Números 7:14 - Biblia Mixe de Quetzaltepec

¹⁴ ëpëky ojts tyajkpë tu'uk yë mëj jä'pn aak pu'ts pujxn, mëti'ipë je'emtyën mëko'px ja majk nikonë. Ujts tyäjky mëët yë poom,

Números 7:14 ပူးပေါင်းရင်းမြစ်များ

2 Crónicas 24:14

Ko tyaj'o'oyëtyääytyë ënät ja meeny ojts tmënëjkxtë ma ja yajkutujkpën mëti'ipë ënäty të nyatëkën, ja mëti'ipë ënäty të nyatëkën yë'ë ojts mëët tyajkojtë ja apëjk atu'unën mëti'ipë jap itëpën ma Wintsën ja tsyajptëjkën, mëti'ipë tunëpën ko ënäty ja kajpxta'ak y'ity ets ko ënäty ja wintsë'kën yajyäky mëti'ipë no'oky xämyën, ojts tyajkojtë ja mëj jä'pn ets ja wiinkëtypë ja apëjk atu'unën. Ja wintsë'kën no'okpyë xämpyë xëmë ijty tyaktë mapaat jyuuky'äjtyën ja Joiadá.

2 Crónicas 4:22

tääts ja mëti'ipë ja jëën yajtukpäänpi'tspën, ja mëj'a'ukën, ja jä'pn ets ja jëëntsijtk, aak pu'ts pujxnëpë mëët y'oytyunyëtyën. Näy pu'ts pujxn ënäty mëët y'oytyunyëty ja tëjk'aaw ja nyi'akaj, mëti'ipë tëkotytsyowën, mëti'ipë y'akaj'ajtypyën ja tëkot mëti'ipë ëmaayën ets ja tyëjk'akaj ja mëjtsajptëjk.

1 Reyes 7:50

ja a'ukën, ja jëënjä'pn, ja tojkxjä'pn ja jëëntsijtk ets tëkokyë winë mëti'ipë ënäty ja pu'ts pujxn mëët y'oytyunyëtyën. Näy pu'ts pujxn ënäty mëët y'oytyunyëty ja pujxn mëti'ipë ja tëjk'akaj wyo'on'ijtypyën ma ja wa'atspë tëkotën, mëti'ipë jap tëkotyowën ets yë'ëpaat ja mëjtsajptëjk ja tyëjk'aaw.

Números 4:7

E ja kaaypyäjn ma jam winë yajkëxpëkyën, yë'ë nëjkx mëët yajtukwinyä'äpë tu'uk yë ukywyit ets nëkëjxy nëjkx tkëxpëjkta'atë ja texyëty, a'ukënëty, mëj jä'pnëty mutsk jä'pnëty, ja uukytsyu'tsëty ma ja tsatym nyëë yaj'apëkën, mëti'ipë tëë nyimaanaxyën ets näjyëtu'un ja tsajpkääky mëti'ipë yajyajkpën winjëpom.

Éxodo 37:16

Ojts näjyëtu'un yë apëjk atu'unën tyaj'oyë, mëti'ipë ënäty jam itaanpën ma ja kaaypyäjnën, aak pu'ts pujxn ojts tuk'oytyuny, ja texy, ja mëj jä'pn, ja nyitu'ts ets ja a'ukën; ma yajpëjkta'akëtyën ja ayajk ako'onën mëti'ipë nëëjëtyën.

Éxodo 35:8

on mëti'ipë tuunpën ma kutë'kxën, yë pa'akxu'kën mëti'ipë mëët tyunyën yë on mëti'ipë yajtukkënu'kxpën, poom mëti'ipë oy xu'kp jojkpën,

Números 7:13

Yë'ë ojts tyäky tu'uk yë poop pujxn texy. Jä'ä jye'emtyëty tu'uk mil ja taxk mëko'px ja i'px majk nikonë ets tu'uk yë mëj poop pujxn a'ukën, mëti'ipë je'emtyën wëxtujk mëko'px ja tëkë'px majk nikonë. Jä'ä ja kijpxën yajtuuntë mëti'ipë jap ijtpën ma ja Tios ja wyittëjkën. Ma ja poop pujxntexyën ets ma ja poop pujxn a'ukën ujts ojts tyäky mëët yë tsajpmokway mëti'ipë mëët tyijjëtityëtyën ja on ets yë'ë y'ayajkën'at ako'onën'atëty ma ja aaypyajk ujtspajk yajyäkyën,

Números 7:15

ëpëky tjaakyäjky tu'uk yë tsajpkaayä'äy ayääkë, tu'uk yë kupixyny yä'äy mëti'ipë tëë yä'kpetyën ets tu'uk yë kupixyny ayääkë tu'kjëmëjt petypë mëti'ipë yajnino'okëpën,