Números 7:86 - Biblia Mixe de Quetzaltepec

⁸⁶ Jam'ajtp ënäty näjyëtu'un majkmäjtsk ja jä'pn mëjjatyëtypë, mëti'ipë oytyunyëtyën mëët yë pu'ts pujxn, aak ujtsëty ijty xëmë y'itë mëët yë poom. Tääpë jä'ä ijty tu'ukjaty jye'emtyëty tu'kmëko'px ja majk nikonë, jä'ä yajtuuntë ja kijpxën japë y'ijtyën ma ja Tios ja wyittëjkën. Ko tëkokyë ja jä'pn yaj'apëjkmujktaay ets ojts yajkijpxy. Jä'ä jye'emty'äjty tu'uk mil ja tëkëëk mëko'px ja i'px nikonë.

Números 7:86 ပူးပေါင်းရင်းမြစ်များ

Éxodo 25:29

Ma nyitekyën nän pu'ts pujxn jam mpëjkta'akëp, näjyëtu'un ja tu'ts ets ja a'ukën mëti'ipë mëët tyuna'anyën, ma yaj'atämën ja ayajk ako'onën mëti'ipë nëëjëtyën.

Éxodo 30:13

Tëkokyë mëti'ipë yajkëxjaaytyën ma ja jaaymyujkën y'ijtyën, ya'atë nëjkx tyaktë ma ja Tiosën: mëkoxk nikonë yë poop pujxn, ya'atë kijpxën yë'ë mëti'ipë jap ijtpën ma tsajptëjkën.

Números 7:85

Tu'ukjaty ja texy mëti'ipë yë poop pujxn mëët y'oytyunyëtyën, jä'ä ënäty jye'emtyëty tu'uk mil ja taxk mëko'px ja i'px majk nikonë ets ja mëj'a'ukën poop pujxnpë mëët y'oytyunyëtyën, jä'ä jye'emtyëty wëxtujk mëko'px ja tëkë'px majk nikonë. Ko ojts yajtëëytya'atë ja texy ets ja poop pujxn a'ukën, jä'ä ojts jye'emty'atë i'px tëtujk mil ja taxk mëko'px nikonë, yë'ë ojts kyijpxën'aty ja kijpxën japë tsajptëkoty y'ityën.

Números 7:87

Ja jëyujkëty mëti'ipë ojts yajno'oktën. Jä'ä ojts nyiwinë'atë majkmäjtsk yë tsajpkaa, majkmäjtsk yë tsajpkaa u'unk, majkmäjtsk yë kupixyny ets jä'ä ja jyëmëjtëty tu'ukjaty ets ja jëyujkëty aakmëët ojts yajyaktë ja nyi'ujts pajkëty mëti'ipë ayajkën'ajtp ako'on'ajtpën ets ëpëky majkmäjtsk ja tsajppax mëti'ipë wyintsë'kën'ajtën ko ja pyoky tukkunaxtë.

1 Reyes 7:50

ja a'ukën, ja jëënjä'pn, ja tojkxjä'pn ja jëëntsijtk ets tëkokyë winë mëti'ipë ënäty ja pu'ts pujxn mëët y'oytyunyëtyën. Näy pu'ts pujxn ënäty mëët y'oytyunyëty ja pujxn mëti'ipë ja tëjk'akaj wyo'on'ijtypyën ma ja wa'atspë tëkotën, mëti'ipë jap tëkotyowën ets yë'ëpaat ja mëjtsajptëjk ja tyëjk'aaw.

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënät tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.