Números 7:3 - Biblia Mixe de Quetzaltepec

³ Ets ojts yë Wintsën tmo'otë tëtujk yë kepy wintëkäämpë, aak ujtsëty ets majkmäjtsk yë tsajpkaayä'äy mëti'ipë myëye'eytyëpën ja kepy wintëkäämpë. Jä'ä mpëjktakmëty ja tu'ukpë ja kepy wintëkäämpë nimäjtsk ojts tukmuktë ja mëjja'aytyëjkëty ets këëktu'uk ja tsajpkaayä'äy tyajktë. Tëkokyë ya'atë të yajnikäjpxyën ojts jam tmënëjkxta'atë tëjk'ëkë'ëm ma ja Tios ja wyittëjkën.

Números 7:3 ပူးပေါင်းရင်းမြစ်များ

Génesis 45:19

Ënä'äm yë mtuunpëtëjk ets yaa tyimtsoontëty ets wä'än tmënëjkxtë yë jëyujkëty ets kepy wintëkäämpë jam Canaán ets ja mteety myintëty mëët ja y'u'unk y'ëna'k y'u'unk tyo'oxytyëjkëty,

Números 7:4

Ënät ja Tios t'ënëmaay ja Moisés:

Isaías 66:20

Nëjkxëp tyajmiinta'atë nitëkokyë yë mjëëky mmëku'ukëty mëti'ipë ënäty wiink naax wiink kajpn yajpatëpën. Tam mëti'ipë nëjkx myinyën kwaaykyijxy, kepy wyintëkäämpëkëjxy, kepykyijxy, mulëkëjxy ets jëyujk jëku'uxkëjxy. Jëtu'un nëjkx n'ixyës tä jeexyë pën tii xytyukwintsë'ëkënës jam Jerusalén, tä yë Israel ja'ayëty tmëmintën yë wintsë'kën a'ukënjoty mëti'ipë wa'atsën, mëti'ipë jam yajktëpën maas yë ntsajptëjkën ets maas ja nkopkën wa'atspë. Ëjts, Wintsën, ëjts ënaanp.

Amós 2:13

E oy ko jyëtu'unëty, ëjts nyaj'anokëjäämpyës yë naaxwiinyëtë ma mtekpya'tkëtyën, jëtu'un tä y'anokën yë kepy wintëkäämpë mëti'ipë ujtsën mëët yë tsajpmok.

Génesis 45:21

Yë Israel yë y'u'unk y'ëna'këty jëtu'un ojts tjantytyuntë, ojts myo'ojëtë yë José yë kepy wintëkäämpë, mëti'ipë ënäty yë yajkutujkpë të tni'ënä'ämën ets näjyëtu'un yë jë'kxy pëky, mëti'ipë myëtu'uye'eytyëpën.

Éxodo 25:2

Ënëëmë yë Israel ja'ayëty wä'än tyajmuktë yë ayajk ako'onën mëti'ipës xymyo'otëpën. Ko xyaktëty ya'atë ayajk ako'onën yam n'amëtoyësën, jä'ä xyaktëty kë'ëmtsojkën ets winë aaw winëjot.

Esdras 2:68

Ojts ja kopktëjkëty jam jya'të, mëti'ipë ojts tyaktën kë'ëmwinma'any ja wit meeny ets jam tyunëty ma ja Wintsën ja tsyajptëjk ënäty yajkoj'oyëjä'änyën jam Jerusalén.