Números 7:13 - Biblia Mixe de Quetzaltepec

¹³ Yë'ë ojts tyäky tu'uk yë poop pujxn texy. Jä'ä jye'emtyëty tu'uk mil ja taxk mëko'px ja i'px majk nikonë ets tu'uk yë mëj poop pujxn a'ukën, mëti'ipë je'emtyën wëxtujk mëko'px ja tëkë'px majk nikonë. Jä'ä ja kijpxën yajtuuntë mëti'ipë jap ijtpën ma ja Tios ja wyittëjkën. Ma ja poop pujxntexyën ets ma ja poop pujxn a'ukën ujts ojts tyäky mëët yë tsajpmokway mëti'ipë mëët tyijjëtityëtyën ja on ets yë'ë y'ayajkën'at ako'onën'atëty ma ja aaypyajk ujtspajk yajyäkyën,

Números 7:13 ပူးပေါင်းရင်းမြစ်များ

Éxodo 30:13

Tëkokyë mëti'ipë yajkëxjaaytyën ma ja jaaymyujkën y'ijtyën, ya'atë nëjkx tyaktë ma ja Tiosën: mëkoxk nikonë yë poop pujxn, ya'atë kijpxën yë'ë mëti'ipë jap ijtpën ma tsajptëjkën.

Levitico 2:1

Ko pën yë Tios tuknimina'anëty yë aaypyajk ujtspajk, yë'ë mëpaat tmëminy yë oyëtypë tsajpmokway ets mëët tukmëpëkëty yë on ets poom.

Éxodo 37:16

Ojts näjyëtu'un yë apëjk atu'unën tyaj'oyë, mëti'ipë ënäty jam itaanpën ma ja kaaypyäjnën, aak pu'ts pujxn ojts tuk'oytyuny, ja texy, ja mëj jä'pn, ja nyitu'ts ets ja a'ukën; ma yajpëjkta'akëtyën ja ayajk ako'onën mëti'ipë nëëjëtyën.

Éxodo 25:29

Ma nyitekyën nän pu'ts pujxn jam mpëjkta'akëp, näjyëtu'un ja tu'ts ets ja a'ukën mëti'ipë mëët tyuna'anyën, ma yaj'atämën ja ayajk ako'onën mëti'ipë nëëjëtyën.

Mateo 14:11

Tääts ojts tmënëjkxtë texyjoty ets tmooytyë ja to'oxy'ëna'k ets ja to'oxy'ëna'k tmooy ja tyaak.

Mateo 14:8

Ja kiixy tëë ënäty ja tyaak y'akajpxëty, ënät t'ënëmaay ja Herodes: Yaa xyakëty texyjoty ja Juan Yajnëëpäjtpë ja kyëpajk.

Zacarías 14:20

Jä'ä xëëw jampaat nëjkx yajkëxja'ay ja ayuk ma kwaay yë y'ajäänë'ëkën mëti'ipë ëna'anëpën: Wintsën të yajtuknikënu'kxë. Ets ja jëënpajk jä'pn yë'ëpaat nëjkx kënu'kxy nyäxy tä ja a'ukën mëti'ipë jam yajpatpën ma ja wintsë'këntyaknën.

Daniel 5:2

E ja yajkutujkpë tëë yajxon kom y'uuky, ënät ni'ënä'ämëy ets tyajmiinta'atëty ja a'ukën mëti'ipë pu'ts pujxn mëët y'oytyunyëtyën ets tyajmintëty texy mëti'ipë näjyëtu'un aak pu'ts pujxn mëët y'oytyunyëtyën, aakjä'ä mëti'ipë tyeety Nabucodonosor ënäty jam të tmëtsoonyën Jerusalén ma ja tsajptëjkën. Tääts tu'ktä'ämëtyääytyë ja tsim texy aak pu'ts pujxn mëëtpë ets yë'ë tuk'ukëtyë ets tuktojkxëtyë ja yajkutujkpë ets tëkokyë ja wintsëntëjkëty yä'äypyë to'oxypyë mëti'ipë ënäty të yajwoowmuktën.

Jeremias 52:19

Näyjyëtu'un ja tsiptuunpë wintsën, ojts tmënëjkxta'ay ja apëjk atu'unën mëti'ipë pu'ts pujxn ets poop pujxn mëët y'oytyunyëtyën, tä ja mëj texyën, ma ja jëënpajk yaj'apëkën, ja mëj a'ukën; ja tu'ts ma ja kuyjaam nyipetyën, ja jëëntooytyakn, ja mëj jä'pn ets ja a'ukën mëti'ipë tuunpën ko yajyäky ja tsatym nyëë mëti'ipë tëë nyimaanaxyën.

Esdras 8:25

etsës nmooytyë koos nkijpxtaay ja pu'ts pujxnmeeny, poop pujxn meeny, näjyëtu'un ja apëjk atu'unën mëti'ipë ënäty të tyaktën ja yajkutujkpëty, ja wintsëntëjkëty ets ja myëku'uktëjkëty mëti'ipë mëët tyuunmuktën mëti'ipë tyukniyajkëtyën ma ja Wintsën ja tsyajptëjk kyoja'anyën.

1 Reyes 7:45

Ëpëky ja tu'ts ja jä'pn ets ja tsim, ja texy ets ja apëjk atu'unën. Tëkokyë ya'atë mëti'ipë Hiram yajkojën mëti'ipë ënäty ja Salomón të tyuk'ëne'emyën aakpujxn ojts tuk'oytyuunta'ay.

1 Reyes 7:43

ja majkpë ja potsy'ëjx ets ja majkpë ja nëë apëjkën, ja nimajkmäjtskpë ja tsajpkaa ënäty të tpotsyën,

Números 3:47

Jä'ä tyaktëty ja meeny mëkoxk mëti'ipë aak poop pujxnën ets jëtu'un nyäkyuyakëtëty nitu'ukjaty ja ja'ay, ja meeny jëtu'un nëjkx jye'emty'äty tä ja ja'ayëty jap tyaktën ma ja Tios ja wyittëjkën, majktu'uk nikonë jye'emty'atëty.

Levitico 27:25

Tëkokyë jënu'un winë yajtsowmo'oyën, jëtu'un mëpaat y'ixë'aty tä jap tsajptëkoty myinyën. Yë'ë myajtunëp yë siclë meeny mëti'ipë tsoowpatpën i'px geras.

Levitico 27:3

Yë naaxwiinyëtë ja'ay pën jä'ä yë jyëmëjt i'px ets tëkë'pxpaat, jä'ä xytyuknipëkëty ets nyäkyuyakëtëty wëxtyikxy majk ja meeny aak poop pujxn ets yë'ë kijpxën'atëp ja kijpxën mëti'ipë jap ijtpën tsajptëkoty.

Números 7:12

Ma ëka'any ojts tsyo'ontä'äkyën ja mëtu'kxëëwpë, yë'ë ojts tmënëjkxy yë y'ayajk y'ako'onën yë Nahasón, yë myaank yë Aminadab, mëti'ipë jyä'äy'äjtypyën yë Judá.

Números 7:14

ëpëky ojts tyajkpë tu'uk yë mëj jä'pn aak pu'ts pujxn, mëti'ipë je'emtyën mëko'px ja majk nikonë. Ujts tyäjky mëët yë poom,

Números 7:73

ets näjyëtu'un ojts ja y'ayajk y'ako'onën tyäky, tä ja mëjëyëjpë ja jyä'äjëty tyajktën.

Números 15:4

Pën yajmiimpy ja y'ayajk y'ako'onën, ëpëky tjaakyajkëty mäjtsk tsim yë tsajpmokjëtsy, mëti'ipë mëët yajxëpinyën yë on.

Números 28:5

E ja aaytyëëm ujtstëëm mëti'ipë ayajkën'at ako'onën'atëpën, yë'ë tsajpmookjëtsy mäjtsk tsim wo'okjëtity mëët yë olivë on.

Números 29:6

ëpëky ja jëyujk mëti'ipë yajnino'kpën winpo'ojëty ets ëpëky mëti'ipë yajnino'kpën winjëpom. Ets jä'ä mëti'ipë ëpëky yajtukmëyajkëpën ja aaypyajk ujtspajk ets ja tsatym nyëë mëti'ipë ayajkën'ajtp ako'onën'ajtpën, jëtu'un tä yë Tios të tni'ënä'ämën. Tëkokyë ya'atë ayajk ako'onën nëjkxëp yajnino'oky ets jam jya'tëty Wintsën wintum, tä tu'uk yë xu'kën jojkënën oypyë tsujpë.