Números 7:9 - Biblia Mixe de Quetzaltepec

⁹ Ja Quehat ja y'u'unk y'ok ka'ap ojts ja kyepy wintëkäämpë yajmo'otë, jä'ä ko ja mëti'ipë ijty yë'ëjëty myënëjkxtëpën muum, kejkkyijxy ijty tyajye'eytyë, mëët ko y'ëmaayjyätyëty.

Números 7:9 ပူးပေါင်းရင်းမြစ်များ

2 Samuel 6:13

Je'eyë ënäty të tmënajtswa'akëtë tëtujk teky, ko ja David jam tu'uk ja wintsë'kën tyäjky Wintsën wintum, ojts tu'uk tyaj'ooky yë tsajpkaa yä'äypyë ets tu'uk yë tsajppax.

2 Samuel 6:3

Ënät ja kaaxë jam tkëxpëjktë ma tu'uk yë kepy wintëkäämpën jemypyë ets jam tmëtso'ontë ma ja Aminadab ja tyëjkën jam kopkkëjxm. Yë Uza ets Ahio, yë Aminadab yë y'u'unk y'ëna'k jä'ä tyu'uwinye'eytyëp ja kepy wintëkäämpë ma ja Wintsën ja kyaaxë nyijkxyën, ja Ahio jä'ä jëyëjp nëjkxp.

2 Samuel 6:6

Ko jam jyajtë ma tu'uk ja it txëëwatyën Era de Nacón, jam ojts ja tsajpkaa jawäänë tkamëkëtay ja Tios ja kyaaxë ets ja Uza poj'am tmajtsy.

1 Reyes 8:3

Ojts myiinta'atë ja mëjja'aytyëjkëty jampë yajpaatën ma ja Israel kajpnën, tä ja teetytyëjkëty tkëëyë'ktë ja Wintsën ja kyaaxë

1 Crónicas 15:13

jä'ä ko ojts tëkok jyayajmëtsoona'any, ka'ap myiitsëty xymyëtso'ontë, paaty yowë ojts yë Wintsën jyoot'anpëky ets ojts ja nmëku'uk'ajtëm y'o'knëtë jä'ä ko ka'ap ojts jëyëjp ja Wintsën yaj'amëtoy wi'ix yajtunëtyën.

1 Crónicas 15:3

Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënäty të tnipëjktaakëtën.

1 Crónicas 23:26

Paaty yë Leví ja'ayëty ka'ap nëjkx nëkoo y'ëknäytyukmëje'emty'o'kënëtë ja tsajptëjk witnikojpyë, ja kaaxë ets tëkokyë mëti'ipë tuunpën jap ko kajpxtakën y'ity.

Números 3:31

Ya'atë ja'ayëty jënu'un tyu'kukajpn'atën, yë'ë ojts yajtuknipëktë ets tkëwent'atëty ja kaaxë mëti'ipë myë'ijtypyën ja käjpxytyu'unën ets ja kaaypyäjn ets ja mëj jëëntooytyakn, ja wintsë'këntyakn, ja apëjk atu'unënëty mëti'ipë tuunpën ko ja Tios ja wyintsë'kën yajmo'oy, ja wit'atëëytyuk ets tëkokyë winë mëti'ipë yajtuuntëpën ja teetytyëjkëty.