Números 7:12 - Biblia Mixe de Quetzaltepec

¹² Ma ëka'any ojts tsyo'ontä'äkyën ja mëtu'kxëëwpë, yë'ë ojts tmënëjkxy yë y'ayajk y'ako'onën yë Nahasón, yë myaank yë Aminadab, mëti'ipë jyä'äy'äjtypyën yë Judá.

Números 7:12 ပူးပေါင်းရင်းမြစ်များ

Génesis 35:22

Jam ënäty yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënäty ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënäty jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 35:23

Mëti'ipë y'u'unk'ajtën mëët yë Lea, jä'ä xyëëwajtë Rubén, ja kä'äxkopk, ok myëxu'unk'ajtë Simeón, Leví, Judá, Isacar ets Zabulón.

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Génesis 49:8

Mijts Judá mtukxoonta'akanëp yë mjëëky mëku'uk, jëtu'unyë mmëtsip xyo'kmëmatsëja'any. Yë mjëëky mmëku'uk yë'ë kë'ëm mwinkoxtänëtëp ets mwinkutsë'ëkëtëty.

Números 1:5

E tsyaats jëtu'un ja xyëëw myintë ja ja'ayëty, mëti'ipë nyikopk'atëpën ja jyiiky myëku'ukëty ets tputëkëtëty: Ma ja Rubén ja jyä'äyën yë'ë jam nyikopk'atëp yë myëku'uktëjk yë Elisur, yë Sedeúr yë myaank.

Números 1:7

Ma ja Judá ja jyä'äyën yë'ë jam nikopk'atëp yë myëku'uk yë Nahasón, yë Aminadab yë myaank.

Números 10:14

Yë'ë jëyëjp nëjkxtëp ja tsiptuunpëtëjkëty mëti'ipë myëët'ajtëpën ja Judá ja myëjwit wintëy ets yë'ë tsiptuunpë wintsën'atëp ma yë'ëjëtyën yë Nahasón, myaank yë Aminadab.

Números 2:3

Matsow yë xëëw pyëtsimyën yë'ë jam tsënaaytyaknpëktëp, yë tsiptuunpëtëjkëty mëti'ipë näwya'pëtëpën mëët ja Judá ja myëjwit wintëy. Ma yë'ë tsyiptuunpë wintsën'atyën yë Nahasón, yë myaank yë Aminadab,

Números 7:11

Ënät ja Tios t'ënëmaay ja Moisés: winjëpom nitu'ukjaty yë mëjja'aytyëjkëty tmënëjkxtëty yë y'ayajk y'ako'onënëty jam ma potsyën ma ja wintsë'kën yajyäkyën ets yë'ë Tios tukwintsë'ëkëtëty ma ja potsy yajkënu'kxyën.

Números 7:13

Yë'ë ojts tyäky tu'uk yë poop pujxn texy. Jä'ä jye'emtyëty tu'uk mil ja taxk mëko'px ja i'px majk nikonë ets tu'uk yë mëj poop pujxn a'ukën, mëti'ipë je'emtyën wëxtujk mëko'px ja tëkë'px majk nikonë. Jä'ä ja kijpxën yajtuuntë mëti'ipë jap ijtpën ma ja Tios ja wyittëjkën. Ma ja poop pujxntexyën ets ma ja poop pujxn a'ukën ujts ojts tyäky mëët yë tsajpmokway mëti'ipë mëët tyijjëtityëtyën ja on ets yë'ë y'ayajkën'at ako'onën'atëty ma ja aaypyajk ujtspajk yajyäkyën,

Mateo 1:4

Aram yë'ë teety'ajtë Aminadab, Aminadab yë'ë teety'ajtë Nahasón, Nahasón yë'ë teety'ajtë Salmón,

Lucas 3:32

yë David y'u'unk, yë Jesé y'u'unk, yë Obed y'u'unk, yë Booz y'u'unk, yë Sélah y'u'unk, yë Nahasón y'u'unk,

Rut 4:20

Aminadab xyëëwajt yë tyeety yë Nahasón, Nahasón xyëëwajt yë tyeety yë Salmón.