti'ipë mëët'ajtypyën, mëti'ipë ja Tios të mmo'oyën ets käjpxynyajxpë m'itëty ko ojts ja mëjja'aytyëjk mkënu'kxyë.

Números 3:45

Yë Leví ja'ayëty yë'ë mtuknikënu'kxëp ets tkunaxtëty yë Israel ja'ay yë myaankëty kä'äxkopkpë. Ets näjyëtu'un yë Leví ja'ay yë tsyajpkaajëty yë'ë nëjkx xytyuknikënu'kxë ets tkunaxtëty ja Israel ja'ay ja tsyajpkaajëty, mëti'ipë ëka'any të myëxu'unk'atën. Jä'ä ko yë Leví ja'ayëty ëjts yë xypyatëp. Ëjts jëtu'un Wintsën.

Levitico 4:15

Ma ja mëjja'aytyëjkëty tkëxkontëtyën ja kyë'ë ma ja tsajpkaa ayääkën ja kyëpajkën, jam ma ënäty yajpaatën Tios wintum, tëëjës ënäty jëtu'un tuntë, tääts jämyë tyo'kumtëty.